صبح صباح جديد كيحمل بزاف ديال الأحدات للأبطال ديالنا
ياسمين:نسرين كنعيط لرؤيا مكتجاوبش
نسرين:حتا انا عييت منعيط ليها مكتجاوبش
ياسمين:عنداك تكون واقعة ليها شي حاجة
نسرين:نن مكنضنش غادي تكون غير باغا ترتاح ... هي واعدتني غادي تحضر معايا فالتحضيرات ديال الخطبة مكنضنش غادي تخلف بوعدها
ياسمين:وعلى الله ..اصلا رؤيا هاد الأيام راك عارفة شنو طاري ليها ....انا براسي مزال مفهمتش كيف قادرة تستحمل
نسرين:رؤيا بنت قوية متخافيش عليها ..هادي غير ازمة و دايزة ...اصلا انا متأكدة ياسين غادي ينسيها فكلشي وغادي يعوضها على اي دقيقة تعذبات فيها
ياسمين:نسرين واش كتهضري من نيتك ...اش كتخربقي ..راه الصفحة ديال ياسين تطوات شحال هادي ومن سابع المستحيلات رؤيا ترجع ليه ونتي عارفة هادشي
نسرين:ياسمين راك معارفة والو ...ياسين حتا هو كانت عندو ضروفو ...
ياسمين:نتي عارفة شي حاجة و مگلتيهاش ليا
نسرين:ماشي غير انا لي عارفة ..حتا راجلك راه عارف ..راه صاحب ياسين ولا نسيتي ..راه هو لي عرض عليه لعرس ايلا لاحظتي... كلهم كانو عارفين اش واقع لياسين ..وحتا حد مقدر يحل فمو
ياسمين:هي دابا كلشي عارف شنو واقع ايلا انا لي مزال مقلوبة عليا لقفة
نسرين:ماشي غير نتي حتا رؤيا....
ياسمين:دابا غادي تعاودي شنو كاين راه عقلي داخ بهاد دخيل و الخريج فالهدرة
###Flash back###
ياسين:وي رؤيا ..هاني قريب ...
رؤيا:صافي ..انا نيت قربت نسالي ...كنتسناوك غير تجي
ياسين:اوكي هاني جاي .....رؤيا تسناي
رؤيا:وي مالك
ياسين:كنبغيك ا روحي
رؤيا:حتا انا هههه ...
ياسين:الوالدة وصلتو ولا مزال......مالكي لاش كتبكي
فرح:ولدي عتقني اولدي ...باباك
ياسين:مال بابا.....دوي فهميني
فرح(كتبكي):باباك قتلوه ا ولدي قتلوه ......
ديك الهدرة فاش سمعها ياسين دارت بيه الدنيا ..مشا نيشان المطار غير بزز حاس براسو مقادش يوقف ...هاز راسو غير بزز ..ركب فالطائرة لخاصة ديالو لي سيفطو ليه وتاجه نيشان لسويسرا ....كان الجو كئيب ....كان حاس براسو تالف معارف ميدير ...كيتفكر رؤيا ومعارفش كيف يهدر معاها حتا من تيلي ديالو ماشي معاه يمكن طيحو او او ......تاجه نيشان للقصر ديال واليديه كانت الدنيا ساكتة ....غادي باللوطو و قدامو الشيفور ..ديك الدخلة كتبان ليه طويلة معارفش شنو كيتسناه ....دخل مع الدخلة كتبان ليه ماماه كتبكي وشي افراد من العائلة ...والخدم واقفين ....كيستعدو باش يدفنو باباه ...ياسين فلحظة رجليه خانوه وطاح على ركابيه كيشوف مصدوم ...كلشي تجمع عليه فدقة وحدة
فرح :ولدي شد فراسك اولدي ....باباك ميبغيش يشوفك فحال هكا ....
سعيد(عم ياسين):الله يرضي عليك اولدي دعي ليه بالرحمة ..
ياسين:شكون قتلو....دويت معاكم مالكم ساكتين...شكون قتلو راني سولتكم
سعيد:باك كان عندو وتائق سرية على شي مافيا كبيرة .....فاش عياو ميحاولو معاه باش يبيعهم ليهم و مبغاوش قتلوه ....
أنت تقرأ
رؤيا
Romantizm♥♥ بقلمي ...مونيا لوباروس♥♥ ⛔⛔⛔لا احلل النشر بدون ذكر الإسم (رواية مغربية مكتملة) البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
