Running Through The Waves (Isla Vagues Series #1) - COMPLETED

Kabanata 11

Kabanata 11:
Like

"Marami ring mga islets na hindi kalayuan sa Isla Vagues." kuwento ni Ysabel habang naglalakad kaming dalawa sa buhangin, hindi kalayuan sa dalampasigan.

Tanaw na tanaw mula rito ang kumikinang na asul na karagatan. I closed my eyes as the wind blew towards us. Malalaki ang arko ng alon na marahas na sumasalpok patungo sa dalampasigan, kaya naman klaro mula sa pandinig ko ang pag-ragasa noon. Patungo kami sa Isola Vista para muling maghatid ng mga produkto. Kaming dalawa muli ang magkasama dahil propesyonal na si Ysabel rito at nag-presenta akong samahan siya.

"Madalas ay mangingisda na ang nanatili roon kapag masama ang panahon at hindi kayang umuwi. O kaya ay pinipiling manatili pansamantala ng ilang araw para makarami ng huli."

Sa ilang buwan ko rito at pakikinig sa kuwento ni Ysabel, doon ko napagtanto na masyadong pala talagang malaki ang isla at eksklusibo. The north part of the island is where the Verceluz Shipping Inc. Iyon ang daungan ng lahat ng barko na dumarating dito sa isla. Nagsisilbi ring sentro dahil bukod sa transportasyon ay naroon ang bayan kung saan bagsakan lahat ng mga isdang nahuli.

While the North-East part is where hotels, restaurants, and other establishments are located. Karamihan ng mga naroon ay turista dahil naroon din ang mga magagandang tanawin at mas klaro ang tubig. Ang hilagang-kanlurang bahagi naman ay napupuno ng mga pribadong mansiyon ng mga tanyag at mayayamang pamilya rito sa isla.

Ang kuwento ni Ysabel, bilang lang sa kamay ang nakakapunta roon dahil masyadong mahigpit ang seguridad. Ang malawak na lupain na iyon ay pinagmamay-arian lamang ng dalawang pamilya. So that only means their wealth is immeasurable. To own a land with multiple hectares could only be done by those who own multiple millions.

Ang huli naman ay ang timog na bahagi ng isla kung nasaan matatagpuan ang mga kabahayan ng mga mamamayan. Naroon matatagpuan ang bahay nila Kairus pati na rin ang kina Ysabel.

"Sana naroon si Sir Raziel kapag pumunta tayo." aniya at napanguso. Nagpipigil ng ngiti na tila may naalala. Kumunot naman ang noo ko.

"Sino 'yon?" Napabaling siya sa akin at napasinghap. Para bang hindi makapaniwala sa tanong ko.

"Nakalimutan mo na siya agad?" Tumango ako dahil wala talaga akong matandaan, o dahil ba ang dami ko nang nakilala sa nagdaang mga araw kaya nakalimutan ko na ang iba pa.

I've been doing a lot lately on this island, that I almost forgot my life before I went here.

"Siya ang yayakap sana sa'yo nang maglako tayo ng tinapa. Tanda mo na?" Napasinghap naman ako sa sinabi niya nang maalala ang pangyayari na iyon. Isang imahe ang sumagi sa isip ko.

"Ooh. Isa ba siya sa mga nagmamay-ari ng hotel?" Tumango si Ysabel.

"He's Adrianus Raziel Rascon. Isa sa mga tagapagmana ng negosyo nila. Nakalimutan ko pa lang siyang ipakilala. Masyado akong kinabahan nang sinundo ka ni Kairus na nawaglit na sa isip ko."

I nodded. My hunch is right. He's filthy rich.

My eyes went to the clear blue water again. May ilang turista na naliligo roon. Habang ang iba ay nagkukumpulan sa dalampasigan at may pinapanood hindi kalayuan. Sinundan ko ang tingin nila at nakita ang isang babaeng surfer.

Even at a long distance, I can see how she moves with poise and grace that made the crowd scream in amusement. They are so loud that they are stealing people's attention. Dahilan para mas lalong rumami ang nanonood sa babae.

Kahit ang atensiyon ko ay napukaw niya at napahinto sa paglalakad. Kumunot ang noo ni Ysabel. Huminto rin para sundan ang tingin ko.

Hindi alintana ng babae ang hiyawan. Nanatili ang atensiyon niya sa mga alon na paparating. Patuloy siya sa paglapit at walang takot itong sinasalubong. My mouth parted when she smoothly flipped her board as she hovered over the waves, taming and defeating it until it slowly crushed towards the shore.