رؤيا

الجزء 47

وصل وقت العرس ..نسرين گالسة ودايرين بيها كل و شنو كيصايب ليها و رؤيا و ياسمين لى گالسين حداها ...رؤيا لبسات تكشيطة زرقاء زوينة بزاف مرصعة بحجيرات غاليين ..جابها ليها ياسين ..و ياسمين لابسة الحمر ....بقاو گالسين حتا وصل لوقت ...رؤيا غير تمو هابطين كانت باغا تمشي معاهم فليموزين حتا وقفها
ياسين(شادها من يديها):يالاه معايا
رؤيا:ولاااا بغيت نمشي معاهم
ياسين:رؤيا....ركبي
رؤيا(گالسة وساكتة)
ياسين(غادي صايگ وتابعينهم الحرس):ممم دايرا فيها باقا مقلقة
رؤيا(معصبة):اه ...حيت مشفتيش راسك كيف درتي ليا هاد الصباح ..شعري كامل طاح فيديك  ...عيقتي ا ياسين بزاف فكما كدور كدير ليا هكا
ياسين(معصب وكيغوت):حيت ا مدام بناني نتي لي دايرا قد راسك ...هابطا ليا بدوك الحوايج وداك ز***
رؤيا(سكتات كتشوف فجيهة ديال الشرجم و كتبكي كتحس بقلبها مقبوط عليها وكلشي تجمع فدقة )

ياسين غير شافها كتبكي مقدرش يزيد يشوفها هكاك ..حبس لوطو وحبسو معاه حتا لي گارد ..

ياسين(جرها گلسها فوقو ): شش دابا علاش هاد الدموع
رؤيا(عنقاتو كتبكي):مبقيت عارفة والو ا ياسين ..معرفتش مالي ..كنحس بحال ايلا شي حاجة خايبة غادي توقع
ياسين(عنقها):ششش مغادي يوقع والو ...محدي معاك عمرني غادي نخلي شي حاجة تآذييك
رؤيا(مزيرة عليه):ولكن انا مبغيت حتا حاجة توقع ليك...واعدني عمرك تخليني
ياسين(باسها فراسها):كنواعدك عمري غادي نخلي شي حاجة تبعدني عليك ...مزال قدامنا طريق طويلة حتا تشرفي ونبقاو كنشوفو ولادنا حدانا
رؤيا(كضحك وسط دموعها): ههه نتا لي غادي تشرف الأول
ياسين:ههه هكا نبغيك ...و باراكا من هاد الدموع البكاية
رؤيا:هههه واخا ...وخليني نمشي لبلاصتي
ياسين(حطها فكرسيها): ولكن قبل خصني نديك لواحد البلاصة
رؤيا:فييين فيين
ياسين:تسناي

ياسين:هاهي
رؤيا(كتشوف فديك البلاصة):ههه بحر
ياسين(متكي):كنتي باغا تجي داك النهار  وگلت طريقنا نوقفو شوية
رؤيا(متكية وكتشوف فيه):ممم وعلاش ختاريتي هاد البلاصة بالضبط
ياسين(كيقيس ليها فوجهها):حيت كيفكرني  فأي حاجة دوزناها هنا ....عقلتي اول مرة فاش.....
رؤيا(قطعاتو):فاش وليت حبيبتك هههه
ياسين:هههه درتها بيك داك النهار...عندك جوج اختيارات يا تولي حبيبتي بزز ولا تجي ماماك و تشوفنا وديك الساعة غادي تولي بزز منك حبيبتي
رؤيا:ههههه ناري فاش فكرتيني ....
ياسين:ولكن نهار من بعدها جينا هنا كنتي مزال خايفة مني شوية هههه حيت زربت عليك
رؤيا:كان كلشي جا مزروب داك النهار ....فراسك فديك المدة كنت كنحشم  منك ...كنتي كتجيني غريب بزاف وفنفس المدة كنحس ببزاف ديال الراحة معاك
ياسين(باسها بوسة خفيفة جنب فمها):ودابا
رؤيا(كتقيص ليه فوجهو):نتا هو روحي لي منقدرش نعيش بلا بيها
ياسين(باسها فوق راسها)
ياسين: ...هاد الهدرة الحلوة گوليها فالليل ماشي دابا ...احح غادي يسكت ليا لقلب 
رؤيا(كضحك):هههه ماشي ليوم ..غادي نجي فالليل عيانة
ياسين:والو ممفاكش ... غادي تلبسي ديك لي جبت ليك بيضة
رؤيا(مصدومة):هاااا ..هاديك معرية بزاف. ..مشوهة كلها خيوط
ياسين:هههه اصلا شايف كلشي  ليوم مغادي يفكني معاك فكاك غواتك يسمعوه من الزنقة
رؤيا(خبات وجهها بقوة مولا حمر ):ناري مكتحشمش
ياسين:ههههه.....يالاه هبطي شوية نتمشاو