اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
" الشيطان يبوكَ الغالي "
الشيطان لمن يريد يبوكَ منك شي فيبوكَ الاشياء الثمينة ميبوكَ الرخيصة.. يبوك دينك يبوك اخلاقك يبوك منك الاوقات الثمينة الي بيهة ثواب جبير مثل ليلة الجمعة ليلة القدر وغيرها .. ولمن يحوم حولك الشيطان ويحاول يوكعك فتأكد انك ثمين جداً ومهم عند الله 💛 فيحاول يبوك منك اثمن الاشياء الي اتقربك الربك وهي " قلبك " فيدخل لهذا القلب ويحاول يلوثه علمود ميبقه يتناسب مع قدسية الله سبحانه وتعالى فيلوثه بالغيبة والجذب وترك الصلاة والغرور والتكبر والفواحش والاغاني ومشاهدة المقاطع الفاحشة والصور وغيرها ..فتأكد اذا راد يوكعك بهاي الطرق فانت قلبك نقي وثمين عند الله ولازم ما تنصاع اله ولسوالفه ..فبدلا من تحزن تشغل اغاني خلي بدالهة وضوء وصلاة وقراءة قراءن وسماع قراءن قصيدة انشودة اي شيء وبدلا من تشوف مقطع مخجل بدله مقطع بيه فايدة علمية دراسية ثقافية دينية اي شيء وبدلا من تكعد تجذب وتاخذ غيبة خلي كلامك مليء بالاخلاق وخلي كلامك بيه فايدة ورضا لله وثواب للسامعين وبدلا من ان تترك صلاتك حاول بكل قوتك ومهما كان وضعك النفسي او الجسدي مزين حاول اتصلي لان هي الصلاة حل لكل شي ولتكول اصير زين وأكوم اصلي لا صلي حتى تصير زين لان بعلم النفس يكولون " الشعور يأتي بعد الافعال وليس قبلها "وبدلا من ان تتكبر خليك متواضع لان"من تواضع لله رفعه" ..💛
