♥♥ بقلمي ...مونيا لوباروس♥♥
⛔⛔⛔لا احلل النشر بدون ذكر الإسم
(رواية مغربية مكتملة)
البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
بعدما دوشو وخرجو هبطو فطرو فالجردة ..لا هاديك كتر من جردة ...كيفطرو وهو مگلسها فوقو ... رؤيا:ياسين توحشت نشوف ماما وبابا ياسين:إنشاء الله رؤيا:وبغيت نخرج راه قنطت هنا ...حتا من الورشة من شحال مامشيت ليها ياسين(بدا كيتعصب):رؤيااا ...واش ضروري تعصبيني رؤيا:علاش شنو گلت ...هاكا كنت عايشة ...من نهار جيت لهاد البلاصة مشفت الدنيا برا ..وكون مكنتش جايا قبل لهنا مكنتش نعرف حتا فاينا بلاصة فالخريطة انا ياسين(مزير عليها من خصرها): رؤيااا خلينا هانيين رؤيا(كتحاول تنوض):هاهي غادي تخليك هاني ياسين(جرها بجهد ):ريحي لأرض.. رؤيا(مقصحة ):مالك وليتي فحال هكا ...عنيف ومكتفهمش .... ياسين(كيحاول يبرد):رؤيا راه اي حاجة كنديرها راه فمصلاحتك...صبري شوية ديال ااوقت وكلشي غادي يتقاد
رؤيا مشات گلسات فالكرسي لي حداه وكتاكل فصمت ..اما هو فحابس اعصابو ومباغيش يتعصب عليها ويخسر نهارهم ..عارف علاقتهم فمرحلة حساسة مبغاش يخسرها ..خلاها ودخل دار شي اتصلات ورجع لقاها كتلعب معا القطيطات . ياسين(باسها فحنكها):مشينا رؤيا:فين كانت هليكوبتر نازلة ياسين:سيري بدلي حوايجك هاني كنتسناك
بسرعة مشات لبسات حوايجها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبطات لقاتو كيتسناها ...عونها تركب ماهي دقائق معدودة حتا طارو ..رؤيا محدهم كيطلعو وهي مزيرة على ياسين ..وهو معنقها حتا وصلو...كان مطار ...هبطو لقاو قدامهم طائرة خاصة ..ركبو طريق كاملة ورؤيا كتحاول تعرف فين غاديين و ملقات حتا راس الخيط .بعد سوايع هبطو ..لقاو شخص كيتسناهم يعطيهم اللوطو لي يتحركو بيها رؤيا غادا وكتشوف كتحاول تعرف فين جاو كتشوف البحر ودوك ااديور و النوع ديال السيارات عاد بدات كتفهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رؤيا(غوتات ):لاا ميمكنشش ...واش مزال عاقل ياسين(شاد ليها فيديها وكيضحك):منسيت والو ....كنتي بغيتي تجي ليها وهاحنا مكاينش محسن من هاد الوقيتة رؤيا(كطل من الشرجم وكضحك):هههه لا ممتيقاش ...انا ف كوبا (طارت عليه بتعنيقة حتا خنقاتو) رؤيا(كتشير ليه):حبس هنا حبس ياسين(حبس لوطو):شنو بغيتي ديري رؤيا:احسن حاجا نقدرو نشوفوها فكوبا هي غروب الشمس
مشاو گلسو فبلاصة عالية تما كانو بزاف ديال الناس ..حيت فعلا غروب الشمس فكوبا كيكون غير
بقاو مدة ومن بعد مشاو ..كانو واخدين دار جات فبلاصة فحال الجبل كطل على البحر ...منضرها كيفتح النفس ....بعدما حطو حوايجهم ياسين طلع يدوش اما رؤيا فجذبتها الموسيقى ..من ديما كتعجبها ااموسيقى ديال كوبا...بقات متبعة الصوت. كان على برا ..كانو مجموعة كيعزفو و الناس من مختلف الجنسيات كيشطحو وفرحانين ...وحتا هي دخلات كتشطح ....اما ياسين فخرح وحماق حيت ملقاهاش ...غير خرج برا لقاها ...ولكن مبغاش يخسر عليها فرحتها... اما هي غير شافتو جراتو وبدات كتشطح هي وياه اما هو متبعها وفرحان ...فحال كانو شحال هادي فرحانين مع بعضياتهم و كيحماقو غير بحدهم كتر من اي كوپل عادي كان ياسين ديك الساعة غالب عليه الطابع الكوميدي ..كانو فحال شي حماق كيشطحو فالطريق ...
وهكا دازت سيمانة وهوما فكوبا فرحانين كيدوزو وقيتة زوينة ...ياسين حس براسو تعوض على دوك الأيام الخايبة لي دوز ...على الاقل رؤيا قريبة ليه دابا ..واخا مزال مسامحاتش ليه ولكن كيحس بيها عيات وبغات تعيش حياتها من جديد ...باقي حاجز بيناتهم ولكن غادي يتكسر نهار تسامحو من قلبها وتعرف علاش مشا
