اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#تكمله_موضوع_الصلاة
واحد يكول اني مااخشع بالصلاة شسوي ؟
الخشوع صحيح مطلوب بس الاحترام مطلوب اكثر .. شلون يعني .. يعني من تكول الله اكبر يعني خلاص انت احترمت اللي وكفت بين اديه ..من تركع .. عينك لتروح منا مناااا! عينك ع التربة ! متوديها يمنى لو يسرى ! من تقرة السوَر .. عينك عالتربة ... حركة اديك .. صوتك .. لازم باحترام وإجلال💙لان الواكف بين اديه خالق الكون!
صدكني حتى الحكة اللي تجيك بأثناء الصلاة هي من حركات ابليس وحتى المثاوب اليجيك بأثناء الصلاة من حركات ابليس وحتى ابو الغاز وابو النفط والدكتور العالجك قبل ٧ سنوات تذكرهم بأثناء الصلاة... حاجتك الضايعة تلكاها من تصلي .. التعريف الناسي تذكره من تصلي تدري ليش؟ لان ابليس ميقصر ! من يشوفك واكف تصلي يكوم يدك ويلطم! يحس نفسه خسر المعركة !يكوم كلشي يسوي حتى يلهيك .. لذلك انت لازم تكون متهيأ لكلشي وحاسب حساب .. من توكف تصلي مو مجرد ركوع وسجود ومع السلامة .. لا انت بجبهة .. انت بحرب💙ولازم انت التنتصر🌷 لان انت تستحق الجنة💙 شكد متعدل صلاتك تتعدل حياتك شكد متركض لصلاتك الله يركض لشغلاتك شكد متصلي راح تتقدم اكثر وتنجح اكثر وتتميز واكثر ...تصير محبوب بين الناس بدون متدري .. تتسهل امورك بدون متدري لدرجة تصفن تكول يربي اني شمسوي وهيج دتجازيني!
خلي نقطة أنطلاقك الصلاة وضوج عاللي لحد هسه ميصلون! ميعرفون شنو الله! ضايجين ويريدون يصيرون ملحدين💔
مو كل متدين معقد .. ولا كل اللي سهر حتى يقرا كتب ميحب النوم ولا كل اللي عاف الاغاني ميحب الونسة ولا كل اللي صانت نفسها لحد ميجي الحلال متعرف تحب ولا كل اللي ملتزمة بحجاب الزهراء من تطلع ومتخلي مكياج متعرف تتمكيج وتترتب💙
بس كلهم عرفوا طريق الصح ومشوا بي وهدفهم الجنة .. #وصاحب الهدف لاتهمه المُغريات?? ،،،،،،
