Running Through The Waves (Isla Vagues Series #1) - COMPLETED

Kabanata 3

Kabanata 3:
Breakfast

Ang pagsilaw sa mainit na sikat ng araw ang nagpagising sa akin. Dahan-dahan kong dinilat ang mga mata at tinakpan ng palad ang mukha sa pagkasilaw. Gumulong ako sa kama at umungot nang maramdaman ang butil ng pawis sa noo. Inangat ko ang kamay para punasan iyon.

Huminga ako nang malalim nang mapagtanto na maging ang leeg ko ay puno rin ng pawis. Sapat naman ang lakas ng buga ng electric fan, pero siguro nag-a-adjust pa ang katawan ko sa pagbabagong ito.

Naupo na ako sa kama at tinanaw ang bintana. I'm just wearing a satin night dress. Humikab ako at inunat ang braso bago mapagpasyahang tumayo na para maghilamos.

Alas-otso na ng umaga at sobrang tirik na ng araw sa labas. Pakiramdam ko tuloy sobrang tanghali na ng gising ko. Naririnig ko pa ang huni ng mga ibon at mahinang ingay ng mga tao sa labas.

Ito ang pinakamaagang oras ng gising ko. Nagigising lang ako nang ganito kapag may mga lakad na maaga, pero pangkaraniwan ay alas nuwebe o alas diyes ang gising ko, dahil din alas una o alas dos na ako natutulog noon.

Wala namang binilin sa aking oras ng gising. Kaso nakakahiya naman kina Lola kung tanghali na akong lalabas ng kuwarto.

Inalala ko ang sinabi sa akin ni Kairus kagabi. Hindi dapat ako umakto na kasambahay pa rin si Lola at amo ako dito sa bahay. Ayaw kong patunayan ang pagdududa niya sa akin kung kikilos ako nang ganito, kaya dali-dali na akong nagpalit at naghilamos.

Nakasimangot pa ako nang pumasok sa banyo. I sighed when I saw the bucket and the... tabo. I told him I'd adjust to this setup, but I couldn't help but struggle with showering. Halos mapaigtad ako sa lamig ng tubig sa timba. Nanginig ako at nagising ang buong diwa! Kagabi pa kasi ito narito at walang hot shower! Tiniis ko na lang at nagsabon na. Kinapa ko pa ang pader sa pag-aakalang may shower para makapagbanlaw na. Napasapo ako sa noo nang mapagtanto na wala nga pala!

"Don't nag that you can't shower properly tomorrow."

Nanginginig ako nang lumabas sa banyo. I sneered and pinched my eyes closed when I remembered that infuriating tone. I glanced at the clock, and I gasped when I found out that I showered for an hour! Mas natagalan pa ako!

Kumuha na lang ako ng isusuot. Inalo ko na ang sarili sa pag-iisip na siguro hindi naman nila iisipin na umakto akong señorita kapag bumaba akong nakabihis na. Iisipin nilang kanina pa ako gising at natagalan lang sa pagbaba dahil nag-aayos pa!

Pagkatapos magsuklay at pasadahan ng tingin ang sarili sa salamin, ay magmamartsa na sana ako patungo sa pinto nang marinig ko bigla ang mga katok.

"Ate Kayeziel?" Nakilala ko ang tinig ni Andeng. Lumapit agad ako at pinagbuksan ko siya ng pinto.

"Good morning!" bati ko at agad na umawang ang labi niya nang dumapo ang tingin sa akin.

"Wow! Ang ganda niyo, Ate. Kanina ka pa pala gising?" Napangisi ako sa tanong niya.

See? I am, right! Hindi nila inisip na nagbubuhay prinsesa ako rito.

"Ah oo, pasensiya na, natagalan ako. Hinahanap na ba ako?"

"Hindi naman, Ate. Bilin din ni Lola na hayaan ka muna dahil siguradong pagod ka sa biyahe kahapon. Si Kuya ang nagpaakyat sa akin dahil nakabalik na siya galing sa trabaho." Natigilan ako sa huli niyang sinabi. I bit my lower lip.

Of course, the bastard is speculating something right now. Galit kaya siya?

Isinara ko ang kuwarto bago sabayan si Andeng sa pagbaba.

"K-Kuya mo?"

"Opo, Ate. Sabi niya, tingnan ko kung ayos ka lang ba. Baka daw kasi inatake ka na dahil hindi sanay sa init rito." Agad na kumibot ang kilay ko sa narinig. Hindi alam kung maiirita o masisiyahan sa pag-aalala niya. I don't know if he's mocking me.