♥♥ بقلمي ...مونيا لوباروس♥♥
⛔⛔⛔لا احلل النشر بدون ذكر الإسم
(رواية مغربية مكتملة)
البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
امين خرج وخلا رؤيا اما هي بقات كتبكي حتا خرجات دكشي كامل لي عندها ..بقات واقفة قدام المراية كتشوف فراسها وكتفكر فلهدرة ديال امين رؤيا(كتمسح دموعها فحال شي طفلة):هدرتو كاملة صحيحة ..انا مخصنيش نبقا هاكا ..انا مزال باغا ندير بزاف ديال لحوايج ...مخصكش تبقاي هنا ا رؤيا .... غسلات وجهها وخرجات كتمشى فالجردة غادا لجيهة فين گالسين مامها وباباها ريماس :بنتي ..اجي گلسي گلسات وسطهم كتاكل فالحلوة لي جابو ليها فصمت حتا نطقات:انا بغيت نخرج من المصحة ريماس (فرحانة):بصح ابنتي واش بغيتي ترجعي للدار سيف الدين :اه نديك ولكن حتا تولي مزيان رؤيا:لا بغيت نخرج انا وليت مزيان ابابا ..انا بغيت نرجع كيف كنت ...ونرجع نقرا الهندسة ريماس(كتبكي بالفرحة): اكيد ابنتي غادي ترجعي ..حنا معاك وعمرنا غادي نتخلاو عليك .. سيف الدين :واخا ابنتي لي بغيتي هي لي تكون سيف الدين مشا هدر مع الدكتور لي مكلف بحالتها ..لي بدورو عرف بيلا رؤيا مادامت فكرت هاكا ايلا وعندها العزيمة باش ترجع كيف كانت رؤيا بقات فاامصحة من بعد الحدت بقات مدة شهر ..تحسنات بزاف وتجاوبات مع الدكاترة لي فاجئاتهم بهاد الإصرار والعزيمة ديالها ..وكذالك ريماس وتاج الدين لي فرحتهم مقاداهم .حسات بحال ايلا اول مرة غادي تعيش ..كطل من النافذة ديال اللوطو فحال ايلا كتشوف دنيا اول مرة رؤيا:ماما ماشي طريقنا هادي ريماس:هاء نسيت مقلت ليك ...تحولنا لبلاصة اخرى ..غادي تعجبك ..عقلتي على المفاجئة لي كان باباك غادي يديرها ليا فعيد ميلادي رؤيا:امم عقلت ريماس :ايوا هي هادي..صبري شوية وغادي تبان ليك ...انا مأكدة غادي تعجبك رؤيا كتشوف باب كبير قدامها داخلين منو بقاو غادين مدة وسط جردة كبيرة فيها الورود بالأشكال والألوان ..حتا وصلو جيهت واحد الخصة كبيرة باللون الذهبي كيتدفق منها الماء بقات مبهوضة من جمال هاد القصر ..حتا بانت ليها كريمة جايا كتجري وكتبكي:رؤيا بنتي متصوريش شحال توحشتك ..نورتي علينا ... رؤيا:ههه متبكيش ا كريمة ...صافي انا راه وليت مزيان ..مغاديش نبقا نتفرق معاكم مزال كريمة جارة رؤيا كتوريها فدوك الكليبات الصغار لي كاينين تما ..بقات كتديها من جيه لجيه ...حتا كتسمع الغوات جاي لجيهتها ...كدور كتلقى البنات جايين كيجريو ..كيعنقو فيها وكيبكيو ياسمين :رؤيا توحشتك والله ....على سلامتك احبيبتي فرحتيني نسرين غير كتبكي مقدرت تگول والو رؤيا:نسرين ونتي متوحشتينيش نسرين:بلعكس توحشتك بزاف رؤيا:ومسحو دوك الخناين ..واجيو راه الغدا واجد نسرين: رؤيا..واش نتي صافي رجعتي رؤيا لي كنعرفو ياك مغاديش ترجعي كيف ديك المرة رؤيا:هههه علاه شحال كاينة من رؤيا ..غي انا بحدي ....هاء وباراكا من البكا ....و زيدو عندي ليكم شي افكار زوينين بغيت نديروهم ... بقات غادة وسطهم معنقاهم حتا وصلو للداخل ..تصفو فوق الطبلة كياكلو من بعد ماسلاو خرجو للجردة كان الجو زوين ..حاطين حداهم عصير ..حتا نطقات رؤيا :اش بان ليكم نمشيو للصين ياسمين:الصيين ..منين جبتي هاد الفكرة نسرين:صراحة عمرنا مشينا ..ليها .ولكن فكرة زوينة رؤيا: ...انا فالأيام لي كنت كنستعد نخرج من المصحة شفت برنامج بالصدفة..كيبينو فيه المآتر لي كاينين فالصين ..صراحة تشوقت نمشي ونشوف. ..(حانية راسها)..بغيت نرتاح ونعاود نعيش حياتي من جديد ...ومكرهتش معاكم نتوما...نشوف هادشي كامل . ياسمين(كتهز راس رؤيا):علاه حنا غادي نخليوك تمشي بوحدك تسطيتي ...اصلا هاد المغامرة خاصها حنا كاملين اكيد باش نحماقو كيف ديما ههه نسرين:ناري انا صافي تحمست كثر من القياس ...شدوني صافي ..دابا بغيت نمشي لبنات كيضحكو عليها وكيتلاوحو فوقها نسرين:دابا فوقاش غادي نمشيو رؤيا:ههه حتا تساليو الإمتحانات ونمشيو اصلا راه يالاه شهر ربعة ياسمين :اححح انا متشوقة ههه ريماس وسيف الدين واقفين الفوق فالبالكون وحاضيين رؤيا ريماس : سيف الدين انا فرحانة حيت بنتنا واخيرا رجعات سيف الدين:الحمد لله ..بنتنا عندها عزيمة قوية اكيد غادي تغلب على اي حاجة فالمستقبل ......خلينا نساو هاد المدة لي دازت ..رؤيا تخلقت من جديد واكيد هي قوى من قبل .مكنضنش غادي تجي شي حاجة تهرسها ..وانا غادي نوقف فطريق اي واحد يبغي يآديها
رؤيا دوزات ايام زوينين كيجيو عندها لبنات كل نهار ...كدوز نهارها كتقرى فالكتوبة و كتخرج مع البنات ...رجعات صحتها كيف قبل ..ولات كل صباح كتفيق كدير الرياضة ..ولات احسن من قبل ..
صبح الصباح .رؤيا فاقت دارت السبور ورجعات دوشات وفطرات ..وگلسات مع حكيمة ..بقات كتعاود ليها على فاش كانت صغيرة ...فتش سالاو طلعات رؤيا بدلات عليها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهزات اللوطو ومشات ديريكت للشركة ديال باها دخلات عليه حتا كتصدم ..لقاتو نفسو الشخص .امين سيف الدين:دخلي ابنتي ...نقدم ليك امين العلوي...سي امين هادي بنتي رؤيا امين :متشرفين رؤيا:..متشرفين اسي امين بقات رؤيا واقفة حتا ستأذن منهم امين وتم غادي سيف الدين :اجي ابنتي حدايا رؤيا:تسنى ابابا شوية ونجي ..تفكرت واحد الحاجة رؤيا تبعات امين كتجري وقفاتلو قدام اللوطو امين:هيه واش باغا تموتي رؤيا:من قبيلة وانا كنعيط ليك نتا لي صمك امين:ياك دابا انا صمك رؤيا:سي امين واخا ناخد ليك من وقتك شوية امين:ياكما عندك شي مشكل رؤيا:لا بلعكس ..واخا نگلسو فهاد الكافي لي هنا امين:ايه مرحبا رؤيا وامين مشاو گلسو ..رؤيا بقات ساكتة معرفت متگول امين:دابا هادشي لاش جايباني هنا باش تبقاي ساكتة هه رؤيا:صراحة اسي امين كنت... امين:غيير امين بحدها رؤيا:اوكي..صراحة ا امين ..كنت باغا نشكرك على دكشي لي درتي معايا ..معرفتش شنو كنت غادي ندير كون متلاقيتش بيك ...شحال مگلت فحقك عمري نوفي ..(شدات ليه فيديه )شكرا بزاف حيت عطيتيني امل فالحياة بعدما كنت فاقداه امين:عندك طريقة وحدة باش تشكريني ...هي تبقاي هاكا وعمرك تفقدي الشعلة ديالك يطرا لي يطرا رؤيا:اكييد ههه ....اطط نشوف تيلي ...الو وي ياسمين صافي خرجو نتائج ...احح بشوية هضري بشوية ...ههه صافي مبقا والو ونسافرو .....حتا انا متحمسة بزاف ههه يالله باي حتا نتلاقاو ههه امين : شي تسافيرة هادي هههه رؤيا:ممم هههه اه ....وعرفتي فين ...للصين امين:مم اختيار زوين . ....فكرتيني فاش مشيت الصين ..كانت عندي 18 عام ...مشيت انا وصحابي ههه رؤيا:اه وكيف داز ل voyage امين:صراحة داز زوين...ايلا كنتي باغا تشوفي الصين مزيان منصحكش تشدي les hotels من الاحسن تعيشي كلشي بلحظة بلحظة رؤيا:وي هاكا فكرنا انا والبنات .وخططنا لكلشي
