رؤيا

الجزء 16

بعد عدة ساعات خبرهم الطبيب بيلا حالتها استاقرات ...ولكن حالتها اانفسية كتلعب دور كبير شي لي خلاها متستاجبش معاهم .
من بعد مادوزات يوماين  فالعناية اامركزة .حولوها الغرفة ديالها .....مع ذالك غير حلات عينيها جاها انهيار ..كتبكي بلا دموع وحتا صوتها بقوة مغوتات مبقاش كيخرج ..حبس ليها قلبها فلحظة تفكرات هضرتو معمري غادي نتخلى عليك نتي النصف التاني ديالي ..مكاينش شي حد كيتخلى على روحو ..ونتي هي روحي ا رؤيا
سيف الدين وريماس مقدوش يشوفو بنتهم فديك الحالة
ريماس:سيف اادين مالها بنتي  اشنو واقع عليها ....بغيت بنتي ا سيف الدييين علاش وقع ليها هكا عمرها ادات شي واحد .....علاش كيوقع لبنتي هاكا ..الله ياربي رجع ليا بنتي راه هي الوحيدة لي عندي ..ياربي خودني انا فبلاصتها وخليها هي
سيف الدين كيخرج ريماس ودموعو هابطين  حتا حس بيها سخفات بين يديه وداها لغرفة من غرف المصحة بعدما عطاوها مهدئ
بعدما رجع سيف اادين لقا حالتها استقرات

بعد ايام قليلة رؤيا كيعطيوها غير اامهدئات شي لي خلا دكتور ينقلها المصح النفسي  كان كل على طول الشهور الأولة غير كيجي ماماها وباباها كتسولهم منين كتشوفهم ساكتين كتعرف انه مبقاش امل . وكذالك منين كيجيو ياسمين ونسرين غير كتسولهم كيبداو يبكيو على حالتها .كل مرة كانت كتجلس حدا باب الغرفة كنسناه يجي ...كتلبس نفس القفطان ديال الخطبة وكتسناه ايمتا يدخل من الباب حتا كتنعس ..هكا بقات لمدة عام ...داز عام من حياتها وهي كتسناه  ضيعات عام مدارت فيه والو من غير انها كتسنى ياسين
ريماس وسيف الدين كيشوفو بنتهم لي كانت فحال شي وريدة وذبلات رغم انهم كيسقسوها ايلا انها مكتستاجبش وكيفقدو الامل .....رقاقت بزاف وفقدات البريق ديالها

رؤيا فاقت بكري ليوم خرجات من الغرفة وگلسات فالجردة ديال المصحة ..جابت ليها وحدة الفطور ..بقات كتاكل بهدوء تام   كانت حداها مرا كبيرة فسن  طلباتها تاكل معاها ..رؤيا مرفضاتش وحكزات ليها البلاطو ..بقات كتهضر معاها حتا جا شي واحد وقف حداهم ..وكيحاول يطمن على فاطمةوكيشوف فرؤيا  كانت كتبان كيف شي ملاك فلبستها البيضة كتبان حزينة بزاف اول مرة يشوفها  بقا كيشوف فيها حتا وقفو عليه لفرمليات كيحاولو يثيرو انتباهو شي لي خلاه يفقد تركيزو مع رؤيا

##أمين العلوي 27سنة وسيم بإمتياز ، اغنى اغنياء المغرب شخص عندو نفوذ كبير داخل وخارج المغرب معروف بأعمالو الخيرية وحتا من المصح لي فيه رؤيا ديالو ##

رؤيا  من بعد ماسالات جابو ليها اادوا  بقات گالسة وشادا حداها القطيطات كتلعب معاهم وكتوكلهم  حتا جا حداها باباها وماماها گالسين حداها كيبان فيهم التعب
رؤيا:بابا جبتي ليا هاديك لي گتليك
ريماس(كتبوس رؤيا) :اه جابها ليك  ابنتي
رؤيا شدات الساك لقات فيه الحلوة لي كتعجبها :صايبتها كريمة ياك
سيف اادين:اه هي لي صايبتها وراه صايبات ليك حتا الكيك لي كتبغي
جبدات رؤيا دكشي وبدات كتاكل وكتدي وتفرق علا كلشي حتى من امين
هكا داز اانهار دوزوه ريماس و سيف اادين بقاو مع رؤيا
اما أمين فمشى للقصر ديالو والنهار كامل وهو كيفكر فشنو لي خلا بنت العلامي فديك الحالة  مصدقش انه هو فاش شافها معاه
امين:نبغي دابا نعرف شنو كدير بنت العلامي فالمصح ديالي وشنو السبب لي خلاها هكاك نبغي دابا نعرف كلشي