رؤيا

الجزء 46

بعدما كملات السهرة ...وكلشي تفرق ...بقاو غير لبنات خرجو لجرجة و نسرين تابعا رؤيا حيت مكتحملش لحنا
رؤيا:ناري والله وتقيصيني حتا نوريك
نسرين:غير اجي غير شوية
رؤيا:بعدي مني گالاك شوية ...يعععع ريحتها خايبة
ياسمين:تفرقي عليها باراك
رؤيا(مخبيا مورا امين):امين هدر مع هادي باغا تقيسني بالحنا بزز
امين:تفرقي على السيدة المسمومة
نسرين :ياااك (وهي تلصقها ليه فوجهو )
رؤيا(غوتات):ياااااع لصقتها فيك ..(وهربات منو حتا هو ومشات گلسات حدا ياسين )
ياسين:هههه مزال مكتحمليهاش
رؤيا:يعع كنكرهها ....لااا گوليها متقربش
ياسين(مخبي رؤيا من نسرين):امين هدر مع مرتك تبعد ليا من حبيبتي
امين(معنق نسرين):حبيبتي ...الله يمسخكم ...غير خلي غدا نتزوجو و نشوفو الزواج كيف داير
رؤيا(خرجات ليهم لسانها ):بزاف عليك هههههه
امين:وخا فيك ...يالله تصبحو على خير انا عييت
رؤيا:صافي غادين تمشيو
ياسمين:انا مع الحمالة دغيا كنعيا ..اصلا راه فات ااحال
رؤيا :اوكي تصبحو على خير .....ياسين حنا واش غادي نمشيو
ياسين:.لا غادي نريحو هنا حتا لغدا ونمشيو من بعد العرس ...
رؤيا:مجبتش حوايجي كاملين
ياسين:لا راه وفاء جابت كلشي
رؤيا :اوكي ...
ياسين(باسها فحنكها):ولفتي تسهري
رؤيا:وياه يالاه12 دابا مزال الحال
ياسين:يالاه نطلعو لفوق نيت دوشي وحيدي عليك داك العرق
رؤيا: مزال مكملنا الهدرة فدكشي
ياسين(هزها ):يالاه بلا قوة الهدرة ...بقا غادي بيها وهي كضحك ..كان الجو فيه السكات كلشي عيا ومشا ينعس
بقاو غاديين وهوما شاداهم الهيستيرية ديال الضحك وكيحاولو يضحكو بشوية باش ميفيقوهمش
رؤيا :احح كرشي ضرتني بالضحك
ياسين:رؤيا كنحس بيدي فشلو عليا مع الضحك
رؤيا:ناريي عنداك طيحني ههههه
ياسين(ترما فوق الناموسية و رؤيا فوقو):يالله نوضي ندوشو
رؤيا:مم ولكن دوش ليا نتا
ياسين:ولايني راك كتقلبي عليها فهاد الليل ..ليوم يسمعو غواتك غير زيدي
رؤيا (جاراه):اصلا انا توحشتك
ياسين(كالاها مع الحيط):ليوم اخرتي على يديك واش باغا تحمقيني
رؤيا(حطات يديها على صدرو):ممم ولا حماقيتي شكون غادي يبقى معايا
ياسين(كيقرب ):اححح ليوم ذنوبك على راسك
*********************
صبح صباح ..دنيا عامرة وكل ومقتبل شغلو ....عكس رؤيا لي مزال غارقة فالنعاس .
ياسين(كيلبس حوايجو):نوضي ا نعاسة باراكا عليك
رؤيا:فيا نعاس خليني شوية
ياسين(تكا حداها كيلعب ليها فشعرها باقي فازك شوية ): نوضي لبسي حوايجك هاني لتحت كنتسناك نفطرو ومن موراها بغيت نهضر معاك
رؤيا:فااش
ياسين(كيجر فيها):ويالله نوضيي..فراسك بيلا ايلا بقيتي هكا غادي تولي قدك قد البوطة
رؤيا(عاد طلعات معاها هضرتو):ها ويلي ..صافي انا هابطة
ياسين:ههههه يالله هاني كنتسناك

بعدما غسلات وجهها لبسات عليها وصلات عاد هبطات كانت لابسة كسيوة قصيرة بيضة صوفية ...جاتها زوينة مع فخيضاتها بيضين

هبطات مع الدروج كيبانو ليها باقين كيفطرو ...
حسام(كيشوف جيهة رؤيا هابطة): :امين گاعما گلتي ليا عندكم هاد الزين كامل ..ومخبيه عليا  .احح تگول غير  ملاك ونازل من السما   ..كتشبه لملاك بزاف 
امين(كيشوف ف ياسين لي واقف حيت كان يالاه جاي لطبلة علاين يبخ الدم ):سكتنا ا صحبيي .واش باغي تجبد على راسك المشاكل
رؤيا:صباح النور
الكل:صباح النور
حسام(كيهضر حدا امين وعينو فرؤيا):نجبد على راسي المشاكل ههه مستاعد من دابا نخطبها ندير اي حاجة فسبيل هاد الزين كامل
رؤيا (شدات فيدين ياسين وكتهضر بشوية):حبيبي مالك مقلق هكا
ياسين(معصب وكيحاول يبرد زميقلبش ديك الطبلة ):رؤيا طلعي قدامي
رؤيا:مالك ..يالاه هبطت
ياسين(زير عليها فيدسها حتا تقطع فيهم الدم):دويت معاك طلعي ولا نهرس لمك داك الراس
حسام:مال الأخ ياكما كاين شي مشكل...لاش كتهضر معاها  بديك الطريقة
ياسين (كيجمع فيدو):ونتا اش دخلك
حسام(وقف قدامو ومزال كيشوف حيهت رؤيا ):ايه شكون نتا بسلامة شنو كيصحاب ليك راسك
ياسين(ضربو ضربة حتا رعف):هاديك يا ز*** راه مرتي ..نلقا مك كتشوف فيها شوفة وحدة نتقب ليك عينيك
امين:صافي ا صحبي تهدن ....حسام زيد طلع قدامي ..دويت معاك
حسام(شنق على ياسين):واش دختي ولا مالك  غا لي سخن عليه ك**  يگول ليك مرتي
ياسين(نزل عليه بالبونيات حتا طيحو وسط دماياتو مخلاش ليه الفرصة يرد دقتو):والله ونلقاك كدور هنا يا حتا نقتلك ومنعقلش عليك ...