رؤيا

الجزء 55

رؤيا مشات كتجري و دموعها شلال بين عينيها ..كتمشى وهي معارفاش فين غادا عينيها مضببين بالدموع كدخل من زنقة لزنقة حتا خرجات فزنقة كتبان شعبية ...كانو گالسين فيها تلاتة  الدراري ...غير شافوها دايزة بداو كيتبسلو عليها وواحد فيهم قرب ليها كيجرها من يديها وهي كتبعد وخايفة ومن بعد تجمعو وهي مفاهماش اش كيگولو ،محسات براسها تجرات من مور شي حد وهادوك واحد طايح فيهم لأرض ولخرين هربو

نمشيو لعند ياسين لي تالفة بيه الدنيا فاش عرف رؤيا باقا على ذمتو  ..ميقدرش ينكر انه نساها حيت هادي هي الحاجة لي ميقدرش يديرها ..ولكن مبقاش مزال باغي يآذيها ....ركب فلوطو ديالو وتم غادي حتا بانت ليه رؤيا واقفة فشانطي كتسنا الطوموبيلات يدوزو ودموعها شلال بين عينيها محس براسو غير وهو واقف فجنب الطريق كيشوف فيها من بعيد غير قطعات الشانطي خرج تبعها حبسو تيلي ديالو كان عاصم كيتاصل وعاود ليه كلشي    عاد عرف علاش غادا كتبكي هكا ..حتا تلفات عليه كان غادي يحماق بالتقلاب باش لقاها بانو ليه هادوك كيتبسلو عليها هجم عليهم

ياسين(جارها من يديها):واش حماقيتي راه هاد البلايص خطيرين
رؤيا:طلق مني مسوقكش
ياسين:سوقي الالة راك مزال مرتي
رؤيا(كتبكي):عمري غادي نسمح ليكم هاد المدة كاملة ونتوما كتكذبو عليا
ياسين(جرها وغادي بيها):حتا انا مكنتش عارف راه انا كلفت عاصم..ولكن هو دار لي فراسو....حتا دابا لا بغيتي نطلقك بيدي معندي حتا مشكل
رؤيا(حبسات كتشوف فيه بحسرة وكتبكي ):اه طلقني وهنيني  وسير تزوج هادشي لي بغيتي ياك
ياسين:علاش فيها شي مشكل ..ونتي طلاقك من غدا يوصلك لابغيتي
رؤيا:اوكي من غدا يوصلني اسيدي . ودابا خليني نمشي فحالي وكمل طريقك(وتمات غادا )
ياسين(جرها حتا تضربات مع صدرو):مال مك واش باغا تحمقيني...ايلا گلت زيدي معايا هي زيدي معايا (وجرها غادي بيها جيهت لوطو
رؤيا:فين غادي بيا
ياسين:طلعي بلا قوة الهدرة
رؤيا(طلعات وهي ساكتة)
تمو غادين هي كتشوف مرة جيهت برا ومرة كتشوف جيهتو للحظة جات نفس الأغنية لي كتعجبهوم ..ونفس اللحظة بجوجهم حطو يديهم على راديو باش يبدلوها

رؤيا(كتشوف فيديه فوق يديها حسات بلحمها تبورش عليها دغيا حيدات يديها وخا فالداخل ديالها كتمنى تشد ليه فيديه ومتعاودش طلق منها اما هو فحبس الاغنية وكمل الطريق حتا حط لوطو وهي غير تابعاه 

رؤيا:فين غادين حنا
ياسين:دخلي تاكلي شي حاجة ومن بعد نكملو لهدرة

ملقات متگول حيت كان فيها الجوع ..دخلات كان بلاصة زوينة مقابلة مع البحر وفيها ناس قلال ...بدات كتاكل  وهي حادرة  راسها حيت نظراتو كانو موترينها مرة مرة كطلع راسها فيه كتلقاه كيشوف فيها بزز باش كملت مكلتها

ياسين(حط يدو على الطبلة ):رؤيا...انا مكنت عارف والو ..كلفت عاصم بأمور الطلاق ولكن هو دار لي فراسو وكيحاول يجمعنا من جديد 
رؤيا(كتشوف جيهت البحر وساكتة)
ياسين(كمل هدرتو):ولكن هادشي مغاديش يطول بزاف ..غير نوصل للمغرب نسيفط ليك طلاقك
رؤيا:واخا مگلتي عيب (تمات غادا)
ياسين(شادها من يديها):فين غادا بسلامة
رؤيا:غادي نمشي للدار
ياسين:ريحي لأرض معندك فين تمشي ..غادي غير تلفي
رؤيا(گلسات معصبة وكتلعب فديك السلسلة  )
ياسين(كيشوف فسلسلة لي بيدو ختارها كانت دايراها فعنقها):جاتك زوينة
رؤيا(وجهها حمر):ش..شنو هي
ياسين(متكي وساهي فيها ):سلسلة لي دايرا فعنقك
رؤيا:اه  جاتني فعيد ميلادي ...حتا انا عجبتني شكرا
ياسين:علاش هاد شكرا.مم
رؤيا:حيت عذبتي راسك وشريتيها
ياسين(مشابك يديه وقرب ليها):وشكون گالك انا لي جبتها
رؤيا(محرجة):علاش ماشي نتا لي سيفطتيها
ياسين:لا ماشي انا
رؤيا:اه اوكي..سمحلي  غير غلطت
ياسين:وشنو لي خلاك تفكري بعد هاد المدة كاملة غادي نقدر نسيفط ليك كادو 
رؤيا(تحرجات من هدرتو):واخا نمشيو فحالنا
ياسين:واخا هي اللولة غير خاص شي حد فهادو يجاوب باش نعرف فين هوما ....
رؤيا(كتصوني عليهم ):والو حتا حد مكيجاوب

نمشيو عند المجموعة لي كيدورو مع بعضياتهم ..وعارفينهم كاينين مع بعضياتهم حيت عاصم گالها ليهم و بلعاني مكيجاوبوهمش باش يبقاو مع بعضياتهم

اما ياسين فبعدما خرجو من داك المطعم بقا مريح فلوطو حتا جاه اتصال وخرج كيهضر اما رؤيا فكلاها راسها باش تعرف معامن كيدوي ...غير دخل بدات كتخنزر فيه حبسها غير تيلي ديالها كيصوني كان عدنان حيت باقا كتهضر معاه...

رؤيا:الو عدنان صافا (وخرجات برا كتهضر)
ياسين(حاضيها كتهضر وكضحك وهو غادي يطرطق )
رؤيا(گلسات حداه ):ساليت ..مشينا
ياسين(ديمارا لوطو وكسيرا بجهد)
رؤيا(مخلوعة):بشوية غادي تقتلنا
ياسين(مخنزر):علاش خايفة على حبيب القلب عدنان يبقى بحدو
رؤيا(تعصبات من هضرتو):زدتي فيه ...عرفتي شنو غادي دير نزلني ....دويت معاك نزلني (وكتحل لباب)
ياسين(وقف لوطو فالجنب  ):مالنا اش كاين واش تسطيتي ولا مالك
رؤيا(هبطات وتمات غادا كتبان ليها الدنيا خاوية ):بعد مني مسوقكش
ياسين(جرها من خصرها):راه دويت معاك واقيلة ...فين باغا تمشي ونتي مكتعرفي حتا بلاصة
رؤيا(كتنفس غير بزز وكترجف ):غادي نمشي بحدي
ياسين(دايب فدوك الحركات لي كدير بوجهها ..قرب جيهت وذنيها):فاش نوصلك سيري فينما بغيتي مغاديش نمنعك ..ودابا طلعي بلا هدرة
رؤيا(طلعات وبقات ساكتة )

بعدما دوزو النهار بجوج كل مرة كيمشيو لبلاصة غير وصل الليل امين صيفط لياسين العنوان ديال الڤيلا ف ميساج ..اما ياسين غير وصلو الميساج تحرك نيشان جيهت الڤيلا غير وصل لقا رؤيا ناعسة

ياسين(شاد فسلسلة لي فعنقها):توحشتك(باسها فوق راسها) ..
رؤيا(كتفيق بشوية ..عاد شافت راسها فين كاينة  ..وحداها ياسين متكي حيت مبغاش يفيقها):ياسين...فيق
رؤيا(ستغلات الفرصة  و حطات يديها فوق يديه وكتشوف فيه )
رؤيا(كتفيقو):صافي تقدر تمشي ...شكرا
ياسين:فقتي...(ديمارا لوطو )تصبحي على خير
رؤيا(بتردد):ممم ياسين ..ايلا كنتي بعيد بزاف خليك تبات هنا
ياسين(تكا على الكرسي وكيشوف فيها):لا متخافيش انا غير هنا حداكم
رؤيا:اه اوكي ..تصبح على خير

بعدما دخلات تحرك هو ...اما هي غير دخلات لقات كلشي ناعس ...طلعات نيشان لبيتها نعسات