Unicode
အနီ ကတော့ ကိုမြတ်အတွက် ဆိုတာ သေချာတဲ့ အဖြေဟုတ်ရဲ့လားဆိုတာ သူမ ကိုယ်တိုင်တောင်မသိပေ ။ လောလောဆယ်တော့ နွယ့် ကို ဖြေဖို့ရာအတွက် အကြောင်းပြချက်ကောင်းကောင်းလေးတစ်ခု ဖြစ်သွားရသည်ပဲ လုံလောက်ပါ၏။
"ဟော . Two နိုးလာပြီလား "
နွယ့်အသံကြားမှ လှည့်ကြည့်လိုက်တော့ Two
ဆံပင်စုတ်ဖွားက နဖူးပေါ်မှာ ဆံပင်တွေက စိုလက်စ မို့ အခုမှ မျက်နှာသစ်ပြီး ဆင်းခဲ့ဟန် တူသည် ။ မိတ်ကပ် မပါတဲ့ မျက်နှာလေး ကို မြင်ရတာ အနီ ရှုပ်နေတဲ့ စိတ်တွေတောင်မှ ခဏတာ အေးချမ်းသွားသလိုပင် ။
"Two ရောက်နေတာ ကြာပြီလား "
အနီ ထိန်းထားသည့်ကြားမှပင်
အနီ့ အသံတွေမှာ တစ်ခုခုတုန်လှုပ်နေဟန်ကအထင်းသား ။ အနီတို့ ပြောနေတဲ့ စကားတွေကို Two ကြားသွားမှာ အစိုးရိမ်လွန်နေသည် ။ အနီ က အနီ နဲ့ မတူတော့သလိုမျိုး ။
"ခုမှရောက်တာ ဗိုက်ဆာနေပြီ ဘာရှိလဲဟင် "
Two ပုံစံက ဘာမှကြားလိုက်ပုံတော့ မရတာမျိုး သက်ပြင်းလေးကို ခိုးချရ၏ ။ Two က သူများအိမ်မှာ ရောက်နေတာနဲ့ မတူ နေသားတကျရှိနေတဲ့ ဒီ အိမ်သားနဲ့တောင် တူသည်။ မသိရင်ပဲ အနီ နဲ့ သူမနဲ့က လက်ထပ်ပြီးသား လူတွေလိုမျိုးလေ။
အဲ့လိုလေး တွေးမိလိုက်တဲ့အချိန်မှာ
အနီ့ စိတ်ထဲမှာ ကြည်နူးမှုတစ်ချို့ ခိုအောင်းသွားမှန်း ကိုယ့်ဘာသာတော့ အနီ ရိပ်မိလိုက်သည် ။
"Two ဘာကြိုက်တတ်မှန်း မသိလို့
အနီ စားသလ်ိုပဲ ပေါင်မုန့် နဲ့ ကြက်ဥကြော် ပဲရှိတယ် "
"ဟုတ်လား "
Two အသံက အနည်းငယ်
စိတ်ပျက်သွားဟန် ပေါက်လေသည် ။
Two မျက်နှာ အမူအရာ ကြည့်ရတာလည်း သိပ်ကြိုက်ပုံမရပေ ။
"Two မကြိုက်ဘူးလားဟင် "
"မကြိုက်ဘူးတော့ မဟုတ်ပါဘူး စားပါတယ် "
"မဟုတ်သေးဘူးလေ
Two က ဘာကြိုက်တာလဲ "
"မုန့်ဟင်းခါး "
"ဒီနေ့တော့ ချက်ဖို့လည်း အချိန်မမှီလောက်တော့ဘူး ခနလေးနော် အနီ သွားဝယ်ပေးမယ် "
