رؤيا

الجزء 5

خرجات مشات للدار بعدما وصلوها البنات فاللوطو ديالهم .دخلت نيشان دوشت .تخشات فبلاصتها تفكيرها كان كلو مع ياسين وهاد التصرفات جداد ديالو ....نفضات راسها من هاد الأفكار واستسلمت للنوم
صبح الصباح ونهار جديد كيحمل ف طياتو احدات جديدة للأبطال بجوج ..رؤيا فاقت بكري بحكم عندها حصص هاد النهار .لجو كان مشمس وكيفتح النفس حلاات البالكون  وبقات كتمنضر فالأجواء الصباحية .مشات غسلات حالتها ولبست حوايجها

هبطات عند ماماها و باباها لي كانو كيفطرو باش كل ويمشي للخدمة ديالو مي هادشي مكيمنعهمش انهم يدوزو فطور مليئ بالضحك
مشات رؤيا ركبات فاللوطو ديالها  :بفف مالها هادي 😤صبحنا على الله
هبطات بانت ليها رويضة ناقصة شوية  ومع هي معطلة دغيا شدات طاكسي ومشات .
قراات الحصص ديالها و ككل مرة مشات تغدات فنفس البلاصة  مجاوش لبنات ليوم حيت معندهمش حصص   سو گلست بحدها  حتا سمعت شي صوت:شفتك ليوم گالسة بحدك
دارت بالعرض البطيئ :ياسين ..ا حيت ...غير مكاينينش البنات 😆
ياسين :(گلس بلا ميطلب الإذن )سو كاين انا
بقاو مدة ساكتين
رؤيا :(كتحاول تحيد داك التوتر لي كايبان على وجهها )و نتا شنو كادير هنا ..من نهار جيتي لمغريب
ياسين :كندوز نهار كامل تقريبا وسط الخدمة فالشركة  ..مكايناش شي حاجة مهمة
رؤيا:امم مزيان (تفكرات ديك البوسة ديال البارح .طلعات معاها السخونية )سمحلي (وتمات غادة لtoilet تغسل وجهها  )رؤيا كالم اوففف شو وجهي كيف ولا حمر .
ياسين :وخا هكاك كتباني زوينة
رؤيا:(هزات راسها فالمراية حتا كيبان ليها واقف موراها متكي على الحيط)ياسين اش كادير هنا ..واش تسطيتي
ياسين :(وهو كيقرب ):فحال هكاك
بقات رؤيا كتشوف فيه كيقرب .حسات براسها تشلات مقدرت تنطق بوالو من غير:ي...ياسين
ياسين :الله سميتي كيف كتخرج من فمك ..عاوديها
رؤيا:ها (مقادرة دير والو من غير انها كتحس بأنفاسوا سخونة جيهت عنقها كتحسسها بالتبوريشة)
ياسين:(زير عليها جيهت خصرها)عاوديها بغيت نسمعها
رؤيا :.ششنو هي
ياسين:(وهو كيزير عليها )سميتي
رؤيا:(كتحس بقبلاتو جيت عنقها شي لي خلاها كتحس بالتبوريشة فأنحاء جسدها )ي..ياسين ...(وحطات ايديها على صدرو باش دفعو واخا كتحس بيلا مقادراش ومرخية)
كانت حركة بسيطة منها وعفوية ..مي هو سلباتوو فاش حطات ايديها و فالظبط جيهت قلبو ..محسش براسو ايلا وهو كيطابق شفايفو مع ديالها .وشاد راسها بين ايديه ..بقا كيلتاهم فكل وحدة بحدها بكل حنية ..رؤيا مكانتش حاسة براسها كانت مغيبة مع كل مصة كيديرها كترجف بين ايديه ....مفيقهم غير صوت التيلي ديال رؤيا
رؤيا:(ناضت قافزة معرفت باش تبلات جبدات تيلي وهي كتنهج):الوو واخا هاني جاية
جات ضور لقاتو مزال حداها معرفت كيف غادي تعامل معاه وجهها زاد حمار من بعد محسات براسها دغيا ترخات وضعفات  شي لي زاد عصبها وحتا هو فهمها و حس براسو تسرع مي مكانش حاس براسو اش كيدير  كانت لحضة ضعف..رؤيا بقوة متحرجات نزلت راسها وخرجات كتجري خلصات ومشات عند البنات .مقدرتش تخفي التوتر ديالها قدامهم و سولوها مي عطات اعذار كاذبة باش تهنى منهم
رؤيا مشات تكمل الحصص ديالها وحاولات تركز واخا مكانتش مركزة 100% ..من بعد مخرجات ركبات مع البنات فاللوطو ديالهم  گلست حدا ياسمين لي كانت سايگة .تفكيرها كان كلو مع داكشي لي وقع وعلاش و كيفاش راسها داخ ..معرفتش كيف تصرف مرة كتقيس شفايفها كتشدها ضحكة ومرة كتفكر ياسين وكيفاش ستسلمات ليه و كتعصب .
رؤيا:(وكتنفض  فراسها)بفف صافي ا رؤية غير بوسة عادية  و غير حيت اول مرة اوووف نساي
مجات تكمل حتا لوطو فرانات :اااع اش واقع ....مالكم كتشوفو فيا 😲 .
ياسمين:عاودي اش گلتي كيفاش شكون باسك ....متگوليش ليا ياسين
نسرين:هايداك داكشي لاش كنتي جايا تالفة قبيلة ....باغا تخبي علينا هادي
رؤيا:لا لا موقع والو .
ياسمين ونسرين:(بشوفة ديال راه عرفناك غا گري لا مفر 😒)
رؤيا:بففف صافي صافي .ياسين هو لي قرب ليا انا مدرت والو (عاودات ليهم مي اكيد غير الخلاصة  ماشي بالتفصيل )
نسرين :شتي گلتهالك انا مأكدة انه مهتم بيك
لبنات حاولو يسدو الموضوع لأنه حسو بيها متوترة فوق القياس ..حاولو يرفهو عليها شوية باش تنسى
لبنات مشاو تقهواو كيف موالفين ديما و دارو شوبينغ ومشاو بعدما وصلو رؤيا
رؤيا لي غير دخلات صدمتها ماما بيلا غدا عارضة عليهم فرح لعشا ..
طلعات لبيتها متوترة:دابا كيف غادي ندير اش جاب منقنع ماما باش منمشيش ..لامفر ليا ...رؤيا كالم ..دير فحال إلى  موقع والو  ..شكون هو گاع ..هاديك مجرد قبلة عادية اوففف
مشات رؤيا تخشات تحت دوش  غسلات حالتها ودهنات راسها بكريمات غير ريحتهم كتهدئ النفس .ناضت قرات شوية و تكات كتحاول تنعس ..والو وتقول  هاد النعاس بغا يجي .طلات على instagram كتشوف محسات براسها فوكاش دارت جادوغ ..بدات كتقفقف و كتحيدهم .حتا وصلها msg :عرفتك درتيهم غير بالغلاط
رؤيا:(معرفات فين ترد وجهها )ناري دابا معرف اش يسحاب ليه راسو يخ
حتا وصلها msg من عندو :ميصحاب ليا راسي والو
ناري واش هادا كيقرى افكاري 😰
ياسين :اه كنقراهم ..
رؤيا بقات مصدومة حتا فيقها صوت تيلي كيصوني :الو
ياسين :رؤيا ..سيري نعسي راك سهرتي بزاف
رؤيا:ها (معارفة باش تجاوب)قطعات عليه
ياسين بقا كيضحك عليها حيت ضهشرها:(كيهضر ب صوت مسموع)شفت فالبنات حتا عييت مي فحال هادي لا ..(وهو كيقيس فمو كيتفكر القبلة )احح ا رؤية سلبتيلي عقلي ..مي غير عقلي نتي ديالي ومنخليك حتا لحد ..