Unicode
"အနီ က ရှင့်ကိုပဲ ကြိုက်တာ "
"ဘာ!!"
"အံ့ဩသလို ဟန်ဆောင်မနေပါနဲ့ သိပြီးသားမှလား မသိသေးရင်လည်း အခု သိလိုက်လို့ရပြီ
နောက်ကို အနီ့ ကို တခြားသူနဲ့ ပေးစားတာမျိုး မလုပ်နဲ့ အနီ့ကို ရှေ့မှာထားပြီး တခြားသူဆီ စိတ်ရောက်နေတာမျိုးလည်း မလုပ်နဲ့ .ဒါက အနီ. အမိန့်ပေးတာနော် "
အနီ့ ကို ငေးကြည့်လာတဲ့ ပြူးကြောင်ကြောင် အကြည့်တွေက သဘောကျချင်စရာ၊ ခပ်ဟဟ နှုတ်ခမ်းလုံးလုံးတွေကလည်း စိတ်ရှိလက်ရှိ နမ်းရှ်ိုက်လိုက်ပစ် ချင်စရာ ၊ အနီ ကတော့ စိတ်ရှည်တဲ့သူမို့ လစ်လျူရှုထားလိုက်နိုင်ပေမယ့် ၊ သူမကို အလုံးစုံ ပိုင်ဆိုင်ရပြီဆိုတဲ့အချိန်ကျရင်တော့ လို့ တော့ မှတ်ထားလိုက်သည် ။ အဲ့ဒီအချိန်ထိလည်း အနီစောင့်နိုင်ပါသည် ။ အနီက စိတ်မရှည်တတ်ပေမယ့်လို့ပေါ့ ။
အနီ့ ကားလေးက တိတ်ဆိတ်စွာ ပြေးနေသည် ။
သူမ ကတော့ ထိုစာအုပ်ထုပ်ကိုသာ ခပ်တင်းတင်းပွေ့ဖက်လို့ ။ သူမ ကို လတ်တလော ဖွင့်ပြောထားတဲ့ အနီ့ရင်ခုန်သံတွေကတော့ အပြင်ကိုပင်ကြားနေရလောက် ကျယ်လောင်လွန်းနေသည် ။ Two ကတော့ တိတ်ဆိတ်လွန်းနေ၏ ။ ခင့်အကြောင်းပဲ တွေးနေတာဖြစ်မည်။
အနီ ဘယ်လိုလုပ်မှ သူမ အတွေးထဲက ခင့်နေရာကို အစားယူနိုင်မလဲလို့ တွေးရင်းနဲ့ ရင်ခုန်သံတွေပါ ငြိမ်သက်သွားတော့ အရင်လိုပဲ တိတ်ဆိတ်သွားပြန်သည် ။အနီတို့အိမ်ထဲအထိ ရောက်လာပြီး အခန်းရှေ့ ရောက်သည်အထိ သူမက တိတ်ဆိတ်နေသေးတာကို အနီကပဲ မနေတတ်ဖြစ်နေရပြန်၏ ။
"Good Night . Two "
"အင်း .. "
"ဒါပဲလား .. "
အခန်းထဲ ဝင်ခါနီး တံခါးဖွင့်နေပြီးမှ စကားရှည်နေတဲ့ အနီ့ကို စိတ်မရှည်ဟန် အကြည့်နဲ့ ပြန်လှည့်ကြည့်သည် ။
"အနီ့ အခန်းမှာ မီးလုံးပျက်နေလို့ .. အဲ့ဒါ
အနီက မှောင်မည်းနေရင် မအိပ်တတ်ဘူး "
"ဟုတ်လား .. လာပြင်ပေးရမလား
အရင်အိမ်မှာ နေတုန်းက မီးတွေ ကိုယ့်ဘာသာပဲ ပြင်ရတာ"
