♥♥ بقلمي ...مونيا لوباروس♥♥
⛔⛔⛔لا احلل النشر بدون ذكر الإسم
(رواية مغربية مكتملة)
البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
رؤيا كانت كتحس براسها متوترة بزاف كانت كتحس بياسين كيشوف فيها مقدرتش طلع فيه عينيها بقاو جالسين مجموعين حتا حا وقت الإفراج .كل و مشا و تافقو على انهم يتلاقاو فأخر الاسبوع يدوزو وقت زوين هوما و صحابهم بحكم كاين عيد ميلاد احمد لبنات مشاو حيت عندهم حصص وخا حتا وحدة مكتقرا مع الاخرى .وفالعشية كيف ديما كياخدو قهوة و كل و كيمشي فجيه دازت سيمانة طايرة رؤيا بقات مبين ecole و مرة مع البنات وفاش كتجي كتكمل قرايتها بحكم قربو الإمتحانات و كتبقى سهرانة ...حتا جا سبت وجات الحفلة لبنات دايرين يمشيو مجموعين وصل ليل و بدات رؤيا كتوجد راسها لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و بحكم ان كاين لبرد زادت من الفوق مونطو طويل .هبطات رؤيا تحت نظرات ريماس و سيف الدين بكل نظرات حب لبنتهم .ودعتهم من بعد مباستهم ..لقااات لبنات قدام الباب مشاو ناشطين نيشان لفيلا فين كاينة الحفلة لبنات هبطو عاد وصلت عليهم رؤيا لانها كانت كتهدر مع ماماها و علماتها انها غادي تبقا مع البنات ..دخلات رؤيا زولات المونطو ديالها وتمات دخلات مع الباب ..حيت كاينة الحفلة الداخل .ااكسوة كانت كتبين التضاريس الأنثوية ديالها لأقصى درجة ..فاتنة بمعنى الكلمة مدايراش make up بزاف مي كتبان زوينة بزاف خلات الكل يشوف فيها لما لا فهاديك رؤيا العلامي من ديما كانت رمز للجمال قدام الكل ..شحال من واحد بغا يوصل ليها و مقدرش .علاش حيت بكل بساطة هي بنت ولد الشعب عندو نفس على بنتو و الأكثر من ذلك بنتو الوحيدة .دخلات لحفلة تحت نظرات الكل إعجاب من جيهة الدراري و غيرة من جهة البنات ...كانت واقفة مرتابكة معارفة واش ترجع لور ولا تكمل الطريق نسرين ياسمين :صفرو واو رائعة كيف العادة رؤيا :بلا متزيدو فيه عافاك راه كيبان ليا راسي فشكل نسرين :من ديما ا رؤيا كنقولك متهبطيش من راسك علاش كديري هاكا بالعكس شوفي كيف كيشوفو فيك بالعكس خطفتي من الكل الأضواء ....رؤيا بقات كدور فعينيها حتا بان ليها ياسين ف ابهى حلة كيبان وسيم بزاف لأقصى درجة كيبان فحال الى معصب و عروقو باينين بقات كتشوف فيه ..تصدمات لأنه كان كيشوف فيها .حطات عينيها الأرض و معاودتش هزتها كانت حاسا بياسين فشي شكل و حتا هو كان عارف انه موترها .كان بيناتهم تجاذب من نوع خاص بقات واقفة مع البنات كدور فعينيها من ديما مكيعجبوهاش هاد الأجواء حتا شوية جروها البنات يشطحو كانت اغنية beautiful people- sia رؤيا محساتش براسها وهي كتمايل مع ايقاع الأغنية .مكانتش عارفة راسها انا كتبان متيرة لدرجة غير معقولة ..حتا تساطحات مع سيهم ياسين لي زير ليها على يديها حتا كانت غادي طير من بلاصتها :اي ياسين اش كادير .طلق مني ياسين :(وهو جارها خرجها برا فين كاين لابيسين )اش كنتي كاديري لداخل ..واش واعية براسك ولالا رؤيا:م..كنت كندير والو طلق مني اياسين قصحتيني ياسين :وهو كيزيد يزير عليها ...نگولك اش كنتي كاديري ..ز****مل كانو كيشوفو فيك ..هادي مشفتيهاش (بالغوات ) ..و زايداها بدوك الحركات ديال لقح** رؤيا:(وصوتها مخنوق والبكيا على شوية وتخرج ..حيت نقطة ضعفها هي يهينها شي واحد و بالخصوص فاخلاقها )مسوقكش ..مدخلش فيا ..محساتش حتا الدموع بداو يهبطو ياسين :(غير شاف دموعها رخف ليها على يديها )كيمسح على وجهو ..صافي ششش علاش دموع دابا رؤيا:(كتمسح على وجها بحال شب بنيتة صغيرة)قصحتيتي ف يدي ياسين جابت ليه الضحكة حيت بانت بريئة بزاف وهي كتمسح دموعها ..كتبان جذابة حتا وهي كتبكي .محسش براسو حتا حط راسها على صدرو وبقا كيدوز يدو على راسها حتا مسكينو كان دايها النعاس مفيقوها غير دوك ااجوحات و شكون من غيرهم لي تصدمو منين شافو ياسين و رؤيا ..اكيد غادي يشدو رؤيا بيناتهم هاد الليا حتا يعصروها مزيان عاد يطلقوها😂 رؤيا:ها صافي سالات الحفلة ..(شافت جيهة ياسين وجها غادي يطرطق بالحشمة )يالاه نمشيو ياسين :(جابت ليه الضحكة بداك الوجه الملون .شد ليها فوجهها )نشوفك غدا اوكي رؤيا:بقات مرة كدير براسها اه مرة لا .راسها داخ ..حتا تمات غادا و هزات مونطوها و مشات مع البنات ..لي بدورهم بقاو كيشوفو فبعضياتهم و رؤيا جالسة لور بقاو غادين فاللوطو و نسرين سايگة :والله حتا تقولي دابا اش واقع راسي كياكلني ..هيهو كوكو ..لبنت ساهية بلاصاو لوطو حتا بانو ليها وقفو بجوج عليها فنص طريق رؤيا :مالكم😱 ياسمين:لا والو والله و متقولي اش واقع ليك مع ياسين حتا نباتو هنا و دابا حيت راسي كياكلني .منقدرش نصبر حتا للدار رؤيا :بففف دابا...... عاودات ليهم كلشي من a-z بقاو كيشوفو فبعضياتهم حتا غوتو رؤيا:😵ناري غا بشوية مالكم نسرين:اوو متصورتش ان ياسين البناني كامل غادي يكون منجذب ليك لهاد الدرجة رؤيا:نسرين بلا هاد التكهنات الخاوية عافاك ياسمين :واش عارفة شكون هو ياسين البناني راه كان ملاكم من قبل مي فاش كمل قرايتو شد شركات باه احمد كاملين و زاد بيهم القدام رغم صغر سنو وكلشي كيشهد بذكاءو .و نزيدك مكيديها فحتا وحدة .خلاصة القول ا رؤيا .باينة انه منجاذب ليك و كنقولك ديما متبقايش تنقصي من راسك لأنك عيقتي والله .ديما كتهبطي من راسك ونتي مكاينش فحالك رؤيا :صافي عافاكم خلينا نمشيو حيت عييت والله لبنات تمو غاديين وناشطين و نساو الموضوع كامل .وصلو للدار تخشاو ف ناموسية مفاقو حتا للظهر ... ياسمين :صباح ااخير نسرين:صباح الزفت ..فلعصتينا يخ غا لي ينعس حداك .بقاي تشدي رجلك شوية 😕 ياسمين :كذابة ..رؤيا بصح قستك .وشتي هاهيا گالت لا مالكي كذابة نسرين:حيت جيت انا فالوسط الكلخ رؤيا : و صافي😬 خليونا نزلو نفطرو نزلو البنات يفطرو لقاو دار خاوية حيت les parents ديال البنات مسافرين ..لقاو الفطور واجد .. رؤيا :ايوا فين غادي ندوزو النهار اش بان ليكم نمشيو نديرو شوبينغ😊 ياسمين :مگلتيش ليها نسرين: اش نگول 😕 رؤيا:شنو بسلامة دويو حتا دواو بجوج :ليوم عارضين علينا احمد و محمود نتعشاو مجموعين رؤيا:ها...اووو شي ناس بانو ليا مفاهمين .لبارح شديتوني غير انا و نتوما مشفتوش راسكم كيف كنتو منساجمين و نسيتوني😑 نسرين:ايوا حتا ياسين غادي يكون رؤيا:هها بصح غادي يكون ياسين ولا كتكذبو ياسمين:لا احبيبة غادي يكون 😉 ... رؤيا:(عاد فهمت اش كان كيقصد بنتشاوفو غدا )و انا مالي .و هزات كتفها نسرين:بلا ماديري راسك ممهتماش ونتي غا سمعتي سميتو كنتي غادي تسخفي فبلاصتك رؤيا:مشات كتجري مور ياسمين بقاو كيتجاراو حتا طاحو كاملين فالأرض كيضحكو ...دوزو عشية زوينة تفرجو ففيلم كيف ديما ناشطين بيناتهم .حتا وصلت العشية لبنات لبسو و دازو لفيلا ديال رؤيا باش تبدل حالتها رؤيا :دخلت غسلت حالتها ودهنت لحمها بles cremes لي موالفة حيت هاد الايام مع القراية مكتقدرش تهتم براسها على اكمل وجه خرجت نشفت راسها و لبسات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كان لبرد شوية فالليل داكشي لاش دارت احتياط ..خرجو حتا كتشوف طريق فشكل رؤيا :لبنات فين غادين ياسمين :غير صبري وتعرفي وصلو لواحد لفيلا كبيرة بزاف .جات حدا البحر .هبطو البنات و هي بقات من موراهم ..دخلات كيبانو ليها احمد و محمود شدو لهدرة مع البنات و هبطو لتحت حيت الجلسة داروها برا .و ياسين كان واقف كيشوي شي حاجة بقات غادة جيهتو تشوف شنو كيدير بلا ميحس بيها حتا كيجرها ياسين:(وهو شاد رؤيا من خصرها )مم كتجسسي عليا رؤيا :هاا لا غير بغيت نشوف شنو كدير ياسين :(وهو كيقرب )يالله قربي لهنا رؤيا :فين ...اه (راسها مشا بعيد) ريحة زوينة عطيني نعاونك ياسين :(كيمد ليها طباسل و كيشوف فيها) هاكي ستفي هادو بيما وجد هادشي رؤيا:لا بغيت نعاونك نشوي اللحم (بغات تقيس دكشي حتا حسات ب إيديها تحرقات )احح يدي ياسين:(شاد ليها ف إيديها وكيسوط ليها علا ااحرقة)بشوية عليك متقيسيش ب إيدك ا رؤيا رؤيا:ا صافي مكتحرقنيش بزاف (و كتحاول تبعد ايديها)
ياسين عرفها توترات فاش شد ليها يديها تعمد يقرب ليها ويشوف ردة فعلها .كان باغي يشوفها فكل حالاتها لانه بكل بساطة كتخليه يتشوق يعرفها كتر و يتقرب ليها . ما هي الا ثواني قليلة حتا كان مكتفصل بيناتهم حتا 1cm ..حس بيها كترجف بين ايديه و تنفسها زاد ..عرف انه اول واحد كيقرب ليها .لأنه ردة فعلها مكانتش عادية رؤيا:اا ياسين اللحم غادي يتحرق ياسين :رجع كيكمل الخدمة ديالو و حاضيها كيف كتصرف.جابت ليه الضحكة وهي كتحاول تجنب تشوف فيه من بعد داز عشا زوين بطابع كوميدي رؤيا هبطت حدا البحر كتستنشق الهوا ..لجو زوين و السما صافية والقمر زاد المنضر جمالية اكتر.. من غير البرد لي كان عاطي طابع خاص لديك ليلة .محسات ب ياسين امتا وقف حداها و حاط عليها شي جاكيط:غادي يضربك البرد و نتي ملابسا والو رؤيا:شكرا (مع ابتسامة هادئة ..شعرها كان كيطير مع الهوا وعينيها كانو كيبريو .شي لي عطاها رونق خاص) ياسين:(كيشوف فيها وبلا ميفكر تحنا عندها مقابل معاها)علاش نتي زوينة فحال هاكا هاا رؤيا:هاا مالي مفهمتش ياسين:علاش نتي زوينة فحال هاكة كتخلي لواحد يزيد يبغي يشوفك كتر و كتر رؤيا:(حسات براسها مقادرة دير والو قلبها كيضرب ف 90)ا ا ا ا انا نمشي عند البنات لفوق ياسين :(هز حاجب وخنزر فيها )و لا گتلت بقاي معايا
جلسو بجوح فوق الرملة ياسين عرفها متوترة حاول يتلفها فالهدرة .حتا ترخفات مبقاتش مقجوجة😂 حتا عيطو البنات باش يمشيو تمات غادا رؤيا و نفضات حالتها و ردات جاكيط لياسين وشكراتو لكن بتصرف مفاجئ ليها باسها من حنكها .بخفة خدا تيلي ديالها و ركب نمرتو و صونا على راسو شي لي خلاها مصدومة و خرجات بلا ما دوي معاه
