رؤيا

الجزء 36

صبح صباح جديد ،الابطال ديالنا كانو ناعسين مخشيين فبعضياتهم ....رؤيا فاقت بدات كتحاول تفك من حضن ياسين باش تنوض
ياسين(ببحة رجولية):بلاما تحاولي 
رؤيا (كتفكر ليلة ديال البارح):لا بغيت نوض ،
ياسين(كيشوف فيها وحابس الضحكة):شنو بان ليك نكملو الخدمة ديال اابارح
رؤيا(وجهها حمر):ها لا بغيت .....بغيت نمشي ندوش

محسات بيه حتا هزها بين يديه وغادي بيها للدوش
رؤيا (بخجل):ياسين نزلني ...شنو كديى
ياسين:ياك گلتي باغا دوشي
رؤيا:ولكن بحدي😕
ياسين(قرب ليها لودنيها وكيهضر بشوية):شفت كلشي لبارح مبقا عندك متغطي
رؤيا(ووجها حمر ومغطيا صدرها بيديها):ولكن بغيت ندوش بحدي
ياسين(حابس الضحكة ): هه علاش مغطياه ....(.شد ليها فوجهها )راك مراتي دابا مكاين لاش تحشمي مني ....

رؤيا يالله كانت باغا تعارض حتا كالاها ياسين وشدها من خصرها ....كيمص فشفايفها بكل شوق  وكيدوز يديه على انحاء جسدها لي ولى ملكو ....للحظة بقا كيشوف الطبعات لي فعنقها تفكر نهار كان مخلي لي طراس ديالو  فعنقها وهي مخبياهم ....توحش بزاف ديك رؤيا لي كانت حبيبتو ومكان  بيناتهم حتا حاجز ....رغم انهم قراب دابا ولكن بيناتهم حواجز بزااف .....ياسين فاش بدا كيخرج من سهوتو لقا رؤيا متجاوبة معاه  ضحك وسط ااقبلات ديالهم ....على ديك قلة الخبرة ...اما هي غير حسات براسها ضعفات مرة اخرى ...بعدات عليه ..اما هو حس بيها و مشا تبعها عاونها فالتدواش حيت كانت مزال مقصحة 

بعدما خرجات من الدوش لبسات حوايجها عبارة على شورط و دوني سماطي فالرمادي  ....
اما ياسين فبعدما خرج بدل عليه ...بانت ليه كتلة ديال الجمال قدامو رؤيا لي كانت لابسة دكشي قصيىر لأبعد حدود كيبين مفاتنها كاملين  حتا من صدرها كامل مدفگ قدامو ..كان شعرها كيقطر على كتافها خلاها تبان متيرة كتر وكتر ...اما ياسين فعينيه خرجو ومكانش باغي يكتر عليها
كان باغي يخرج حتا حبسو صوتها فاش عيطت ليه بسميتو بكل حنية
رؤيا: ياسين فوكاش غادي نمشيو من هنا
ياسين(كيقرب ليها حتا شدها من خصرها):ممم بغيتي نمشيو لبلاصة اخرى
رؤيا:من نهار جينا مخرجنا ..قنطت
ياسين(وهو خاشي وجهو وسط عنقها):توحشتك....
رؤيا (حسات بقلبها وقف):ياسين صافي عافاك
ياسين(كمل هدرتو):ومعمري منسيتك ..ولا حتا حاولت ننساك
رؤيا (عينيها مغرغرين):وانا عمري غادي نسا دكشي لي درتي فيا ...
ياسين يالله بغا يهضر وحطات ايديها فوق فمو:مهما كانت ضروفك لي مريتي بيها ...منقدرش نسمح ليك بهاد السهولة ..منقدرش ننسا دكشي لي دزت بيه ...وعمري غادي نقدر ننسا
ياسين (زير عليها وكيهضر من تحت سنانو):بزز منك غادي تنساي ا رؤيا.  بزز منك
رؤيا(بخوف):طلق مني ...
ياسين(مزير على فكها):نتي وليتي ملكي ...وحياتك كاملة غادي تبقاي ملكي ...غير نساي عليك فكرة شي نهار تقدري تبعدي عليا ...(بالغوات)هضرتي مفهومة ولالا
رؤيا هزات راسها بآه

#نمشيو لجهة اخرى
كان گالس ورجالو دايرين بيه ...
الشخص:سيدي ملقينا ليهم حتا اتار
منصف:كيفاش ملقيتو حتا اتار...مخدم معيا شمايت
الشخص:ولكن اسيدي راه قلبنا عليهم ..هوما واخدين احتياطاتهم كاملين ..مخلاو حتا اتار قدامهم
منصف(تيرا بالفردي ديالو جات رصاصة فوسط جبهتو):يجي شي واحد مرة اخرى يگول ليا مبقا ليهم اتار ....نمحي ليه اثارو من الدنيا .....يالله قو****

رؤيا بعدما خرج ياسين طاحت على ركابيها كتبكي ....اما هو خرج زدح لباب وبقا واقف معصب من هدرتها ...ولي زاد عصبو كتر هو صوت بكاها لي زاد قصحو ...طلب منو اي حاجة ايلا يبعد عليها  ...ميقدرش يلبي ليها هاد الطلب ..من سابع المستحيلات ..قطع افكارو صوت تيلي
عاصم:وفين اصحبي..مزال مناوي ترجع
ياسين(كيحاول يهدأ راسو ):مزال معرفتش شنو غادي ندير
عاصم:ياسين من صوتك باين مهواش...هادي رؤيا  ..شي نهار غادي تخليك بلا عقل
ياسين(,بنفاذ صبر):عاصم  ...شنو درتي فقضية الوحش ...حتا سمية مجاتش معاه
عاصم:راه مكلف رجالو باش يقلبو عليكم  ..ولكن متخافش مغادي يلقا والو ...
ياسين:مبغيت حتا حاجا تقيص رؤيا ..او راحتي معاها ....غير نرجع حسابي معاه ..وحتا دوك المافيات لي كيحتامي بيهم مغاديش يبقاو دايمين ليه
عاصم:..شحال ناوي تبقا هنا فالمغرب ...
ياسين:غير شي مدة ومن بعد غادي ندي معايا رؤيا
عاصم:واكن ا صحبي  راه الغربة صعيبة عليها
ياسين(بعصبية):عاصم تهلا

كانت رؤيا كتفطر فالجردة والشميسة كضرب فوجهها ...كتشوف فياسين كيهضر فالتيلي وكيشوف جيهتها ...بقا كيقرب حتا گلس معاها فنفس الطبلة ...كان السكات سيد الموقف
ياسين:وجدي راسك ليوم فاليل غادي نرجعو
رؤيا(بقلة فهم):فين بالضبط
ياسين:غادي ندوزو شي مدة هنا و من بعد غادي نمشيو لأمريكا
رؤيا(قلبها تقبط):ولكن
ياسين(خبط فالطبلة):راه دويت ....بلاما تخليني نفقد اعصابي حيت مغاديش نضمن ليك شنو غادي ندير فيك

رؤيا مشات كتجري دخلات للبيت وسدات عليها اما ياسين ف حتى طبلة قلبها كاملة  .....

دوزو النهار كامل وهوما كل واحد فقنت ،رؤيا معاودتش خرجت من البيت و ياسين لي بقا ملاهي بخدمتو شي لي ممنعوش انه يفكر فرؤيا ...ولكن گال يخليها على خاطرها .....حتا وصل لليل وخرجو باش يرجعو  ..طريق كاملة و هوما ساكتين والدنيا مضلمة كتبان غير السيارة ديالهم لي كاينة فديك الطريق  ...بعد مدة طويلة وصلو لقصر كبييير كلو اضواء ...فيه بزاف ديال الحراس من كل جانب ...كان اكتر من قصر ...بقاو غادين مدة عاد وصلو لقدام القصر لي كان اكتر من رائع ...ياسين ضار عند رؤيا لقاها ناعسة ...هزها وتم طالع بيها فالدروج وسط نضرات الخادمات لي غير عرفو انه جاي  ...فاقو من نعاسهم باش يأديو واجبهم على اتم وجه ....وصلو لجناح كبير كيتوسطو سرير لونو ذهبي ..كان جناح رائع بما تحمله الكلمة من معنى  
دخلها لغرفة كبيرة جات فوسط الجناح فيها حوايجو وحوايجها ....موقفها باش يبدل ليها...وبصعوبة قدر يبدل ليها حوايجها ...وحتا حوايجو....بدلهم بصعوبة لأنها كانت شادة فيه و معنكشاه ....تكاها فوق الناموسية وكان ناوي يهبط حيت غادي يجي عندو عاصم ..
رؤيا(بصوت نعسان ومعنقاه):بقا معايا... متمشيش
ياسين(باسها ففمها):هاني شوية ونجي
رؤيا:لا متمشيش خليك حدايا
ياسين(بإبتسامة):عنداك تندمي على هاد الهدرة فالصباح
رؤيا(نعسااات)

ياسين عنقها وخشاها بين ايديه اما بنسبة لعاصم ..فسيفط ليه ميساج گاليه حتا لصباح