اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
السلام عليكم ورحمة الله وبركاته🌸🌱 ❤اني طالبه جامعه مرحلة ثالثة كنت مالبس العبايه في الحرم الجامعي بس چان لبسي محتشم مبي شي يعني البس فساتين عريضة وتنورات بس الصراحة مجنت مرتاحة بيهم هلكد اني من صغري جنت البس عبايه وحتى من اوصل لحرم الجامعه انزعهة,يعني بلشارع لابستهة وهوايه نصحوني على العبايه ولبسيهة جانت حجتي انو تقيدني وحارة مااكدر بلدوام البسهة مجنت استمع لاي احد واكول ذني شلون يلبسن عبايه بلدوام الا ان السنة بعطله كمت البس العبايه يومية واباوع على نفسي بلمراية وكأنوا اول مرة البسهة من اباوع على نفسي كأني ملاك جميل جدا❤ فكلت راح افرح قلب صاحب الزمان والزهراء ع بلبسي للعباية 💙والحمدلله تشجعت من هوايه ناس,وخاصة ابوية وصديقتي فاطمة💜شفت انو لبس الدنية كلهة والموديلات الملابس والالوان لاشئ بلنسبة للعبايه فعلا ستر وتحافظ على البنية والعبايه مقدسة كلش واتمنة من كل البنات انو يلبسوهة وراح يشووفون التوفيقات والراحة اللي راح تجي بسببهة 🌸🌱واني راح يكون السنة اول سنة مهدويه الي واول سنة دخولي للحرم الجامعي بأرث أمي الزهراء العباءة💚والعباءة لاتقيد ولاشي بلعكس العبايه تحافظ على البنية من نظرة الشباب الهة العباءة شي مقدس السيدة زينب ع 💔أسيرة من كربلاء الى الشام وهي لابسه عبايتهة وچان العدو متعمد يهز الناقه اللي صاعدة عليهة السيدة زينب ع 💔علمود يوكع عبايتهة المقدسة فهي عليه السلام عافت كلشي ولزمت عبايتهة بكل قوتهة هاي رساله النةمن السيدة زينب ع انو باصعب المواقف ظلت محافظة على العباءة وكذلك العباءةالهة قيمتهة اتمنة من كل اللي تلبس عبايه تنطيهة قيمتهة يعني تنتبه على مشيتهة وتصرفاتهة واخلاقهة وصوتهة وكعدتهة لان ميجتمع وي العبايه الاخلاق المحلوة والمكياج بهيج شي اني ساءت للعبايه اللي هي أرث أمنة الزهراء ع والسيدة زينب ع💛اذا كنتي تحبين الحسين ع فلبسي العباءة من اجله واقول للشابه من دون العباءة لاتستطعين الدخول الى حرمه فكيف تستطعين الدخول الى قلبه💙أدعولي احبتي بدوام التوفيق في كل حياتي.
