اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كثرة الكلام الشيخ بهجت العارفين شنو يگول؟
يگول (ما دام الانسان لا يجتنب من الامور العبثة واللغو في الكلام فإنه لا يتمكن ان يكون حاضر القلب وخاضعا في صلاته)
اخطر حاسة عدنه هي اللسان وهي سبب ان الانسان يتراجع روحيا كون اللسان هو الحاسة الوحيدة لتصدر معلومات والباقيات تكون مستلمات للمعلومات.
[ حتى تفهمون اكثر تابعو محاضرة دقائق صغيرة للشيخ حبيب الكاظمي اسمها متى نتكلم متى نسكت]
يعني حتى اذ الكلام لتحجوه مو حرام من الناحية الشرعية راح توكعون بمطبين الاول ان يكون هذا الكلام حلال ولكنه هذرمة مضيعة للوقت يعني كلام بدون فائدة❌ والثاني ان كلامكم راح يفقد اهميته وصداه🤔 يعني... وين واحد يحجي وياج ديديديدي اربع وعشرين ساعة و وين واحد يحجي نص ساعة منو راح يشد اهتمامج حتى تسمعيله ابو اربع وعشرين ساعة ملانه منه 😪 اما ابو لنص ساعة هذا حتما اكو شي مهم لذلك اجة وتكلم لذلك يكون كلامكم مفيد واله صداه بنفس المقابل 👍 الشيخ بهجت من يحجي افتحوا اذنكم وعينكم وعقلكم لانه بهجت العارفين واقرو عنه لذلك هيج كلمات اكتبوها بدفتر الملاحظات الخاص بيكم وطبقوها
وابحثوا باليوتيوب مقاطع محاضرات قصيرة بس بيها فائدة تره ماكو اغلى من الوقت تدرون مرة سمعت او قريت كلام يكول الإنسان يعاني حسرة بيوم القيامة من يجيبون ساعات عمره لخلصهن عبث يعني لا بالحرام ولا بالحلال انما خلصهن عبثا وبدون فائدة هنا يصير الانسان يتحسر على ان يرجع ويسوي بهاي الساعة كذا عمل كذا مبادرة كذا فكرة💔
خلي اسولفلكم شي ذاك اليوم الله وفقنا ورحنا للنجف دخلنه للمقبرة ورحنا لاجدادي وخالتي الله يرحمهم
لفت انتباهي شي جنت مدنكة المس بالتراب انو هنا نهايتي هنا بيتي
جان اشوف نمل فارسي جبير وخنفسانه يطلع من قبر شويه تقربت بعدهن يطبن ويطلعن من القبر اتذكرت كلام يكول الكبر بيت الدود وبوحشته يضيگ باوعت على القبر محد يمه ولا احد بحاله مجرد طابوك مصفط ماتدري هل هذا القبر حفرة من حفر النار لو روضة من رياض الجنة☘ محد يشعر بيه بس عمله الصالح مرافقه ف احنه البشر عجيبين ننطي اهمية للناس لهمة ما راح يساعدونه ولا راح يدخلون القبر ويانه ننطيهم وقتنا وانتباهنه فلان حجة فلان كال فلان راح فلان اجة فلان اشتره فلان سافر ونضيع وقتنه علمودهم ونغفل عن المرافق الحقيقي النا وهو عملنا الصالح🌿 نصيحة
انتبهوا علىٰ وقتكم وعلىٰ انتباهكم المن تنطونه اني مااعرف شلون الانسان يكعد ويستقر بضل هاي الظروف سبحان الله كلما نبتعد عن الامام المهدي عج الله يدزلنه اشارات قوية حتى نصلح انفسنا ويكللنه اكو امام منتظركم الامام المهدي يقول انما امرنا بغتة
عيشو هالجملة وركضو لحياتكم صلحوها ولونو بيها🎨 خلوها تليق بانتظار صاحب الزمان اني لاجد ريح يوسف ☘ مااعرف بس اذا ختليتو ويه نفسكم يوم او يومين وتاملتوا الأحداث على الروايات تلكون انو احنه غافلين عن قول الامام المهدي انما امرنا بغتة بغتة خلوها بالكم وقتها ماراح تنطون نص دقيقة من وقتكم لفلان وفلانة...
