For You

Chapter 31

(Unicode)

Ken တရေးနိုးတဲ့အခါမှာ သူ့ညီဆီက သတင်းက ပြန်ရောက်လာပြီ။ Ken ​က တမင်သပ်သပ်ပိတ်မထားတာမို့ ဒီလူ ၂ ယောက်အကြောင်းက XiFei နားဆီ ပြန်ရောက်မှာလည်း သေချာသလောက်ရှိတယ်။

"Wen Ning, Wen Qing?"

ဒီ ၂ ယောက်က မောင်နှမတွေ ဖြစ်ပြီး Gamish Land မှာ အတော်အတန် နာမည်ကြီးခဲ့တဲ့ မိသားစုက ဖြစ်တယ်။ ဒါကြောင့်လည်း Ben အနေနဲ့ ရှာရပိုလွယ်သွားတာ။ မဟုတ်ရင် တခြားနိုင်ငံက လူ၂ ယောက်အကြောင်းကို network ကနေတဆင့် စုံစမ်းဖို့ဆိုတာ အင်မတန် ခက်ခဲတဲ့ ကိစ္စဖြစ်မှာ။

Gamish Land ရဲ့ လူတော်တွေကို မွေးမထုတ်ပဲ သူများနိုင်ငံက လူတော်တွေကိုသာ နှုတ်ယူတတ်တဲ့ ထုံးစံအရ ဒီ မိသားစုကလည်း သိပ်မဖွံ့ဖြိုးတဲ့ နိုင်ငံငယ်လေးက လာခဲ့ကြတာ ဖြစ်တယ်။ သမီးအကြီးဖြစ်သူရဲ့ တန်ဖိုးထားရလောက်တဲ့ ဆေးပညာကြောင့် သူတို့နိုင်ငံ သိမ်းယူခံခဲ့ရပေမယ့် ဒီမိသားစုကတော့ Gamish Land ကို ရွှေ့ပြောင်းပြီး ကောင်းကောင်းမွန်မွန်နေနိုင်ခဲ့ကြတယ်။ ဇာတ်လမ်းက ဒီနားထိပဲဆိုရင် ဘယ်လောက်ကောင်းလိုက်မလဲ။ ဒါပေမယ့် ကံကြမ္မာ ဖန်ချင်တော့ ရှေ့တန်းကို ရိက္ခာသွားပို့တဲ့ ကုမ္ပဏီယာဉ်ဟာ Lisa ကိုမှ ကယ်ခဲ့မိတယ်။ သူတို့သိတာကတော့ Lisa ဟာ ကယ်တင်ခံရသင့်တဲ့ အားနွဲ့တဲ့ Omega ကိုယ်ဝန်ဆောင် အမျိုးသမီးပဲ။ သူ့နောက်မှာ နိုင်ငံရေးတွေ တစ်ပုံကြီး သယ်လာတယ်ဆိုတာ အဲတုန်းက မမြင်နိုင်ခဲ့ကြဘူး။

"မင်းသမီး Lisa ပြောတာ ဒီတစ်ယောက် ထင်တယ်"

Ken က hood အုပ်ထားလို့ မထင်မရှားပဲ မြင်ရတဲ့ အမျိုးသမီးကို ထောက်ပြတယ်။ ဓာတ်ပုံထဲမှာ လူ ၂ ယောက်ပါပေမယ့် သူမက ပိုထင်ရှားနေသလိုပဲ။ ပုံစံက ဒီလိုအခြေအနေမှာ အနည်းငယ်နွမ်းလျနေပေမယ့် ဒါက သူ့ရဲ့ overall momentum ကို လျော့မသွားစေဘူး။ Alpha ဖြစ်လိမ့်မယ် ထင်တယ်။

"ငါ သူနဲ့ တွေ့ကြည့်မယ်"

သူမဓာတ်ပုံကို မြင်တာနဲ့ Ken က ဆုံးဖြတ်ချက်ချတယ်။

"Ken ဒါက အန္တရာယ်များတယ်နော်"

"မအောင်မြင်ရင်လည်း ထူးနစ်နာသွားတာမှ မဟုတ်ပဲ။ ဒါပေမယ့် အောင်မြင်ခဲ့ရင်......အောင်မြင်ခဲ့ရင် An ge ကို ပြန်ရလိမ့်မယ်။ မင်း ငါ့ကို ကူညီပေး XiaoZhan"