هكا دازت شهر بلاما يحسو رؤيا وياسين بعد ما رجعو من كوبا ..علاقتهم على الاقل ولات مزيانة ،وخا رؤيا باقا كتخاصم معا ياسين على قبل خدمتها و كتبغي تخرج ...اما ياسين فمزال مكيجاوبها بحتا حاجة وماباغيش يدخلها فهاد الأمور ....اما ياسين و عاصم مزال كيخططو حيت قرب النهار المهم ....
نمشيو عند منصف لي مزال كيخطط لخطوة جايا ليه لي باغي يقضي فيها على ياسين و يجيب رؤيا حداه ...مخبي ف ڤيلا فواحد القرية بعيد على كلشي وكيعاونو شخص اخر مزاال ممعروفاش شخصيتو لحد الأن
ياسين (متوجه عند رؤيا لي گالسة فالجردة تحت الشمس ):صباح النور النعاسة ..عاد فقتي
رؤيا (كتاكل):وي دوشت وهبطت نفطر ...ولكن باقي فيا النعاس
ياسين(كيضحك):ههه خدمتي لبارح مزيان....غير العيا باقي فيك
رؤيا(وجهها حمر):ياسين ...خليني نفطر على خاطري ضروري تفكرني بفف
ياسين(طلعها فوقو وكيضحك):هههه فطري شكون منعك ....غير البارح كنتي حلوة مشبعتش منك....شبان ليك نكملو دابا
رؤيا(هربات منو وگلسات بعيدة عليه): بفف فيا لموت ديال الجوع خليني نفطر ا ياسين عافاك
ياسين(كيضحك): هههه الكريشة بدات كتخرج شوية
رؤيا(كتاكل وكتهضر ):علاه لي گالسة بلا شغل بلا مشغالة ماشي غير تربي الكرش
ياسين:وشكون لي منعك ...ديري سپور كيف كنتي كديري ديما .... راه لا صال ديري فيه لي بغيتي
رؤيا(بنفاذ صبر):معنديش الگانة لي نفيق وندير سپور
ياسين(بنفاذ صبر):دابا باغا ترجعي لنفس الموضوع وتنكديها علينا كيف العادة
رؤيا(معصبة):ايوا جيب ليك شي وحدة متنكدهاش عليك ..(تمات غادا)ومتكونش عندها كريشة وخليني نمشي نقود فحالي راني تخنقت هنا
ياسين(جرها بجهد):واش تسطيتي ولا مال مك ولايني داك الفم عندك خصو تهراس
رؤيا(تنترات منو بجهد)مافيا لي يهدر معاك هاد الساعة ا ياسين
طلعات بزربة دخلات للدوش
رؤيا(كتشوف فالمرايا):بففف واللهيلا خرجات هاد الكرش ...حتا وجهي ولا حالتو ...غير تسنى ا سي ياسين دابا نخرج منك هاد الهدرة كاملة
دوشات وترخات من وسط الجاكوزي بعدما دارت فيه عطور كيهدئو النفس ...بعدنا سالات دارت دي سوان لوجهها حتا رضاتو كيبري ..وخرحجات لبسات عليها كسيوة قصيرة بعدما صلات ..وگلسات فالجناح شادة قدامها كتاب كتقراه
نمشيو لعند نسرين وامين لى گالسين كيدابزو كيفما العادة
امين:ناري ا نسرين حمقتيني ...اش فيها لا درنا العرس فالقصر عندي
نسرين:دابا انا گتلك العرس غادي نديروه فقاعة حدا البحر
امين:عرفتي شنو ديري لي بغيتي
نسرين:ومالو عرسي بحدي راك حتا نتا معايا
امين:و مشكيل هادا ..هدرنا وحلة ..مهدرناش وحلة اخرى
نسرين:لهلا گاع ...شوف ا خويا غادي تنظم لينا العرس فهاد القاعة لي فالصورة
المنظم(كيشوف ف أمين):ها صافي هادا اخر قرار
نسرين(كتشوف فيه):راه گتليك غادي ندير العرس فهاد البلاصة هي هاد البلاصة ...
المنظم:اوكي
نسرين:يالله ا امين نمشيو
امين:ايه عاد تفكرتيني ...
نسرين(كضحك وكتبوس فيه):جاني جوع
امين:لا حول ...عرفتي شريت ليك واحد الكتاب غادي يعجبك
نسرين😒:كتاب ..اش غادي ندير بيه
امين:غادي ينفعك .هانتي غا سميتو تعطيك الخبار
نسرين:ايه وشنو سميتو
امين:كيف تتعلم الرومانسية ف 3 ايام
نسرين😕:دابا انا منعادمة فيا الرومانسية هادشي لي بغيتي تگول
امين(حابس الضحكة):الناس فاش كيبداو يبوسو كيگولو كنبغيك ..شي كلمة زوينة ماشي فيا الجوع
نسرين(غادا اجيهت لوطو )وامين تابعها كيضحك
امين:غير اجي الحمقة غير كنضحك معاك ...
نسرين:دابا مغاديش دينا ناكلو راه قتلني جوع
امين:هههه بوسيني
نسرين(كتشوف جنابها ):هناا
امين:وي اش فيها
نسرين:لااا بلا متحلم
امين(غفلها وباسها):هاني خديتها هههه
نسرين(كضخك):دابا ديني ناكل راه مزال تابعاني الخدمة .
امين :هاهو غادي
نسرين:...حگا رؤيا غادي تحضر ولالا
امين:اكيد غادي تحضر
نسرين:وياسين غادي يخليها وهي حتا ماماها وباباها مشافوهاش من شحال هادي
امين:دابا نهضر مع ياسين ...
نسرين:رؤيا راه ختي منقدر ندير والو بلا بيها..وياسين راه عيق
امين:نسرين دكشي بيناتهم وهو راه كيدير هادشي غير حتا يحل مشاكيلو
نمشيو عند رؤيا لي گالسة كتقرا حتا دخل عليها ياسين وهي دايرا راسها ممسوقاش
ياسين(عارفها مقلقة حيت گاليها الكريشة خرجات ) :مغاديش تجي تغداي
رؤيا:يلاه فطرت
ياسين:واش مقلقة مني
رؤيا:(الصمت)
ياسين (هزها حطها فوقو):ههه دابا هادشي كامل حيت گتلك خرجات ليك ااكريشة ...والله راه عادية كتبان عادي مخرجاتش بزاف غير شوية هههه
رؤيا:وحتا انا گتليك ايلا معجباتكش هاد الكريشةبدلها وبدل حتا مولاتها
ياسين:ههههه لا واش كاين لي عندو هاد الزين كامل ويسخى بيه ...اصلا متحلا ليا حتا وحدا من غيرك
رؤيا(رجعات شعرها قدامها):حتا انا غير گتليك
ياسين(كيشوف فداك الخير لي قدامو):شنو دابا لبستي هاد الكسوة ضد فيا ناوية تشعليني بلعاني كتردي الصرف
رؤيا(كتفقص فيه):لا غير جاني الصهد ولبستها
ياسين(كيقرب ليها):حتا انا طلعت معايا الصهدة دابا ...عندك الحق كاين الصهد
رؤيا:هههه يالاه دوشت
ياسين:هههه عاودي دوشي موجود لما
****************
أنت تقرأ
رؤيا
Romance♥♥ بقلمي ...مونيا لوباروس♥♥ ⛔⛔⛔لا احلل النشر بدون ذكر الإسم (رواية مغربية مكتملة) البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
