معنى السعاده2

1

اهلا ما مر من الوقت شئ وهو الليله الجمعه صباح اليوم الطلعنا فيه صحيت من النوم بكسل بعد ما هزاني عواد وتعب مشيت للمغسله وغسلت وشي وقعدت كنت تعبان جدا وبعدها نزلت تحت وشربت الشاي ومشيت لعند اخواني لقيتهم متجهزين ولابسين حلو قلت:
-"اهلا ....وين ماشين "
قال سمير:
-"لجدي ابو امي العيله كلها تجتمع هناك "
رد آدم :
-"ونحنا كمان عشان يباركو  للعريس"
حسان ببرود :
-"حأسفهك بس "
تبعهم احمد :
-"نحنا برضو خالتي جايه من السفر "
-"تمام "
اتجهزوا هم وامهاتهم قالت علياء :
-"سامي حنغيب اليوم كلو والاكل في التلاجه "
هزيت رأسي بابتسامه وطلعوا كلهم ابوي قال لي:
-"تعال معاي ما بقدر اخليك براك "
-"حاااضر "
بس ماف لي مكان ولا لسمير وآدم واحمد طلعوا يمشوا براهم ابوي قال :
-"سامي حتقعد مع الجيران "
-"لا لا افتح لي البيت "
-"ما بقدر حسان اطلع وخليه يركب "
-"حاضر"
ركبت واخواني كل واحد مشغول بشي قلت :
-"عواد بتقرأ في شنو "
-"ديوان شعر "
-"هاااااا انت مثقف "
-"لا دي ما ثقافه دا فن شوف ليك شغله غيري "
-"تمام "
التفت لي اخواني البقيه وكانت لما جنبي قلت :
-"اهلا "
-"خير"
-"وريني حاجه عشان ملان "
-"اوكي اقول لييك شنو امممم ما عارفه فكر براك"
-"لا اي شي عليك الله "
ابوي بضيق :
-"سامي انت ما ممكن تقعد من غير ما تجوط الواطا"
-"يااااخ خلاص لكن اولادك ديل مملين "
-"رامي قدرك "
رامي بزهج :
-"ياخ انا ما بعمر الشافع دا "
-"انا ما شافع انت الشافع "
-"سامي اهدأ خليني اراجع عندي امتحان يوم الاحد "
-"امتحان ...امتحان ...امتحان شكلك ساقط المره دي"
ابوي بنفاذ  صبر:
-"سامي كفايه اسكت واقعد في حته واحده "
بقيت مرزوع لما وصلناهم كلهم وببساطه ابوي خلاني في العربيه ونزل يسلم والموضوع طويل وفي النهايه جا قلت :
-"اففف ساعه عشان تسلم "
-"نسابه يا ولد "
-"وبعدين يعني انا حاموت ملل "
-"ما تمل لسه حنمشي نجيب حاجات للبيت "
-"اوووه لاااا امشي براك "
-"خلاص بختك مع جارتنا سعيده "
-"طيب سوقني"
كانت مره عجوز وما عندها اولاد فلما امشي ليها بدلع على الآخر ابوي:
-"تمام اصلها دايره ليها ولد "
-"اكيد ....هو في احسن مني انا سامي حازم "
-"بالله "
-"ايوة مالك "
-"ولا شئ بس حاتجاوز انك مزعج وكلامك كتير وما عندك موضوع"
-"طيب طيب وديني للخاله "
المهم مشيت وابوي اتكلم معاها وبعداك رحبت بي ترحيب البايره الدايره عريس (لا تعليق) وبعدين قالت ماشا تنوم والبيت بيتك فتحت التلفزيون وما اشتغل ماف اشاره قعدت ساعه اضبط في الطبق ولما قعدت احضر الكهرباء قطعت آه شنو النحس دا عاينت يمين شمال ما لقيت شئ وبعدين استسلمت ورقدت انوم فكرت وفكرت واتذكرت امي ياحليلها ربنا يرحمها يا ربي......  بقيت بعاين للسقف واتذكر امي لكن ما بكيت لييه ابكي وامي كانت طيبه وصالحه ان شاء الله تخش الجنه قمت ومشيت للتلاجه وبقيت افتش شئ آكلو ما لقيت حاجه صحت حاجه سعيده وقالت :
-"يا ولدي الكهرباء قطعت ؟"
-"ايوة قبل شويه"
-"اسوي ليك اكل شكلك جعت "
-"لا ما تتعبي كفايه توريني وين القى شئ اكلو "
-"في منقه برا لو عاوز "
بموت في المنقه قربت اقوم ارقص 😂😂 بقيت بآكل وآكل وهي تجيب لي وتقول لي :
-"تنفعك يا ولدي كمل الصحن "
ياخ المره دي طيبه خلاص سألتني اذا في اي شي ناقصني قلت ليها الحمدلله فرحت بي شديد ولما الساعه بقت سبعه مسا جا ابوي قالت ليهو:
-"خليو يبقى ولدي ماشاء الله عليهو "
ابوي اتصدم انو انا "ما شاء الله علي😂 "قال ليها :
-"كويس ما عذبك تسلمي"
-"الله يسلمك تاني ان شاء تطلعو كل يوم عشان الظريف دا يقعد معاي"
وااا لكن كسري تلج يا حجه ابوي قال لي :
-"ارح يا سامي "
مشيت معاه وانفقعت من الضحك قال :
-"سقيتا شنو المره دي"
-"ابوووي عيب عليك انا ظريف عشان كدا بتحبني "
-"وااضح هااا"
-"اكيد قلت ليك من البدايه"
رجعني البيت وقال لي :
-"امشي ليهم ولا يتصرفوا "
-"لأ يتصرفوا "
-"لا انا حامشي ليهم "
-"طيب وقت عارف بتسأل لييه من البدايه "
-"لاني كنت عاوز اشوف رأيك "
-"ترا رأيي ما مهم ☹️"
ركبنا العربيه ورد:
-"شويه شويه وبتفهم "
-"يا ابوي!!"
-"مالك "
-"قصدك شنو؟؟"
-"بقصد انو بعدين لما تعرس ما حتبقى قاطع وش من اهل مرتك ولا شنو "
-"انت ما بتتعب كلهم كيف حافظهم "
-"اخجل!! قايلني اتزوجتهم كلهم بوقت واحد "
-"اااه ابوي انت فاضي شغله معرس ليك اربعه "
-"كمان لهسه بفتش في رابعه "
-"شنووووووو رابعه بوين ورأسك شيب "
بصراحه شيبه واحده في رأسو مافي قال :
-"شوف شغلتك "
-"انت شوف شغلتك عندك تلاته نسوان وواحده في قبرها الله يرحمها وداير تاني "
-"الزواج حرام "
-"سكتني والله براحتك "
-"حنرجع للمناوشات "
-"مناوشات شنو "
-"شوف انت بتعرس الاولى ولما تعرس التانيه الاولى بتزعل ولما تعرس التالته الاولى بتفرح والتانيه بتزعل انت فاهمني"
ضحكت معاه وصلنا لاهل علياء وقال لي :
-"رأيك شنو تنزل معاي"
-"لا لا ما داير "
-"براحتك "
نزل وجا سمير شايل اخلاقو وغضبان غضب دخل زعلان زعل ما عادي وجا خالد وركب آخر شي ورا بعيد من سمير وجا عواد وكان متوتر عاين لي وقال لي :
-"زح لي جنبك "
ركب معاي قدام وجوا البنات وعلياء اهلها زافينها حتى الباب وجات ركبت وانا بعاين ليهم قالت لما :
-"اخبارك يا سامي"
-"تمام "
لكن ما حصل شي جا ابوي بعد التهرب من العزومه وركب قال :
-"أها يا شباب كيف الزياره "
شافهم بالمرايه ولاحظ انو ماف زول مركز معاو غير البنات سمير كان بعاين بالشباك وخالد مدنقر ورأسو على الكرسي القدامو اتكلم:
-"يا اولاد انا بتكلم معاكم 😡😡😡"
عواد جمبي كان شكلو متوتر ابوي حرك العربيه ومزاجو اتخرب مره واحده 💔 همست لعواد :
-"الحاصل شنو"
-"يوريك في البيت اففف حيكسروني"
-"عملت شنو "
-"انسى وخليني في همي"
مرينا بالبيت ونزلوا الا انا مشيت مع ابوي للبقيه وجوا مبسوطين الا رامي جا يقشقش دموعو التفت وسألت وائل قال لي :
-"المسكين صحبو المفضل اتوفى ووصلوا الخبر بدري وما قدر يعمل اي شئ من الصباح "
-"الله يرحمو "
-"شكلو كان قريب منو شديد "
-"لحظه صحبو اسمو الهادئ "
-"ايوه "
-"يا حليلو طيوب شدييد واربعه وعشرين ساعه سوا"
-"الله يرحمو "
ورجعنا البيت دخلت لقيت خالد في وشي وزعلان ومكشر سالتو:
-"خير؟؟"
-"زح من وشي يا زفت "
-"خلاص ما تعصب كنت بحاول افهم...."
دفرني دفره رمتني وطلع بره يتنرفز وينبذ في سمير مشيت دخلت الغرفه وسمير قاعد وعواد بعيد شدييد عاين ليهو سمير وصرخ :
-"عاجبك السويتو يا حيوان والله ان ما فتحت رأسك ما يبقى اسمي سمير "
-"ما قصدي ☹️"
-"ما قصدك شنو جوطت الدنيا "
قلت :"حصل شنو وروني"
سمير:"لا والله ما ناقصينك ...معانا العواليق دا "
اشر على عواد بقرف عواد انتفض وصرخ :
-"يعني انت ما على كيفيك وهواك تحكم عملت شنو انت غير تزيد المشاكل"
احتد الموقف وسمير نط من سريرو
.................
                 رايكم في البدايه؟؟
                    صوتوا♥♥