Running Through The Waves (Isla Vagues Series #1) - COMPLETED

Kabanata 13

Kabanata 13:
Sweet

"Wow! Magluluto kayong dalawa?" ani Nestor nang makapasok kasabay si Kairus. I look at the white rolled paper and the folder he's holding.

Gusto kong samaan ng tingin si Nestor sa tanong niya, pero agad kong pinigilan ang sarili nang sumulyap sa akin si Kairus. I just bit my bottom lip and stared at the awful milkfish that I can't clean properly.

"Ilalagay ko lang ito sa loob ng kuwarto ko." ani Kairus at tumango ako para hayaan siya. Nagtagal ang tingin niya sa akin bago tuluyang umakyat sa hagdan para magtungo sa taas. Uminit ang pisngi ko nang rumehistro sa isip ko ang mainit na tagpo kanina.

Ang alam ko ay tuturuan niya akong magluto, pero iba yata ang natutunan ko. I slapped my cheeks a bit to stop that naughty thought!

Ang harot-harot, Kayeziel!

"Nag-aaral kang magluto?" sabi ni Nestor nang makalapit sa akin. Pinagpatuloy ko ang pagtanggal ng kaliskis sa isda. Hindi ko siya nilingon dahil baka mamaya ay sa ibang direksiyon mapunta ang talim ng kutsilyo at magulat na lang ako na nasa leeg niya na pala.

"Oo, tinuturuan ako ni Kairus. Malalaman ko na sana kung paano kaso..." dumating ka.

Gusto kong idugtong, pero hindi ko ginawa. Hindi ko naman siya dapat sisihin sa mangyayari. I'm so immature to blame him for interrupting us. I should thank him. Kung hindi siya dumating, ay hindi ko na alam kung saan hahantong ang halikan namin.

Pero siyempre ay hihinto rin naman kami kapag parehas nang nakontento. Di ba?

Pero paano kung hindi nakontento?

Mabilis kong muling iniling ang ulo para tigilan na ang malalim na pag-iisip. Kumunot ang noo ni Nestor nang bumaling sa akin.

"May problema ba?"

"Wala. Tatapusin ko na lang 'to." iling ko sa kanya. Tumango-tango si Nestor at itinuro sa akin ang mga parte ng isdang may kaliskis pa. I only listened and didn't follow him.

Hindi siya ang gusto kong magturo sa akin.

God, I'm being so bad!

Muli lang nagliwanag ang mundo nang marinig na ang mga yapak ni Kairus pabalik.

"Tinuturuan mo pala itong si Kayeziel, Kairus." ani Nestor nang muli siyang tumabi sa akin. Tiningnan ni Kairus ang isda na nasa harap ko at kumibot ang labi. Napanguso naman ako dahil hindi pa maayos ang pagkakatanggal ko sa kaliskis.

"Susubukan ko ulit." sabi ko at pinilit na ayusin na matanggal ang lahat. Pinanood nila akong dalawang gawin 'yon. Kairus was silent while Nestor was cheering for me.

"Ayan na tapos na!" Masaya kong sinabi.

"Hindi mo pa natatanggal ang hasang at palikpik, Kayeziel." Agad na nabura ang ngiti ko sa pagpuna ni Nestor.

Mag-ingat siya at badtrip na ako sa kanya.

"Ayos na iyan. Ako na ang magtatanggal ng laman-loob," agad naman akong nagprotesta kay Kairus.

"Kaya ko rin iyan! Turuan mo ako!" I demand, even though I know I feel a little disgusted to do it. His brow arched. Ipinakita niya sa akin kung paano tanggalin iyon gamit ang sarili niyang daliri at napangiwi ako. Hindi ko yata talaga kaya.

"See? You can't do it." I don't know if that's a tease to pissed me off. Umiling ako, pirmi na magpasikat sa kanya.

Sinubukan kong kuhanin ang isda at binuksan ang ulo para tanggalin iyong mga hasang at iba pa. Isang hawak ko pa lang, halos mapatili ako sa pandidiri, pero nagawa kong matanggal. Napasinghap ako nang makahila ng maliit na parte. Tumawa si Nestor.