رؤيا

الجزء 40

بعدما تحط الغدا ..مشاو تجمعو فالجردة
كلشي كيضحك ونسرين هي وياسين ديما مناگرين ..واكن دغيا كيرجعو كيضحكو  ..اما ياسين . مترأس الطبلة و.گالسة حداه رؤيا  من الليمن ...هو حاضيها وهي كتلعب فالطبسيل  بدا كيقاد ليها الماكلة حيت عارفها مكيعجبهاش داك النوع من الحوت ..بدا كيقاد ليها حاجة اخرى حيت جاو بعاد عليها
ياسين:كولي شوية .راه من البارح مكليتي
رؤيا:واخا
ياسين(قرب جيهتها):جاتك الكسوة زوينة
رؤيا(وجهها حمار):شكرا

بعدما سالاو الماكلة . گلسو مجموعين ...الدراري كيهضرو ..والبنات مجمعين ...حتا دخلات شي لوطو سايگها شيفور و.بنت خرجات منها ..لابسة كسيوة فاابيض مبينة فخاضها كاملين ..ومزعرة شعرها ..جايا كتعوج جيهتهم

عاصم:مونيا على السلامة
مونيا:راه من المطار نيشان عندكم هنا

مشات سلمات عليهم بدات بالبنات هوما اللولين و عاد دازت .كتسلم على الدراري ...

ياسمين:شكون هاد الأخت
نسرين:شوف شوف كيف كتعنق فياسين ...شكون هادي بالسلامة
رؤيا(كتخنزر فجيهة مونيا):الله واعلم ليها ...

مونيا:ياسين غبرة هادي ..من نهار جيتي معاودتي سولتي
ياسين(كيشوف فعاصم):لا غير الخدمة هاد الساعة
عاصم: اجي گلسي ...تشربي شي حاجة
مونيا:اه مرحبا

ياسين(كيهضر بشوية معا عاصم): اش كدير ا صحبي ..گاعما گلتي ليا راك معيط عليها ...
عاصم:هييهي ...ولكن فرصة زوينة ...شوف رؤيا ..علاين ضربها بداك الكاس لي فيديها
ياسين(كيشوف فرؤيا معصبة):هادي هي الخطة لي ناوي عليها
عاصم:تماما ...وتفرج دابا ولعب الدور ...راني علمت مونيا مزيان شنو دير
ياسين(كيضحك):وبااز ميقد عليك غير لي خلقك
عاصم:هههه

نسرين: اميين اجي نهضر معاك
امين(وهو گالس حدا مونيا ):ايه مرحبا
نسرين دات امين ..و ياسمين گالسة مع احمد كيهضرو ..بقا غير عاصم لي مشا حدا رؤيا كيحاول يهضر معاها .ومخلي ياسين كيهضر هو و مونيا ..وهي حاضياهم  وكتشوف فمونيا كيف كل مرة كتقيص فياسين
رؤيا(كتشوف فيهم و كتهضر ):وفاء جيبي ليا شي قهوة عفاك

.بعدما جابت ليها القهوة  يلاه غادي تشدها بيديها وبقلة تركيز تكب عليها كاس ديال القهوة سخون على فخاضها ....ناضت بزربة
ياسمين(كتكب عليها الما فلحمها):اجي معايا نديرو شي حاجة ليها قبل متبان على جلدك
ياسين(كيشوف ففخاضها بيضين معريين ..للحظة تعصب ولكن دغيا فهم الموقف):صافي غير  خليك انا غادي نديها
رؤيا(مقاداش تزيد ):هادشي كيحرقني غير خليني هنا مافيا لي يتمشا
ياسين(غفلها و هزها):باراكا من الهدرة ..

داها للبيت حيد ليها الكسوة بقات غير بدوبياس  ...دخلها غسل ليها بالما بارد  و دار ليها دهنة ديال الحريق

ياسين(معصب):على شوية كنتي غادي تجيبيها فراسك جاب الله تقاسيتي غير شوية ...اصلا شنو غادي ديري بالقهوة وفهاد الوقت
رؤيا: ونتا مالك ..اصلا علاش جاي معايا سير كمل شنو كنتي كدير
ياسين(فيه الضحكة):علاش اشنو كنت كندير بالسلامة
رؤيا:والو ....(كتشوف فتيشرت لي لابس)..وزايدون هاد التيشرت الكحل گاع مجا معاك غير حيدو
ياسين(بنظرة شك ):ياك كنتي كتگولي الكحل كيجي معايا
رؤيا:شحال هادي دابا لا
ياسين(كيضحك): غير خليني خايب ..انا كيعحبني الكحل
رؤيا(كتخنزر فيه)
ياسين(كيدير ليها دهنة ففخاضها):ممم وعلاش هاد التغوبيشة
رؤيا(وهي متوترة من لمسات ياسين):واللو بعدمني
ياسين(جلسها على فخاضو وهو متكي على الفوتاي):ممم ياكما غرتي (ويديه كتسارا ففخاضها )
رؤيا:هاوعلاش غادي نغير ....شكتخربق نتا ...عرفتي شنو ..غير هبط خليني بحدي
ياسين(كيدير معاها ضد):واخا لي بان ليك
رؤيا:كيفاش واش غادي تهبط عندها
ياسين:شكون هي
رؤيا(كتحاول تنوض):غير سير انا غادي نبقا هنا
ياسين(جرها حتا ولا وجهو مقابل مع وجهها):الغيرة غادي تحرقك...
رؤيا(كتحاول تبعد عينيها عليه):علاش غادي نغير عليك.  نتا حر فحياتك
ياسين:وخا ...(هبطها من فوقو ناض خرج)

بعدما هبط ..مشا نيشان گلس حدا عاصم
عاصم:ههه شتي شنو گتليك ..مزال الخطة طويلة
ياسين:هادشي ديالك بان ليا بلا نتيجة
عاصم:مزال القادم احلى

اما رؤيا فحسات براسها ديك الدهنة دارت مفعولها اصلا شوية ديال الحريق وفات  .. ناضت لبسات كسيوة فالبيض و هبطات ...لعشية كاملين بقاو گالسين مع بعضياتهم
حتا سلات السهرة وكل مشا لبلاصة  بقات غير رؤيا وياسين ..عاصم..مونيا
عاصم:يلاه تصبحو علا خير ..مونيا نوصلك معايا
ياسين:انا غادي نوصلها بلا متعدب
عاصم(غمز ياسين):واخا. يلاه باي
مونيا:نمشيو دابا ياك
ياسين:يلاه

هادشي كامل وقع و رؤيا كتشوف ..ماهي الا دقائق حتا مشا ياسين و مونيا وهي غادة شادة فيه....وبقات گالسة بحدها تم ....للحظة حسات بالظلم والبكية وكلشي فدقة وحدة ...طلعات لبيتها وهي دموعها كيهبطو وكتعاير فنفس الوقت ...بقات كتسناه يجي . دازو سوايع وهو والو مبغاش يبان ...دخلات دوشات وخرجات ووالو مجاش.  لهات الوقت ووالو مبانش. كانت كتمشى على اعصابها وكتحس براسها خرجات على سيطرتها ..كانت واقفة حتا دخل البيت

ياسين:مزال فايقة
رؤيا(مخلوعة):فين كنتي
ياسين:رؤيا مفيا لي يدابز معاك بغيت نعس
رؤيا(مشات جبداتو من الكول ديالو):مشيتي معاها ياك
ياسين:رؤيا اش كتخربقي
رؤيا(عينيها فيهم الدموع):مشيتي معاها ..وخليتيني. .هي لي مشيتي معاها نهار ااخطبة ياك
ياسين(غوت):رؤيا اش كتخربقي . سييري نعسي احسن ليك
رؤيا(معصبة ومواعياش براسها):فين مشيتي معاها ...وصلتيها وبقيتي نتا وياها ..العالم الله شنو درتو
ياسين(شدليها يديها بجوج وقربها):رؤيا عرفي اش كتخرجي على فمك
رؤيا(دموعها كيهبطو بلا متحس وكتحاول تحيد يديها من قبضتو):بعد مني
ياسين:ياك گلتي ندير لي بغيت ...شنو كيفرق معاك دابا
رؤيا(كضرب فسدرو ):انا مرتك دابا ممنحقك تمشي مع حتا وحدة من غيري ...هئ هئ...
ياسين(كيحاول يستفزها):دابا لي وقع وقع...انا تبعت هدرتك
رؤيا(كتغوت وكتبكي):واش لا گلتلك موت سير موت...كيفاش عطاك خاطرك دير هكا فيا ....مغاديش نسمح ليك دابا .. عمري غادي نسمح ليك....طلقني وسير تزوج بيها ...شنو باغي دير بيا انا
ياسين(غا سمع كلمة الطلاق وهو يجبد التيلي عيط لعاصم):عاصم
عاصم(كيضحك):امضرى اصحبي لقيتيها باقة فايقة
ياسين:اه
عاصم:شتي گتليك الخطة ديالنا غادة مزيان ....باينة لقيتيها جاعرة.. على دوك الشوفات لي كانت كدير فيك هاد العشية .فحال والو تقتلك ونتا ناعس
مونيا(كتهضر معاهم وهي مع عاصم):هههه حضي راسك فالييل فحال والو تقتلك
عاصم: يلاه تصبح على خير ..حنا يلاه غادين نكملو السهرة فبلاصة اخرى
ياسين(كيشوف فرؤيا لي كتسمع هدرتهوم كاملة وكيضحك):يلاه باي

بعدما قطع معاهم ..بقا كيشوف فرؤيا لي وجها ولا حمر و عينيها كاملين دموع ..

ياسين(قرب ليها وباسها ففمها):..مستحيل نقرب لشي وحدة من غيرك ...
رؤيا(مخلطة فرحة و صدمة ):نتوما تافقتو عليا
ياسين(شادها من خصرها): رحميني وباراك من هادشي صبر تقادا ..سنين وانا كنتسنا رحميني ا رؤيا ..راه هاد القلب عمرو بغا غيرك ..وعمرو غادي يبغي غيرك

                              ⛔⛔⛔⛔