♥♥ بقلمي ...مونيا لوباروس♥♥
⛔⛔⛔لا احلل النشر بدون ذكر الإسم
(رواية مغربية مكتملة)
البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
صبح صباح جديد رؤيا فاقت لقات راسها ناعسة وحداها ياسين معنقها بقات كدور فعينيها ...فالأخير ناضت كتستكشف ديك الفيرمة ...جراتها غير ريحة جايا من الكوزينة بقات تابعاها حتا لقات مرا كبيرة فالعمر كتصاوب طابلة كبيرة فيها دكشي بلدي ..رغايف حرشة بيض و الاهم من هادشي نسمة زيت البلدية باينة ....الحاجة:بنتي دخلي مرحبا بيك رؤيا:الله يكبر بيك الحاجة ....ريحة عاطية تباركالله عليك الحاجة : منين عرفت ولدي ياسين كاين هنا جيت نصايب ليه يفطر .. منين كان صغير كان كيعجبو نصايب ليه لفطور ....مسكين وليدي شحال هادي كان كل سيمانة كيجي يطل علينا ...ولكن من بعد ما مات باه و سافر من تما معاودنا سمعنا عليهم شي حاجة ..حتا للبارح گال ليا الحاج راه جا ... رؤيا(كتسترجع الهدرة ديالها):علاش واش سي احمد مات ااحاجة :اييه ا بنيتي علاه ماشي تقتل ياربي الله يحفظ گولي لي ابنيتي واش نتي مرت ياسين
رؤيا كدور فديك الهدرة فراسها تلفات و مفهمات والو . خرجات برا و.مجاوباتش على سؤال الحاجة ....مبغاتش تحن فيه ...حيت صافي كلشي فات ..والماضي كيبقى ماضي بقات سارحة فديك الهدرة حتا وقف عليها ياسين :صباح النور رؤيا:صباح النور ياسين(كيلعب ليها فشعرها):مال حبيبتي فين ساهية رؤيا(متوترة):لا غير كنفكر ياسين:اجي نفطرو ونعرفك على الحاجة
جرها من يديها وغادي عندها :الله توحشت ريحت البلاد الحاجة :بصحتك اولدي ...گلسي ابنتي حتا نتي ياسين:گلسي ا رؤيا تفطري رؤيا(ومئات براسها):اه الحاجة : وگعما عرفتيني على هاد البنيتة ..واش مرتك رؤيا:لا حنا ممزوجينش ياسين:ولكن قريب الحاجة قريب رؤيا(بنصف ابتسامة):باش تهرب كيف ديما هه ياسين:لا غير كوني هانية انا وياك والزمن طويل ..برب منتفاك معاك
رؤيا كملات ماكلتها وناضت طلعات للبيت لبسات حوايجها لي جات بيهم و وقفات قدام المراية كتغطي ديك زروقية لي فعنقها و كتقاد وجهها حيت كيبان عيان حتا تم ياسين داخل ياسين :فين غادا بالسلامة و بهاد الحوايج رؤيا:غادا فحالي ...مناوياش نخيم هنا ياسين:حيدي دوك الحوايج رؤيا:مالهم حوايجي راه هادو لي جيت بيهم ياسين:رؤيا هدرت ...بلا منعاود هدرتي جوج مرات ....حيدي دوك الحوايج ...مبينين كتر ممغطيين رؤيا:ماشي سوقك ..نلبس لي بغيت وحتا انا بلا منعاود هدرتي جوج مرات ياسين (معصب وجار رؤيا من شعرها ):بلا متمرضي ديلمي ارؤيا ...حوايجك راهم جبتهم ليك لبسي شي حاجة مقادا ..ولا والله متعتبي برا رؤيا:طلق مني المرض ...واش نتا حماقيتي ولا مالك ياسين:راه نتي لي كتحمقي فيا بهاد الفعايل ..رؤيا كنحذرك ...اخر مرة نشوفك فبحال هاد الحوايج فهمتي ولا لا رؤيا: طلق صافي راك قصحتيني ياسين:واش هدرتي مفهومة ولالا رؤيا:صافي واخا ...غير طلق مني قصحتيني
رؤيا جبدات ساشيا فيها شي حوايج و دخلات للحمام بدلات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رؤيا:تهنيتي دابا ياسين:اه صافي دابا رتاحيت رؤيا :يلاه صافي بغيت نمشي فحالي لداري ياسين(غفلها و دارها بين ايديه):علاش . حتا هادي راه دارك ...ولا معجباتكش كاينين وحدين اخرين ..ختاري لي بغيتي كلشي ديالك رؤيا(كتبعد منو):لا بغيت نمشي غير لداري بحدها ياسين:ههه اوكي ..هانتي غادي تمشي ليها
ياسين من بعد مكملات رؤيا هبطو وسلمو على الحاجة ..عاد مشاو فحالهم ..طريق كاملة رؤيا كانت ساكتة من بعد موصلها ياسين حدا دارها ..حيت بغات هاد الأيام ترتاح غير فالدار وتفكر معا راسها شوية ...و اصالا قبل علمات ماماها راها مسافرة ...من بعد موصلات بقات ساهية و محساتش براسها فين هي ياسين(كيلعب ليها فشعرها):مم شنو هي لحاجة لي متلفاك ومخلياك كتخممي هكا رؤيا:ها لا والو ...وصلنا ..يالله بسلامة ياسين(جرها من يديها):شنو عندك ا رؤيا ..گولي لي رؤيا(متوترة من يدين ياسين كيف شادينها):لا والو .... ياسين:واخا على خاطرك رؤيا(هابطة من لوطو):بسلامة
رؤيا محسات براسها حتا جرها ياسين وعنقها ..كان كيحس براسو مخنوق وتالف كتر منها ...بقا دايرها بين يديه لمدة طويلة ..مكرهش يگول ليها يالله معايا ولكن مقادرش بغا يخليها على خاطرها ....واخرتها ختمها معاها بقبلة بزز باش قدرات تفك مبين ايديه ودخلات للدار كتنهج
رؤيا:اوووف رؤيا ...رولاكس .. كنحس براسي غادا و كنضعاف قدامو ...مي والله لا كانت ليه ..نتي اصلا صافي نسيتيه ا رؤيا ....ولا صافي نسيتي اش دار فيك .....اوف ونتا علاش كتبقا ضرب فحال هاكا (كتشوف جيهت قلبها) لهاد الدرجة توحشتيه ....صافي ا رؤيا علاش مزال كتفكري فيه صافي راك نسيتيه ...ولا صافي نسيتي اش دار فيك ...نتي كتكرهيه ا رؤيا .خرجي هاد الأفكار من بالك
من بعد داك الصراع ديال رؤيا بينها و بين نفسها ...رؤيا حاولات تقنع راسها عيات متحاول فالاخير دخلات دوشات رتاحت وهبطات صايبت ليها الماكلة وشدات فيلم لا على و عسى ترتاح اما ياسين فمن بعد ممشا من عندها مشا نيشان لواحد الديپو كبير جا خارج لمدينة وفيه بزاف ديال الحراس لابسين الأسود الحارس 1 :سي ياسين راه حاولنا معاه مابغا يگولينا والو على المخبأ ديال الديب ياسين دخل لقاه مربوط ودايرين بيه الحراس ياسين:عندك جوج حلول يا إيما تودع حياتك يا ايما غادي تگول ليا فين كاين ...وبلا متحتاج تعرفني ...(قرب لودنيه)حيت راك كتعرفني مزيااااان اش كنسوى الشخص :هو هنا...هنا فالمغريب عندنا عملية كبيرة هنا فالمغريب غادي تنفد فأخر شهر ..وغادي تكون حاضرة معانا حتا المافيا روسية و.... ياسين:و شنو ...شنو مزاال الشخص :و الديب ناوي يتزوج هنا و غادي يرجع فحالو ياسين:هههه هادشي لي بقا ليه غير زواج ....
ياسين خرج ومشا نيشان تلاقا مع عاصم صاحبو و شريكو فنفس الوقت ..من بعد وغادي تعرفو عليه مزيان ...
