اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تذكرون من چنتوا بالأبتدائية ومن ينطوكم أملاء لو فد أمتحان ومتقروا وتاخذون درجه مو زينه تضلون محتارين وخايفين من اهلكم وتضلون تهمون بالعقاب أكثر من درجتكم الموزينه وتضلون تلّومون بنفسكم وتوبخوها الطريق كله ليش مقريت كون مطالع بالشارع لو مركز ومن هالحچي تضل تحچي وي نفسك لحد متلگه نفسك گدام الباب تبدي تمهد بالحچي الهم حتىٰ بلكي يخف العقاب لو ميصيحون عليك وتضل توعدهم انو تقرا وتاخذ ١٠ بالمره الچايه و تضل كل شويه وتگول والله مااعيدها وراح اقرا ومااكررها وينطوك فرصه وتبقى انت ونفسك يا أما تلتزم شويه وبعدها ترجع نفس قبل وهم والله مااعيدها وترجع أو تلتزم يعني تلتزم وكلمه رجال منك وصدك متعيدها ..
أحنه هيچ وي الله هم من نذنب نچي ومنزلين راسنه فشلانيين من نفسنه ومن دكتنه گدامه هوَ يدري بينه ويدري بذنبنه وشافانه بالوقت اللي سويناه عكس من تجي وتمهد وتدرب بالحچي من تروح لأهلك ، ومع ذلك تسوي الذنب وتخلص وبعدها يبدي الضمير الباطن يشتغل ، ليش سويت هيچ !! مااستحيت من ربك كدامه وتعصيه !! بيا وچه توكف تصلي وانت خليت ابليس يتشمت ؟!!
اكو محل دخل اله ام وطفلها .. الطفل راد فد عصير معين من الثلاجه ابو المحل گله ماكو مخلص هالنوع الطفل عاند ودك رجل بالگاع اله هوَ، الأمايه احتارت وياه تنطيه چبس ميقبل نستله ، ككو ،حليب وغيره وهوَ معبس ميريد اله العصير اللي اباله وهيَ الثلاجه فارغه مبيها وضل يعيط علىٰ امه انتِ متردين تشتريلي انتِ متحبيني وهيَ تسكت بيه وتفهمه وهوَ راسه يابس اله يحصل اللي رايده ..
الطفل بيمن يذكرك ؟ يذكرك بنفسك مو ! وبعلاقتك وي منو !! بعلاقتك وي الله ، صح !!
من تطلب شي وميجيك تبقىٰ تتشكىٰ وتبچي ودك وتلطم وانت متصور عايفك ؟!!!! وليش ميحققلي رغبتي رغم هوَ بكل الطرق يگلك الثلاجة فارغة انت اللي راسك يابس ، يحاول يقنعك الحياة بيها هواية محلات راح نمّر عليها بيها هواي ثلاجات مليانه وانت بعدك مستعجل ! يبقىٰ يكلك انتظر ، انتظر مو هسه ، مو الشخص المناسب ، مو الشغل المناسب ، مو الوكت المناسب..
يحاول يفهمك وانت تبقىٰ معاند ، وخاصه اكو بينه يگول دخيلك ربي تنطي الموزين وتوفرله كلشي وحظه يخبل واني لاا ليش شناقصني عنه شو اصلي واسوي الاعمال وزين ومامسوي ذنوب مثله ومع ذلك ما تنطيني ، تدرون هاي شنو! هاي اسمها سوء الظن بالله وكلش غلط هيچ نفكر ، الله سبحانه مستحيل يرجع شخص خايب من حضرته ماعنده كلمه لا لعبده دائمًا يجاوبنه بأنتظر لو أنتظر شويه ، لو راح انطيك واغرگك بالطافي بس انتظر ، هوَ اعرف بالمناسب النه واعرف بمصلحتنه اكثر من نفسنه ،
علىٰ رغم ذنوبنا و سوء خُلقنا ودگاتنه السوده و مصايبنه ويّ الناس وعيوبنه كل ذني والله يحبّنا ، الله يحبّنا بقمه ذبولنا ونكرانه لنعمه ، الله يحبنا بكل حالاتنا 💚 الله يحبنا بكل مره يدور البلاء علينا ونرجعله نرتب الدعاء بشكل ملعثم ، يحبنا لأنه ما يريد نبعد عنه.💚
