اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صحوة مَحب. " اصحة "
الآن وبأيام رمضان خلي ناخذ من وقتنة للتفكير بأعمالنة ..! فرصة حتى نغير مجرى تفكيرنة والذنوب ..
لشوكت نبقى بغفلة وبعد عن الله واهل البيت عليهم سلام ؟! مناوين نصحة صحوة مَحب لله واهل البيت عليهم سلام .. مناوين ؟!
نتأخر ع الصلاة ونگول يلة بس خمس دقائق متاثر ها بس خل اشوف هاي صورة لا خل اشوف هاي رسالة وارد واصلي ! مخلين كلشي اولى من الصلاة والي هية لازم تكون من اولوياتنة بس احنة شجاي نسوي ؟!
الأمام الحسين (ع) هجوم الاعداء والسهام من كل جهات وما ترك صلاتة. زين مو لازم نتأمل ونفكر بهذهِ الدروس ونتأمل بيها ونشوف احنة شنو جاي نسوي خلو ابالكم لمن. تاخر صلاتك مو بس انت تتاذة انت دتغضب رب العالمين وتأذي الحسين ع وتاذي فاطمة الزهراء ع .... ف خل نسئل سؤال اهنا انت تقبل تأذي الائمة الي ضحو من أجلكم ؟!!! اذا متقبل ومراضي ع نفسك زين شنو المفروض سوي هسة مو لازم تاخذ قرار قوي وبارادة وعَزيمة وتستمر بقرارك انه بعد متبقى على هل حالة لازم تتغير لأجل نفسك لأجل رضى الله واهل البيت عليهم سلام
الكل متفق اكو منقذ آخر الزمان ، وهو المهدي المنتضٰر _عجل الله فرجه_
من راح يضهر الأمام ويباوعلچ انتِ او انت ويگلگم لماذا آذيتموني ؟! ويدير وجهة وياخذ شيعتة ويروح ..
الي كان يسمع اغاني طول عمرة وما مهتم لا برضى الله ولا صاحب الزمان وكان بغفلة بحجة والله ما اگدر اتركها .... زين من يتركم الامام ويروح هاي تگدرون تتحملوهة ؟! ومثلآ الاغاني راح تجي تگلكم اني اشفعلكم ؟!
الي عندهم علاقات محرمة ومخلصيهة ضحك وسوالف ليل ونهار گلولي بذاك الوكت راح تجي هل امور وتشفعلكم ؟!!!
بذاك الوكت منو يشفعلنا اذا بقينا نتاخر بصلاة ونسمع اغاني وغيبة و وعلاقات هاي الذنوب الي سويناها راح تشفعلنا ..؟
بينما البنت الفاطمية والشاب ايضآ الي ما استسلمو وجاهدو انفسهم وكل ما يوگعون بذنب ما يستسلمون ويگولون خلص بعد اني ما افيد وما اگدر لا يبقون يحاولون وبقوة ويتوسلون بأهل البيت عليهم سلام حتى يساعدوهم واهل البيت ميقصرون حاشا ...هذولي راح تجي فاطمة الزهراء وتشفعلهم راح تگول ما اذوني نصروني حاربو على الي ضدي والخ ..
انتو تخيلو فاطمة الزهراء وصاحب الزمان يكونون سعداء بسببكم ويمدحوكم احنة لمن نسوي عمل زينة گدام اهلنة او ناخذ درجة عالية بأمتحان ويمدحونة اهلنة شكد نفرح ونحس مسوين انجاز فكيف اذا مدحتنا فاطمة الزهراء ع فكيف اذا صاحب الزمان يمدح بينة كيف اذا الحسين يمدح بينة ..شگدها راح تكون فرحتنة ؟
لشوكت نبقى هيج ؟ منتضرين تكبرون وها عود اتوب ليش منو ضامن عمرة بهل زمن وع ساعة نموت بذاك الوكت شنگول لله واهل البيت من يعاتبونة ؟؟ تگولون ردنة نتونس زين يفيدكم هذا شيء شتگولون ؟ من انموت خلص بعد ماكو رجعة حتى نتوب ونسوي اعمال صالحة ونترك الذنوب .
الابنية الي تتبرج ومكياج والي تسمع اغاني والي تسوي علاقات و و الخ خل تتذكر السيدة زينب من راحت مسبية للشام ووكفت بسوك وعبايتها ما تحركت من مكانها خل تتذكر اصوات الاطفال وهما يبچون عطشانين خل تتذكر عين ابا الفضل العباس من طفت عينة بالسهم كل هذا علمودنة..وشوفوا احنة شلون دنجازيهم يطيج گلبج بعد اسمعين اغاني فكري زين ؟؟
الاغلب تركو هل امور برَمضان زين وبعد رمضان راح ترجعون نفس قبل ؟!! خلو رمضان والي بعد رمَضان نقطة بداية جديدة حياة جديدة تختلف عن الي فات صدگو الحياة مع الله واهل البيت فعلآ حياة 💙 تقربو وشوفو شلون حتلاحضون الفرق راح تشوفون راحة واطمئنان وسَكينة وسعادة متشوفونهن الة بالقرب من الله ...
بحيث لمن تسون ذنب راح تبجون وبحرگة وتحاسبون انفسكم خوفآ من انه هل ذنب يسلب منكم هل شعور ويبعدكم عن الله... رمضان افضل وقت نصحة بي ونگول لانفسنا كافي لعبنا واذنبنا اجة الوقت الي نحط بي حد لهاي الأمور ونحاسب انفسنا احنا اقوياء منخلي انفسنا تتحكم بينا ولا نخلي اغاني وامور تافه تغلبنة ...
شايفين لمن انت غرگان بالذنوب و الخ ...وتصحة تصير تحاول وتحاول حتى تنتصر ع نفسك وتتقرب لله وتشوف هل سعادة وشفتها وتحس بهذا الشعور شعور العشق والهيام بالله ....قبل الصحوة لمن كنا بغفلة نذنب ونسوي هواي امور باليوم بس حتى منلاحضهن وتمر الايام واحنة مندري بس لمن تصحة راح تكون اكثر مراقبة ومحاسبة لنفسك بحيث من تذنب تبجي وتخجل من الله يحترگ گلبگ تضل تفكر ليش ليش سويت هيج ..شوفو الفراق ؟
الشعور بالحزن والندم على اعمالنة السابقة والي سويناهن بسنين عمرنا الي فاتت هذا الشعور كلش محزن تضل تفكر وين چنت ليش سويت هيج وين چان بالي وبنفس الوقت يكون هذا الشعور نعمة لان عرفت ذنوبك والاخطاء الي جنت تسويهن وصحيت من الغفلة الي جنت بيها 💙
الحديث القدسي يكول مضمونه أنه " ياعبدي أفعل لي مااريد أفعل لكَ ماتريد"
من تحبون الله قولا وفعلا مو بس قولا راح تعيشون حياة غير .. من راح تطيعوا وتعبدوا وتحبوا وتخلوا يرضا عنكم ، انتو الي راح تحسون بالطمأنينة ..
رمَضان فرصة الي والكم كُلنة مقصرين وصار لازم نحط حد وحطو ابالكم مهما كانت اذنوبكم الله يستقبلكم مدام مشيتو بنية التوبة .ورحمة الله واسعة لتخلون الشيطان يخدعكم بغير هل كلام 💙🦋
