اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حوار مع ابليس...👿
-لا تروح للزيارة 🙅♀️
-اعوذ بالله من الشيطان الرجيم 👺!!!
💭- حبيبي لا تفهمني غلط😇 ... ، قصدي مرة وحدة عاند روحك💪 ولا تروح للزيارة . الشعيرة ما ظلت عليك ، اطعام الفقراء واتقان عملك وقضاء حوائج الناس هاي افضل العبادات.👍
💭- انا اقتنعت بس عندي سؤال من جنابك.
💭- لنفرض هواي زوار يحيون الشعيرة وما ظلت علي. وبقت الشعيرة حية بس نفسي الميتة من الذنوب اللي ما تحس ولا تتفاعل لا مع الصلاة ولا مع القران منو يحيها . بعدين هو منو يحيي منو . الشعيرة هية تحيينا مو العكس.
💭- ولنفرض اشوف الفقير يخدم وينطي من قوت أولاده للزوار ، وانا ما انطي شي من نفسي ومالي ، اوفرهن للفقراء على كولتك . هو منو يمشي للحسين اكثر من الفقراء. عمري ما سمعت مال نقص بالانفاق لوجه الله ولضيافة الزوار.
💭- ولنفرض عندي شغل مهم والعمل عبادة وما اروح للزيارة . انت اذا كاتلتك العبادة ، السنة 365 يوم خلي يومين منهن لربي والباقي للعمل ، خو ما يطير .بعدين ما سامع ( وحدة لربي ووحدة لكلبي ) الزيارة اثنينهن ( رضى ربي وراحة كلبي ) بعدين تعال حتى جماعتك اللادينين بالصين يعطلون اكثر من 20 يوم بعيد العمال السنوي شمعنى احنا لا ؟
💭- ولنفرض قصدك قضاء حوائج الناس وهي افضل عبادة على كولتك . هذول الزوار مو ناس ؟ هذول حاجتهم وغايتهم ورضى نفوسهم يوصلون لرحاب الحسين واطعامهم واكرامهم وقضاء حوائجهم لوجه الله وحبا برسول الله اكيد شي عظيم🌸🌸. بعدين هو منو بهذل الناس غيرك وطلعهم من الجنة .
بعدين تعال 😐، انا جربتك ولا مرة دليتني على الزينات🙄 ، من ورطة لورطة وحتى من تغطس واحد بالمعاصي وتصخم وجهه بس يتذكر الحسين ينشرح كلبه والدموع تبيض وتغسل وجهه 🥺ويرجع لساحة الرحمة وهذه تجربة عايشينها .
بعدين الله هو خلق انبياء واوصياء ورفع قدرهم 🤩وامرنا ان نعظمهم وحتى نصلي عليهم بصلاتنا يوميا. وانت مرة وحدة ما صليت ولا سجدت لادم كان الأولى بيك الطاعة وتعظيم قدرهم وتعوف شطارتك وتفلسفك وقياسك للامور هذا من طين وهذا من نار. طلعتنا من جنة السما وتريد تفلسنا من جنة الأرض ضريح الحسين ع. 💎
عموما ، من رخصتك جاي احضر ملابسي😌🥰 اريد اطلع للزيارة شجيبلك وياي تربة ؟ لو دهينة 😉، مو حسبالك سمعتك مقتنع بيك ، انا كلت اسولف وياك بلكي انت تقتنع وتجي وياي للزيارة ، صدكني لو مرة وحدة تدخل كربلاء وتفتح كلبك كان تعلمت التسليم والطاعة من مدرسة أبو فاضل.♥️♥️
ها شكلت 🤨؟ ليش ما تلعن ابليسك و تجي وياي ، ها العفو نسيت انت ابليس😁 .
