صبح الصباح
لبنات فاقو كيلبسو باش يهبطو يعومو ...رؤيا فاقت على شي يد كتقيس ليها فشعرها:ياسين صباح الخير
ياسين :..صباح النور حبيبتي....ههه شفت لي طراس مشاو ههه
رؤيا:هههه ومالك بغيتيهم يبقاو ديما
ياسين :ههه والله مكرهت ندير ليك طابع الملكية باش كلشي يعرفك ديالي بحدي
رؤيا:هههه لا صافي نتا حماقيتي
ياسين(كيقرب لعنقها)حتا نقزات رؤيا:لا صافي ههه بغيت نلبس شي حاجة مبردة ماشي نتخنق تاني
دخلات رؤية للحمام غسلات وخرجت بدلات :ياسين انا غادي نسبقك لتحت
هبطات لتحت فطرات وخرجات مع البنات هبكو للبحر حيت لڤيلا قدام البحر ..كانت لابسة دوبياس فزرق روايال ودهنت لحمها كريم ديال البرونزاج وطالقة شعرها الطويل ..دخلات مع البنات كيتراشو ووحدة كتغرق الأخرى ...كانو جوج دراري من دوك الڤيلات نيت لي حداهم ..مشاو حدا البنات كيلعبو بالكرة ..لبنات مكانوش من العاگزين بداو كيلعبو معاهم ..
اما ياسين فكان جاي هو و الدراري باش يدخلو يعومو حتا كيشوف شي بنت كتلعب بالكرة وگاع مؤهلاتها كيتحركو بطريقة مثيرة .لعن راسو حيت رؤيا هي الوحيدة لي كتقدر تجذبو او تحرك فيهاحاسيسو كيف قدرات وحدة اخرى دير فيه هكا وهو گاع انواع البنات شايفهم ومحركو فيه والو ..اما رؤيا غير دورات وجهها عرفها هي غوت بحر جهدو :رؤيااا
رؤيا غير شافتو جاي جيهتها فحال شي بركان شاعل وجهو حمر وعروقو باينين .. فهماتو وتمات هاربة للداخل حيت الى جات بين ايديه غادي يدير فيها شي كارثة
هربات للدار دخلات نيشان للدوش باش تغسل حالتها حتا كيدخل عليها فحال شي ثور ..كانت يالله نصلات سوتيان ديالها غير شافتو خبات صدرها بين ايديها
ياسين:(كيغوت بحر جهدو ومزير على شعرها)شحال من مرة ارؤيا دوينا .ونتي غير مغادا وكتزيدي تعري ..كيف كنبان ليك انا حداك زا***
رؤيا (يد وحدة مغطية بيها صدرها والأخرى كتحاول تنصل لياسين يدو من شعرها):احح طلق مني اامرض راه غير البحر ..وكلشي لابس هاكاك
ياسين(كيغوت) :ونتي مالكي يلبسو لي بغاو يدبرو كرهم .
رؤيا(كتبكي):عافاك ا ياسين طلق مني والله مقصدت
ياسين :شحال من مرة نبهتك ا رؤيا هاا ...شريتيها لروحك
محسات ايلا وبالمرايا لي حداها مضروبة و ياسين يدو كاملة عامرة دم ...فاش كان بغا يمد يدو عليها مقدرش وضرب فاامرايا
رؤيا(كتبكي ):ياسين ...يديك
ياسين تم خارج :دوشي ولبسي حوايجك من بعد ونهضرو
رؤيا من بعد مدوشات لبسات كسيوة فأزرق سماوي واصلة لحد الركبة وخرجات لقات البنات كيوجدو الغدا .مشات گلست حداهم :اش كتوجدو
ياسمين : ياسين خرج صاعر قبيلة ...باينة دابزتو
نسرين:هي غير دابزو وسكتي ..مسمعتيش لغوات الفوق ..شحال غوت شوية ويمشي ليه الصوت
رؤيا فين غادي يكون مشا 😢
ياسمين :شفتو هز لوطو ديالو ومشا
نسرين :هههه وهاد ياسين صدق مغيار بزاف ..شفتي على حالة دار فدوك الدراري فاش هبط
رؤيا:ها كيفاش شنو دار .
نسرين:عرفتي هبط ليهم خمج ليهم لوجه ...عبر عليهم حيت دوك الشوفات اي كانو كيديرو راه ماشي عاديين ..راه غير نتي وياسمين على نيتكم غادين كتلعبو معاهم .....وحتا نتي ا رؤيا انا عادرة ياسين ...عندو الحق يغير عليك ..راك مزال معارفاش اي دري كون شافك هكاك مغاديش يزگلك
ياسمين : صافي خلي البنت ا ياسمين راه حتا هي معالم بيها غير الله
..بقاو البنات كيوجدو شوية جا احمد ومحمود كانو كيدوشو .گلسو تغداو و ياسين مزال مبغا يبان ليه أتر .
رؤيا طلعات عيات متصوني عليه ووالو مكيجاوبش
لبنات خرجو وهي بقات غير فالدار .دموعها بين عينيها .كل مرة كتصوني كانت غادي تحماق ..ضربت 1دليل لبنات دخلو وهي خرجت جلست حدا البالكون كيطل على البحر حتا بان ليها كيتمشى شوية وقف قدام البحر وخاشي يديه فجيابو ..بقات غادة جيهتو ودموعها حابساهم غير بزز محسات براسها حتا عنقاتو من اللور :ياسين فين كنتي عييت منعيط ليك علاش مجاوبتينيش
ياسين كيبعد يديها عليه وكيهضر ببرود :علاش غادي نجاوبك ياك نتي باغا غير الفرصة باش ديري ما بغيتي
رؤيا:والله مكنت قاصدة احبيبي والله سمحلي
بدات كتبكي ودموعها مبغاوش يحبسو وياسين والو مقدرش يمنع راسو يمشي يعنقها ..اول مرة كيتخاصمو هكاك ..كانو بيناتهم خصومات مي دغيا كينساو ..اول مرة كيطرا ليهم هكاك وجاتهم اكتر من صعيبة .
ياسين :صافي بلا بكا عافاك ..
رؤيا(كتمسح دموعها):صافي انا مكنبكيش
رؤيا بدون تفكير تعلات كتمص فشفايف ياسين بقوة متوحشاتو ..وهو بدورو اول مرة تجرأ عليه هكاك ...بادلها القبل ديالها :ياسين اخر مرة دير هكا عافاك ..متصورش شحال كنبغيك ...مقدرتش نستحمل انك تبعد هكا ...كنت غادي نحماق
ياسين (عنقها ):صافي غير تهدني متبقايش مخلوعة هكا ..
رؤيا:ياسين يديك شوف كيف ولات
ياسين:ماشي مشكل مكنحسش بيها بلاما تخلعي
رؤيا جراتو حتا البيت وجبدات علبة الإسعاف .عقمات ليه الجرحة وعينيها عامرين باادموع وكترجف فكما كتقيسها كتحس براسها كتقسح فبلاصتو .لوات ليه فاصمة
ياسين(جر رؤيا جلسها فوقو تكا ليها راسها على صدرو ):ششش صافي راك قهرتي دوك العوينات بقوة الدموع راه غير جرحة عادية
رؤيا(شدات ليه ايدو المجروحة وباستها )سمحلي ا ياسين مغاديش نعاود
ياسين زاد عنقها محسو براسهم حتا صبح الصباح وهي مخشية فيه فحال شي قطيطة ..تفكر كيف كانت كتهدر معاه وكيفاش عتارفات ليه وحتا جرأتها ،حراكاتها كيذوبوه وكيخرجوه على طوعو ....بقا ساهي حتا فاقت كتحك فعينيها :صباح النور😊
ياسين :عاوديها
رؤيا:صباح النور
ياسين :لا ماشي هادي ..هاديك لي كنتي كتسناي الوقت المناسب وتگوليها
رؤيا:كنبغيك (باستو بوسة خفيفة فوق شفايفو )
ياسين :اححح والله مكرهت نبقا غير نسمعها
رؤيا:هههه غادي نبقا نگولها ليك حتا تمل منها
ياسين : نمل منك هادي هي الحاجة لي مستحيل نديرها واش كاين شي واحد كيمل من نصفو التاني
رؤيا(شادا وجهو بين ايديه ):ياسين واعدني عمرك تخليني منقدرش نتخيل شي نهار تبعد عليا (عينيها مغرغرين)
ياسين :اخر مرة تگولي هاكا ..مستحيل نبعد عليك راك نتي روحي ا رؤيا .ومكاينش لي كيتخلا على روحو ....ايوا باركة من هاد الدموع راك طيبتي دوك العوينات
رؤيا:ههه صافي هاني
أنت تقرأ
رؤيا
Romance♥♥ بقلمي ...مونيا لوباروس♥♥ ⛔⛔⛔لا احلل النشر بدون ذكر الإسم (رواية مغربية مكتملة) البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
