رؤيا

الجزء 43

صبح صباح جديد على الابطال ديالنا كل و مشغول بخدمتو ..نسرين و امين لي بقا ليهم ايام قليلة ويديرو لعرس ...و ياسمين و احمد لي ديما واحل معاها ففترة لوحم .....اما ريماس موحشة بنتها وباغا تشوفها حيت كتهضر معاها غير مرة مرة فتيلي و سيف الدين مصبر فيها و ماباغيش يخلعها

نمشيو عند رؤيا لي غير حسات بياسين خرج فصباح بكري ناضت دوشات وصلات ... هبطات لاصال كدير سپور حلفات حتا توري ياسين ....بعدما سالات طلعات هضرات مع ماماها فتيلي لي جاب ليها ياسين مي مراقب

اما ياسين فواقف هو و عاصم كيشوفو فالأشغال بادية فمكان المشروع الجديد ....
ياسين:كنضن دابا الأمور غادا مزيان ...بقا غير الإفتتاح .
عاصم:الحمد لله كلشي مشا مزيان ...
ياسين:بقات حاجا وحدة وهي نتفكو من منصف وكلشي يولي مزيان ...
عاصم:هي گول ليا بعد متنفذ الخطة غادي تمشي لأمريكا
ياسين:هادشي لي غادي ندير ..
عاصم:راسك قاصح ا صحبي
ياسين: عااااصم ...راني عارفك شنو باغي تگول ..ولكن ماشي وقتها
عاصم:حگا راني كنقلب على شي مهندس  على حساب ديك الأرض باش ندير فيها ڤيلا لواليد والواليدة
ياسين(كيقرا فشي وراق):هي گول ناوي تبني ..ايوا الله يكمل بالخير
عاصم:ايه ولكن كنت باغي نهضر مع رؤيا ..باش تكلف ليا
ياسين(جمع وراقيه):غير شوف ليك شي مهندس اخر ...رؤيا دابا معندها باش تعاونك
عاصم(غادي هارب للوطو):ايوا حتا لنهار العرس ونشوفو واش غادي تبغي ولالا 😁
ياسين: 😒

نمشيو لعند ياسين لي دخل للقصر .مبانتش ليه رؤيا لي موالفة كتفطر فالجردة.  قلب عليها فالجناح مبانتش ليه بقا كيقلب عليها حتا سمع صوتها جاي من الكوزينة. غادي كيقرب كيشوف الخدامات واقفين حدا الباب. ..وهوما بدورهم مصدومين حيت اول مرة يقرب جيهت الكوزينة  ..دخل لقاها كتصايب فالماكلة ...و وفاء كتمد ليها
رؤيا:وفاء جيبي داك زيت العود نديرو فهاد salade
وفاء :ا لالة غير خلي عليك دكشي انا غادي نتكلف بيه
رؤيا:واا وفاء فقصتيني .اري دكشي انا نقادو ونتي شوفي دكشي لي حطيت فالفران واش طاب
وفاء(كتشوف فياسين لي متكي على الباب ):اه واخا الالة
رؤيا(معنكشها شعرها):طاب؟؟
وفاء:اه
رؤيا:جيبيه نقادو فطبسيل
ياسين(كيجمع ليها فشعرها):اش هاد الحداگة كاملة ههههه
رؤيا(تخلعات):جيتي ..
ياسين:لا مزال
رؤيا 😕:حااامض نتا
ياسين:لا نتي حلوة  دكشي لاش مسخيتش بيك البارح
رؤيا(بخجل):ياسييين ...حشم شوية مراناش بحدنا
ياسين(عنقها من اللور):ههههه شنو كديري لينا الحادگة
رؤيا :تسنا حتا نحطو
ياسين(كيبوسها من عنقها):كيفاش هاد القضية ..فايقة بكري .مولف كنجي كتكوني مزال كتفطري
رؤيا:لا والو غير ضربتني لفيقة بكري
ياسين:ممم اوكي ....عندي ليك مفاجأة
رؤيا(متحمسة):شنو هيي ....ممم ياكما غادي نسافرو
ياسين:ههههه نسافرو علاش لا
رؤيا :بففف وگول شنو هي لمفاجأة
ياسين(جارها معنقها):يالاه معايا راه خاصني ندوش شوفي حالتي كيف ولات ليوم كنت مشيت شفت لبلاصة لي درنا فيها المشروع الجديد .وليت عامر غبرة
رؤيا:لا مزال خاصني نقاد هادشي
ياسين(هازها ):غير يالاه هوما غادي يتكلفو
رؤيا:وگول المفاجأة

ياسين(وصلو لبيت ):ويالاه ندخلو ندوشو ونگولك
رؤيا:نوو انا مغاديش ندوش دابا حتا نتغدا
ياسين 😕: فيك ريحة ديال الماكلة
ىؤيا(هبطات من يدو):ياك دابا ..لبارح عندي لكرش ..وليوم ريحة الماكلة
ياسين(كيضحك):هههههه ناري مزال منسيتي
رؤيا :ومغاديش نساها ليك وحتا هادي لي گلتي دابا
ياسين:ههههه يا هاد المسطية راه انا مزوج بيك ماشي باش طيبي ليا  موجود لي يتكلف بدكشي ...نتي باراكا عليك غير انا ...طيبي راسك ليا انا باش ناكلك ههههه
رؤيا(وجهها حمر):صافي زيد ندوشو ....وگول ليا المفاجأة شنو هي
ياسين(تخشا من تحت لما):بعد يومين كاين العرس ديال نسرين وامين
رؤيا:واش بصح ....وحنا غادي نمشيو
ياسين(كيشوف فيها):شنو بان ليك نتي
رؤيا(مقلقة):باينة مغاديش نمشيو كيف ديما تفو
ياسين(جرها من خصرها):لا غادي نمشيو ..وحتا ماماك وباباك غادي تشوفيهم
رؤيا(عنقاتو):ههه بصح ...انا توحشت نشوفهم ...
ياسين:ممم وانا
رؤيا:هه مالك نتا
ياسين(يالله باغي يهضر حتا تفكر):اه حگا كيفاش ديك تفو
رؤيا(كتحك فراسها):اينا تفو ...مكنعرفهاش
ياسين(حابس الضحكة ):عرفتي هاد الفم لي كيگول تفو شي نهار غادي ناكلو ليك
رؤيا(باغا تهرب ):تفو يالله
ياسين(حبسها ):عاد تبريت منك زعمة
رؤيا:صافي والله منعاود
(محسات بياسين ايلا ومكاليها على الحيط كيبوس فيها حتا كيتقطع نفسها .بقاو مدة وهو متكي راسو على راسها وساكت)
رؤيا:ياسين ..مالك
ياسين:كنبغيك
رؤيا(قلبها كيضرب ف90)
ياسين(باسها فحنكها):ماشي ضروري تگوليها ....ولكن غادي نتسنا داك النهار بفارغ الصبر

نمشيو عند نسرين وامين لي تقريبا الخدمة فالقاعة قربات تكمل والأمور كاملة ترتبات 
ياسمين:نسرين متخافيش الأمور غادي تكون كاملة مزيانة
نسرين:دابا غدا غادي نديرو ليلة الحنا ولكن فين هي رؤيا
ياسمين:وياه دابا واش هي غادي تحضر ولالا
نسرين:حتا انا معرفتش ...
امين(جا عنق نسرين):لا غادي تجي .راني هضررت معا ياسين وگاليا غادي يجيبها
نسرين(فرحات):واش بصح ....(عنقاتو )
ياسمين:دابا ا نسرين مبقاش عندك لاش تقلقي ...اجي گلسي نشوفو شنو غادي نديرو غدا ...امين خويا جبتي دكشي لي گتليك
امين(مد ليها صاك فيه الدجاج):هاكي بصحة
نسرين:دوقيني
ياسمين:لااا
نسرين:دكشب غادي تاكليه بحدك ا جيعانة
امين:ههههه خلي سيدة راها كتوحم ...

نمشيو عند رؤيا لي من بعد مخرجو ..هبطو تغداو
ياسين:ممم بنين هادشي ...مكانش يصحابلي كتعرفي طيبي
رؤيا:كنعرف لكلشي ....احم احم انا متعددة المواهب
ياسين:ههههه كاينة
رؤيا:دابا گول ليا فوكاش غادي نمشيو لعند نسرين
ياسين:غدا  ..دايرين لحنا .ولا معرف اش دكشي
رؤيا:مم اوكي ....ولكن ..
ياسين(كيشوف فيها):ولكن شنو
رؤيا:..ا...ا...الصراحة معندي باش نحضر ...خاصني شي حاجة تقليدية ...شنو بان ليك نخرج باش نشري شي حاجة
ياسين:رؤيااا...راه لي بغيتيها غادي تحضر حتا لعندك
رؤيا:بفف اوكي
ياسين(حس بيها مقلقة):(هز يديها باسها ليها من الداخل) لي بغاتها حبيبتي تحضر حتا لبين ايديها.حتا حاجة متغلى عليك
رؤيا(بخجل ): بصح
ياسين:اه
رؤيا(بجرأة):بغيت نخرج دابا نشوف البحر
ياسين :ماشي دابا
رؤيا(كتحاول تناساها):شنو بان ليك نديرو فيلم
ياسين:واخا علاش لا