رؤيا

الجزء 34

بعدما طلب العدول للعرسان وشهود ..لي كانو ياسين و رؤيا باش يشهدو ...رؤيا كان عقلها غايب تماما ...كتشوف فداك الخاتم لي فصبعها ...ياسين كان كيلاحظ حركاتها كاملين ...واكتر حاجة كتستفزو هو داك الخاتم لي بين صبعان رؤيا كان انكسارها باين كلشي ملاحظ تصرفاتها  ,,,رؤيا بقات كتسني ومعارفاش فين ..جسمها حاضر اما عقلها فهو غايب تماما ...مفيقها من سهوتها غير صوت العدول

العدول:وكنعلن رسميا ان ياسين البناني و رؤيا العلامي زوجان على سنة الله ورسوله

على إتر هاد الكلمة كاين لي تصدم و كاين لي فرح .... رؤيا كتشوف فياسمين و نسرين فرحانين و كيضحكو  ...خدات منها لحظات قليلة باش تفهم الوضع ...بدات كتقلب فداك الكتاب لي سنات فيه ...للحظة فاش شافت سميتها حدا سميتو فرحات ..ولكن فرحتها مدامتش حيت باها غادي يدخل للحبس

رؤيا(كتبكي):لا ميمكنش ...ميمكنش...انا مموافقاش
ياسين(بعصبية):رؤيا  بلا متعصبي ديلمي ......نتي ملكي انا ... وياك تحيدي هاد الهضرة من راسك  ....
رؤيا:لا ميمكنش ..منقدرش نخلي بابا يدخل للحبس ....(هبطات ليه حدا رجلو و كتبكي بهيستيرية )لا عفاك طلقني .. منقدرش نتزوج  بيك ...منقدرش نخلي بابا يدخل لحبس عافاك  .طلقني دابا
ياسين(معصب وكيهضر تحت سنانو ):وقفي ا رؤيا ....گتليك وقفي ....(بالغوات)....نتي مراتي دابا ..مستحيل نخليك تزوجي بشي حد غيري ...وكلامي هنا سالا ...(غادي جيهت الباب)وجدي راسك ليوم غادي ندوز عليك باش نديك معايا اه و صداقك راه فوق الطبلة  و نزيدك باباك مغاديش يدخل لحبس بشوية ديال لوراق مزورين

رؤيا بعدما مشا ياسين  بقات حايرة فهدرتو :كيفاش واش كان كيكدب عليا ....الله ياربي راسي غادي يطرطق
امين:رؤيا صافي باراكا عليك .. تعذبتي بيما فيه الكفاية ...دابا صافي جا لوقت باش ترتاحي ...كملو حياتكم بجوج كيفما كنتو كتمناو ....
نسرين:امين عندو لحق  ا رؤيا...ياسين كيبغيك بزاف وحتا نتي ..عطيو لراسكم فرصة اخرى و بداو من جديد ...هو كيتعذب و نتي كتعذبي ...صافي عطيو الراحة لراسكم و رتاحو ..انا مأكدة ياسين غادي يعوضك على اي حاجة دزتي منها
رؤيا:مستحيل نسمح ليه ...مستحيل
عاصم:رؤيا ....تيقي بيا ياسين تعذب هاد السنين كاملة ..كنتي كل نهار فبالو عمرو نساك ...حاولي تقربي منو وتفهميه وهو غادي يگولك كلشي ...ياسين مبقاش هو داك ياسين القديم ...حاولي تفهميه وتقربي منو اكتر ....و تيقي بيا هو عمرو كان باغي يخليك ويمشي

رؤيا كانو شادينها غير ياسمين ونسرين لي وصلو معاها حتا للدار باش تجمع حوايجها ...عاد مشات من بعد للقصر ديال واليديها جابت حوايج اخرين ...كانو لبنات لي كيجمعو كلشي اما هي فغارقة وسط افكارها و كتفكر كيفاش منصف دارها بيها ....لحد الأن مزال شاكا ..مزال مقطعات اليقين فخطرة

فاقت من سهوتها على صوت ياسين كيصوني ليها فتيلي ...:هبطي هاني كنتسناك
نسرين:ياسين وصل
ومأت ليها فقط براسها