اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هواي بنات يكولن نترك صلاة ونرجعلها لو يكولن اكوشي يمنعنه
فاليوم موضوعنه هو الصلاة ..
قبل منحجي بالصلاة خلي نعرف إحنه ليش نصلي اصلا ! أي احد اساله ليش تصلي يكول ( لان اذا مااصلي الله يذبني بالنار )
زين راح اسألكم سؤال وجاوبوا عليه بينكم وبين نفسكم نفرض ان ماكو نار ..تبقون تصلون ؟ شنو رايكم نغير جوابنا بخصوص هذا السؤال ... يعني اليسأل ليش تصلي ؟ نجاوبه ( لان اذا صليت الله ينطيني جنة ) بمكان مااكول ( لان اذا ماصليت الله يذبني بالنار )
الله موعذاب .. مو جحيم ولا عذاب قبر ولا هالاشياء الي حجوها النا من جنه صغار ... الله حب قبل ميكون عذاب .. رحمة قبل ميكون جحيم ... مثلا .. تخيلوا شخص عزيز عليكم يجي ينطيكم هدية .. اول شي راح تكلوله .. شكرا❤️ صح ؟ ...جاوبوني صح ؟💙اي صح
زين الله انطاني كل هالنعم يصير مااكله شكرا ؟ من باب رد الجميل يعني ! زين شلون اكله شكرا واوصله إمتناني؟ شلون اكله آني اشكرك يارب ع هالكون العظيم انت فعلا مبدع .. الصلاة هي شكر قبل متكون فريضة .. هي وعود قبل متكون واجبه ( اياك نعبد )❤️
نصلي لان الله يستاهل نصلي اله نصلي لان محتاجين نتنفس نصلي لان خجلانين شلون نرد جميل هالنعم نصلي لان محتاجين سعادة ..لان محتاجين جنة تعوضنا عن جحيم الدنيا نصلي لان نحب الله💙 واحد يسأل .. اني اصلي واكطع اصلي واكطع او يكول آني اريد اصلي بس اكو شي بداخلي يمنعني ! كلما اكوم اتردد وارجع هيج احس شي يكلي لتصلي!
زين اخي العزيز💙 ما لاحظت شكد حظك ماكاعد؟ ونفسيتك دوم تعبانه! وشتسوي ميصير؟ ودومك ضايج ! تحس وجودك بالدنيا زايد بس تصرف اوكسجين بالخالي بلاش؟ تدري ليش؟ اني اكلك ليش ... الصلاة هي السبب! صدكني اخي روحك بدون الصلاة متسوى ذرة تراب ..
اذا تريد تحس بنفسك مرتاح #صلي اذا تريد ذاكرتك تقوه #صلي اذا تريد حظك يكعد #صلي اذا تريد تكون محبوب بين الناس #صلي
يعني انت تقبل تتصل ع صديقك ويظل كل دقيقة يكطعه ؟ هو يسمعك زين وعنده شبكة قوية بس هيج عبث يكطعه! اكيد متقبل وتضوج .. زين شحال وي ربك!❤️ تخيل الله شكد يفرح من تكوم تصلي .. ويخليلك مكان تصلي بي ورا صاحب الزمان جماعة .. وثاني يوم يلكي مكانك خالي💔 تخيل يباهي بيك الملائكة ويتفاخر بيك ويكلهم شوفوا عبدي اليوم كام صلى لان يحب يصلي ..💙 ثاني يوم ميلكاك! تجي الملائكة تكول لرب العالمين ها وينه؟ الله يكلهم هسه شويه ويجي💔 وتخلص الشويه ومتجي وتسأل الملائكة ها شو مابيّن؟ ويكلهم رب العالمين لا هسه بس يخلص اللي بيده يجي💔 ويخلص اللي بيدك ومتجي... وتسافر وتطلع وتلبس وتتونس بس وكت الصلاة .. نعسان..تعبان.. احس شي ميخليني اصلي ..💔لايااخي ماكو شي ميخليك تصلي واذا اكو ف هو شيطانك اللي كام يتحكم بيك بكيفه ! نفرغ لكلشي ونسوي وقت لكلشي بس من تجي يم الله النعاس يطلع والتعب يطلع واللمبالاة تطلع! ببساطة لان احنه مماخذين الله بعين الاعتبار الحقيقي وماحاسبيله حساب يستحقه.. 💙
اليوم عندي مقابلة عمل والموعد بفلان ساعة بفلان مكان والموعد مهم ومتوقفة عليه هواي اشيا۽ وماممكن نضيعة
راح نشوف نفسنه قبل اسبوع نحضرله ونحاول نرتب مواعيدنا واشغالنا لاجل نلتزم بموعد المقابله ونروح بالوقت المطلوب للمكان المطلوب. وبالتالي يمكن تنجح المقابله ويتم المشروع وممكن العكس ..
زين ليش منحسب لله هيج حساب💙؟ رب العالمين فاتحلنه المجال علۍ مدار 24 ساعه باليوم بس اكو اوقات كاللنه اذا تجون بهيج وقت راح تحصلون هدايا اعظم ... اللي هي الصلاة بعيداً عن ان هي واجب.. بس هي اقل شي ممكن نقدمه لرب العالمين من باب رد الجميل ع هالنعم اللي انعم بيها علينه💙
تتعب وتتاذۍ من الناس باليوم الف مره وتنشغل وتصير وياك اشيا۽ ممكن تضوجك بس رغم ذلك الله انطاك وقت محدد يكون محطة استراحة من شقا۽ اليوم! من الاذية ومن كل التعب💜
شايف ركضتنه للموبايل من يتصل علينا احد؟ لونركضها لرب العالمين من يتصل علينا جان وصلنا للملكوت هسه!
يكول الله اكبر ...منرد يرجع يكول الله اكبر .. نغلس
اشهد ان لا اله الا الله .. نسوي روحنه منسمع يرجع يعيدها اشهد ان لا اله الا الله ...وهم نفس الشي
اشهد ان محمد رسول الله! يمعود ..كوم ..انت عبدي ..اني منتظرك.. اريد ازيل عنك. كل همومك ! وماكو💔
