هكا دازت سيمانة ياسين و رؤيا باقي حالهم كيف ديما ...هي مقادراش تسمح ليه ..كتحس بالضعف بعد المرات ولكن دغيا كتقلب ...كتحس براسها تالفة معارفاش شنو دير . كتبقى النهار كامل فالقصر كتحس براسها محبوسة من بعد مكانت حرة فراسها .....وهو كتر منها ..واخا كيشوفها حداه ولكن بيناتهم حاجز كبير ...هو عارفها مقادراش تگلس فالدار ..ولكن الغالب الله كيدير كلشي باش يحميها ..
ياسين(كيدق عليها فالدوش ):رؤيا ...سالي دغيا وهبطي لتحت
رؤيا(الشامبو فشعرها ):هاا شنو گلتي ....اي عينيي ..(بقات كدور حتا زلقت)
ياسين(داخل مخلوع): مالكي اش واقع ....
رؤيا(عينيها فيهم شامبو مكتشوف والو من غير مقصحة جات على لورانية ديالها):اييي ...شوف شنو درتي ليا
ياسين(حابس الضحكة):شنو درت انا ..راه نتي لي كطيري
رؤيا: كيفاش ..انا دابا كنطير ...اححح عينيي ..ايي ضهريي
ياسين(كيضحك):..مكنساليش من الهدرة السلامة ...نوضي
بعدما نوضها غسل ليها شعرها من الشامبو ...حلات عينيها لقاتو قدامها كيشوف فيها .. كتشوف راسها ملابسة والو ..بدات كتحاول تغطي ..حاولات دارك الموقف وتسلت ساعا شدها
ياسين(قرب لودنيها):وخا نكون حجرة مغاديش نصبر. ..رحميني راه صبر تقادا
رؤيا(ببلاهة ):هاا ....ومشات لبسات بينوار وخرجات سلتات
ياسين(فنفسو):غا بلاتي ليوم نفديهم فيك
بعدما مشات لبسات عليها وخرجات نشفات شعرها ..تبعها هو ..حيت فاش دخل شافها فديك الحالة بدا كيتعرق غير بحدو ..ضطر يدوش من اول وجديد ههه
رؤيا (كتشوف فيه):قبيلة شنو كنتي كتگول مسمعتكش
ياسين(كيتفكرها فاش كانت طايحة وبدا كيضحك):هههه .گتليك فاش تسالي هبطي لتحت
رؤيا(😑):علاش كضحك ...وعلاش غادي نهبط لتحت ..ياك كنتي حابسني فالبيت ...شنو تبدل دابا
ياسين(جمع غوباشتو):هدرة وحدة منعاودهاش ..لبسي شي حاجة مقادا و هبطي لتحت
رؤيا:كدور فحال الزمان
ياسين(غوت):رؤيااا
بسرعة مشات بعدما خلعها بدوك الشوفات
لبسات عليها شي حاحة خفيفة ..ياسين گاع حوايجها لي جابت معاها حيدهوم ليها ..جاب حوايح جداد من اول وجديد ..عيات متقلب على شي حاجة مبردة ...ساعا كلشي ضارب ليه لحساب ...
ياسين(كيطل عليها):علاش كتقلبي بالضبط
رؤيا(كتخنزر فيه وكتهضر بنبرة شبه عالية):كنقلب على شي حاجة باردة نلبسها
ياسين(كيحك فلحيتو):علاش هادشي كامل ومبانليك متلبسي
رؤيا(معصبة):كنقلب نلبس شي حاجة باردة ماشي نتخنق ...وهادشي كامل اي كاين هنا ايلا لبستو فهاد الصهد غادي نتخنق ...عطيني غير حوايجي ...واش انا گتليك شري ليا حوايج جداد
ياسين(شاد يدو على شكل قبضة):هي گولي ليا ا مدام بناني باغا تعراي ليا هنا .لي يسوا ولي ميسواش يتمنضر ليك فلحمك ..شايطين عليك فخاضك ...
رؤيا(كتغوت بجهد):هييه لزم حدودك ..ممنحقكش تهدر معايا هاكا راه عيقتي بزاف ..نلبس لي بغيت ..ماشي سوقك
ياسين(ملوي ليها يديها ورا ضهرها وشادها باليد الاخرى فشعرها):راه ايلا مسديتيش هاد الفم برب حتا نهرسو ليك ...ودوك الحوايج لي باغا تلبسيهم ..عمرك تحلمي تلبسيهم قدام شي حد اخر ..ودابا يا غادي تلبسي شي حاجة و تهبطي ..يا غادي نصدق قاتلك هاد النهار
رؤيا(عينيها فيهم الدموع):مبغيتش نهبط ....
ياسين(جر ليها شعرها بالجهد حتا غوتات):رؤياااااا
رؤيا(كتبكي ):و...واخا صافي ..عافاك طلق مني
أنت تقرأ
رؤيا
Romance♥♥ بقلمي ...مونيا لوباروس♥♥ ⛔⛔⛔لا احلل النشر بدون ذكر الإسم (رواية مغربية مكتملة) البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
