اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
واحد يسأل يعني شنو أخلاق الله تعالىٰ؟!! 🤔
أخلاق الله تعالىٰ يعني اسماء الله الحسنىٰ .. الرحمـٰن ، الرحيم ، الملك ، القدوس ، العليم ، الشكور ، المُبدع ، المصور ، المؤمن ، المُحيي ، المميت ، الحق ، القوي .. إلىٰ نهاية الـ ٩٩ اسم اللي نعرفهن.🤓
في حديث عن رسول الله 'صلىٰ الله عليه وآله' أن لله أربعة آلاف اسمًا ، ألف لا يعلمها إلاّ هوَ ، وألف الله وملائكته ، وألف الله وملائكته ورسله ، وألف المؤمنون ثلاثمئة منها في التوراة وثلاثمئة في الإنجيل وثلاثمئة في الزبور ومئة في القرآن منها تسعة وتسعون اسمًا ظاهرًا وواحدًا مكتوم .. إلىٰ نهاية الحديث.🙂
المهم.. 😁
من الأسماء اللي ما نگدر نتخلق بيها هيَ اللي تكون خاصة لله تعالىٰ وصفاته مثل الفاطر والبديع والمصور والمحيي والمميت.. اسماء تكون واضحه من واحد يقراها يعرف هالاسم خاص لله تعالىٰ.
اما اللي نتخلق بيها مثل الرحيم والشكور والمؤمن والصبور والتواب وغيرها..
ناخذ احد الصفات ونتبعها مثلًا التوبة والصفح، رب العالمين تواب يتوب عن المذنبين مو؟ تگدر تكون تواب! 😇 مثلًا صديقك أخطأ بحقك واساء الك وبعد فترة رجع واعتذر منك بهل اللحظه تخلق بأخلاق الله تعالىٰ وكُن تواب .. القلب السليم بسهوله يگدر يتخلق بأخلاق الله تعالىٰ لأنه يعمر بطاعة الله خالي من الغل والحقد ، يقابله القلب المريض اللي يمكن أن يُخرب ف يصير نقيض للي يعمر بطاعة الله - عز وجل - من الأسباب اللي تخرب القلوب أو تخليها قلوب مريضه هوَ الحقد ويكون أشد الأمراض الروحية فتكًا لأنه سبب ب قسوة القلب وفساده لذلك نشوف البعض يتأخر يلّا يسامح ويغفر عن المسيء بحجة التعذيب النفسي .. ف شلون يتخلق بصفه الصفح والعفو وهوَ مُبتلىٰ بمرض الحقد؟ 💔 الحل شنو؟ يحاول ويحرص حتىٰ ينزع الغل من قلبه حتىٰ يكون مخلص لله وبالتالي إخلاص القلب هوَ ثمرة سلامة القلب .. القلب السليم يگدر يخلص وإذا اخلص تخلق. 🌸✨ من نقرا بدُعاء كُميل عبارة ' يا سريع الرضا'.. زين يا سريع الرضا أين؟ وأنت بطيئ الرضا! 🤦🏻♀ رب العالمين يتقبل المسيئ ويغفر ذنوب التائب وأنت شنو؟ 🤷🏻♀ ذنوبنا وزلاتنا ومعاصينه اللي كل مره نگول بيها آخر مره وماتنعاد يغفرها النه وهوَ يدري هاي مو آخر مره وراح تتكرر ومع ذلك نلگه المسامحه والعفو ،✨ بس من توصل النه وبسبب خطأ يسببه شخص بحقنه ننسىٰ إيجابياته ووكفاته ونركز علىٰ سلبية اللي سواها ويانه. ☹️💔 ليييش؟ ليش ما نتخلق بأبسط شي هسه وهوَ الصفح والعفو شنو نخسر وشنو ينقص من قيمتنه إذا سامحنه وغفرنه؟
رسول الله اللي هوَ قدوة النه مو المفروض نتبع خطاه؟ من دخل مكة والبعض طلبوا منه العفو والمسامحه رغم الأذيه اللي صدرت منهم بشنو قابلهم؟ اذهبوا فأنتم الطلقاء..
ختامًا إذا أنت تريد تكون مُتخلقًا بأخلاق الله - عز وجل - تخلق بهذا الأسماء وتفكر بها.🦋🌿
