اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
👇👇الموضوع هو الكلام مع الشباب الملتزمين المهدوين وبالفترة الأخيرة اجت اراء على ان الكلام اذا كان بحدود المنطق والدين والعقيدة هو عادي ومسموح ومابيه اشكال وعلى تعبير وحدة من البنات واذا عادي لا تعقدون البنات
الموضوع هنا صار شكر وملح والتبست السالفة بسب تشابه وتضليل الشيطان قد يكون الكلام سليم صحيح نافع هادف مثمر ناجح مبدع. ولكن بأي صورة تم تم من خلال اختلاء الشاب مع البنت خلف شاشات الكيبورد.السؤال هنا هل انتي مضطرة لهذا الشي يعني العقيدة والدين والامام المهدي والتغيير نحو الاحسن ماتعرفين تاديها الا بالصورة هاي الامام علي عليه السلام الامام زين العابدين عليه السلام وغيرهم من الائمة المعصومين بس ذوله حضروني اكثر يكولون ان نفسي لامارة بالسؤء وهم معصومين وانتي الفتاة البسيطة اكولين اكدر اسيطر على نفسي وعادي زلاطة السالفة عندي اذا كان صدق كلامج والسوالف متأثر تعالي فسريلي هاي النقاط :👇👇👇😒 ١ ليش اتاثرت بيه بصورة اسرع من تاثرج بالبنية اذا حجت
٢ ليش ماكلتي عليه عود صاير شيخ براسي مثل ماتكولين على البنية لتحجي وترشدج وانتي تكولين شيخة براسي او مرات يدخلج حالة من الغرور منها والكره البسيط المنفعل
٣ ليش تتحمسين للكلام اليحجي ويتم تطبيقه على الفور بدون ما تطالبين بمصادر للكلام او سؤال ان منين جايبه هالكلام عندك دليل
٤ ليش من تختلين او تتأملين مع نفسج يخطر على بالج
٥ ليش تفكرين اي شلون انسان شكد حلو واحد يرتبط بيهج انسان مثقف و واعي حتى اسرته تكون مباركة
٦القائمة تطول ب ليش وليش اذا الانسان ذو البصيرة ينتبه ان هذه مصيدة للشيطان ولكن من نوع مطور
وهو العمل على اطاعة الله من حيث يعصئ هو انتي صح تطعين الله بس كليلي شنو النية لدفعتة هل هو حب لله ام امتثالا لنصائح هذا الشاب المؤمن
ثم الجانب الاهم ان سهم المهدوي نحو الامام المهدي يكون اقوى واغرز من سهم الانسان الغير ملتزم. شلون؟
هسه افترضي شركة رئيس ولجنة تنفيذ ومدير تنفيذ وموظفين عاديين الرئيس يتأذه من خيانة لجنة تنفيذ لو من الموظفين العاديين؟ انتي جاوبي روحج. وراح اكلج احنه لجنة تنفيذ على اعتبار نعرف الاحكام فنحاول نفذهن
ثم اذا على مواقع التواصل وبحياتج الشخصية تنادين وتتكلمين وتنشرين عن السيدات فاطمة زينب مريم خديجة ام البنين رقية سكينة تكتم نجمة نرجس رباب رملة ليلئ ام كلثوم... وغيرهن من السيدات الجليلات هل كانوا يخالطون بكلام مع الرجال؟ طبعا لا اذ تردين انتماء و ولاء الهن وطلب شفاعة ومحبة منهن غير تسيرين عن نهجهن وتجاهدين نفسج خوما تردين ذني الكرامات من غير مقابل تلك اذا قسمة ضيزى
زينه احنه شموصلنه ذني نساء جليلات مطهرات احنه ناس عادية؟ راح اجاوبج ذني اعضم لو خاتم النبيين محمد صل الله عليه وآله وسلم ؟ النبي اعضم هو ابنته فاطمة
لعد ليش القرآن الكريم كال ولكم في الرسول اسوة حسنة
شموصلنه للنبي! اسوة معناها قدوة يعني شوفوه شنو يسوي سيروا على آثاره زين من عندج هيج نساء جليلات غير تسيرين ع على آثارهن! راجعي النبي واحادثيه عن اسلوب المعاملة والاختلاط بين الرجل والمرأة وشوفي
فالكلام بين الشاب والبنت بالحدود والدين مثل ما انتشر يصير واذا يشبه سالفة التشابه بين الشكر والملح وما كدر يميزها غير ٢٠ ٪من اهل البصيرة
وله البقية محججين ان عادي واذا
نجي على الزبدة الامام المهدي عليه السلام👇👇👇👇 وحده تناقش تكول مابيها شي نتناقش ويه الشاب علمود نشر القضية المهدوية وكل كلام قال الامام المهدي تعاليم الامام المهدي وين المشكلة هنا يا زينه؟
راح اجاوبج ان اذا تراجعين وتركزين بقصة التقاء ابو السيد السيستاني بالامام المهدي ابو السيد السيستاني بقة أربعين جمعة يتعبد وينتظر الامام واعمال شاقة وغيرها وماكو الامام اخر جمعة شاف اكو جنازة ل مرأة ويمها نور قوي ركض نحوه سمع الامام يكله ليش تتعب وتدورني سوي مثل هالمرأة واني اجيك شخصيا كله مولاي شمسوية كال جان حاكمهم ظالم منع ارتداء الحجاب فهي بقت حبيسة الدار حتى مايشوفوها الأجانب عليها بدون حجاب لذلك اني اجيت احضرها بلحظة موتها
