انتبهت على موضوع جدا مهم وهو :
في كل شهر محرم تبدي منشورات تنتشر تنتقد مثلا المكياج في المجالس او الي يحضرن للقراية حتى يبينن كشختهن لو على الاكل الثواب (وكأن الله اطلعنا على نوايا الناس ) وغيرها ماأنزل الله بها من سلطان ....
لكن لونجي نحكم عقولنا ونفكر احنا الشيعة اصحاب قضية صحيح الحسين موفقط للشيعة لكن الكلام من يتوجه مايتوجه للمسيحين او للسنة او لغيرهم يتوجه النا لان احنا الي معروف عنه نتبع الحسين (عليه السلام ) ونحيي مجالسه وشعائره فالمعادين النا يتحيننون الفرصة والزلل حتى يلزموها علينه لذلك لازم نكون نبهين شلون نتعامل وي اي ظاهرة وننظر لاثارها
فبينك وبين نفسك صحيح نشر مثل هكذا منشورات ؟
اذا نگول الله امرنا بلامر بالمعروف والنهي عن المنكر والدين دين نصيحة
فيجي شخص يجاوبنا : ومنو گلكم لاتامرون بلمعروف وتنهون عن المنكر ؟ بس الي اريد ابينه منو گلكم بهاي الطريقة يكون الامر والنهي؟ الله يگول للنبي (فبما رحمةٍ من الله لنت لهم ولو كنت فظاً غليظ القلب لانفضوا من حولك) [آل عمران: 159]
خل نخلي الف خط تحت (لانفضوا من حولك) قاعدة لازم نلتزم بيها ونلتفتلها لان مرات احنا مثل مانگول بالمثل الشائع (راد يكحلها عماها) الاسلوب جدا مهم ..
واذا نگول والله نريد ننتقد حقنا!
فيجي شخص يجاوبنا : ومنوگللكم لاتنتقدون من حق كل شخص ينتقد لكن من توصل القضية لقضية عظيمة مثل قضية الحسين ومواقع التواصل بي العالم كله واعداء هواي وشامتين هواي ينتظرون زلة فمامن حقك انه تتكلم على خدام الحسين وتطيهم ثغرة يتشمون بكل الخدام وبكل الشيعة بسبب (البعض) ! بهاي انت مااحييت الشعائر وانما حاولت تسيئ الها وما شفيت جرح صاحب الزمان وواسيته وانما زدت وهيجت جرحه لاوالله جروحه 💔
والحل شلون؟!
الحل انه نأمر بالمعروف وننهي عن المنكر وننتقد لكن بصورة حضارية نقد بناء بإسلوب ومن غير تعميم والافضل من ذلك بصورة غير مباشرة لان احنا ننشر بمواقع عالمية وبيها مختلف الديانات والمذاهب
مثلا بدل ماننشر ( على ظاهرة المكياج بالمجالس ) نتفق وي قارئة العزاء انه تتكلم عن حرمة المكياج وسبب التحريم وكيف انه المتبرجة تجرح الزهراء عليها السلام وحفيدها المنتظر بصورة عامة موتتكلم على الي يجن للمجلس مكيجات مثلا ! يجوز بسبب هاي المحاضرة والاسلوب والادلة وبمجلس الحسين تشملها بركة الزهراء وقلبها يلين وتعتبر وتتأثر 💚 او بدل ذلك ننشر احاديث اهل البيت عليهم السلام عن التبرج او اقتباسات من محاضرات دينية وهكذا 🌸 ..
فبالنهاية الي اريد اوصله انه من ننشر منشور مثل هذا نهتم
١_بلاسلوب وتأثيره على المقابل المقصود
٢_ وعلى الطريقة الي نطرح بيها كأن تكون طريقتنا بالنشر غير مباشرة
والله خير موفق ومسدد وهادي
فاطمة الزهراء رضوي
أنت تقرأ
سنغدوا_رفاتا_ويبقى_الأثر سنبقى_رفاقا_ويبقى_الأثر
General Fictionسنغدوا_رفاتا_ويبقى_الأثر سنبقى_رفاقا_ويبقى_الأثر ليسَ كُل ماننشرُ لنا ولكنَ نحن نستفادُ وننشرُ لكم وفقكم الله
