معنى السعاده2

30

احمد:
طلعت من البيت وعارف تماما وين ماشي فتحت دولابي وشلت كل القروش الفي الحصاله ومشيت لواحد معاي في الجامعه هو اصلا بتاع فارغه وحاجات ما كويسه وبيناتنا ولاشي زماله بس وصلت بيتو وهو اصلا زول كدا غنيان اسمو اكرم دقيت الباب فتح لي وعاين لي من تحت لفوق قال:
-"خش!"
دخلت قعد وقال :
-"اترزع"
طلع سيجارتو وولعا وقال:
-"انت اول الدفعه "
-"........"
-"داير شنو"
-"عاوز توريني اذا بتعرف مصعب...."
-"ما بحفظ الاسماء"
ختيت ليهو صورة وقلت :
-"دا"
-"عندو ولد اسمو حمزه"
-"ايوة"
-"عرفتو كان بيجي يشرب مع صاحب ابوي "
-"ابوك بيشرب!"
-"ايوة ابوي  بيشرب فيها مشكله "
-"انت مسلم ؟😃"
-"ايوة ما تسال اسئله زي دي المهم يا باشا الراجل دا بتلقاهو زي الساعه اتنين ونص صباحا "
-"اها والليله تعتقد اني حالقاهو"
-"ايوة متعود يجي ما بيغيب "
-"طيب وعارف عن ناس بيخطفو وكدا"
-"انت قايلني شغال عندك ولا حاسبني مجرم انا كيف اعرف "
-"لا ما قاصد كدا بس اخوي اختفى ومحتاجين ضروري نلقاه لانو ممكن يتأذى"
-"طيب انا معاك شففني في الامتحان"
-"نعم 😨"
-"مالك؟ شففني وحاساعدك تلقى اخوك"
-"طيب رايك شنو نقرا سوا وانا بساعدك تفهم المافاهمو وتنجح كدا احسن"
-"والفرق شنو"
-"انك ترضي ربك"
-"طيب ماشي الساعه كم"
-"تسعه ونص"
-"ايوااا طيب اديني ربع ساعه وما تتحرك من مكانك"
-"طيب"
جا شافع كدا عمرو سته سنه عاين لي من بعيد وكورك:
-"أكرم !...أكرم "
سالني من بعيد:"انت منو ؟"
-"زميل اكرم في الجامعه "
-"يعني صحبو"
-"تقريبا"
ابتسم وجا قريب ومدا لي سندوتش كان في يدو وقال:
-"هاك ضوق"
-"شكرا"
-"سواها اكرم ضوق"
-"وهي شنو اصلا"
-"بطاطس محروقه"
شفتها وكانت محروقه فعلا سالتو:
-"وليي بتأكلها"
-"ماف غيرها وابى يسوي لي أكل"
-"طيب تعال انا بسوي ليك اكل"
ما عارف بس حسيت بغضب جوعو لما اكل حاجه محروقه ببالغ لكن ساقني المطبخ ولقيت باقي بطاطس مقطعه بطريقه عشوائيه حمرتها واديتو ليها قال لي:
-"انت طباخ"
-"لأ بس امي مرضت مرة ومسكوني المطبخ وبقوا كل يوم بياكلو بطاطس "
-"اها"
رجعت برا وجا قعد جنبي قال لي:
-"انت ما عندك ام زينا"
-"......"
صدمني بس سكت وكشر وقال لي:
-"خلاص اسمك منو انا احمد"
-"انا زاتي اسمي احمد"
-"تمام "
جا صوت اكرم :"احمد "
اتلفتنا الاتنين قال:
-"ليي بتتكلم معاو"
احمد:"سوا لي من البطاطس الحرقتها "
-"اهااا طيب على غرفتك انا طالع"
-"حتخليني براي"
-"اففف قلت ليك امشي"
-"بخاف عليك الله سوقني"
-"طيب استنانا هنا وعاين للباب "
-"واذا جا زول تاني "
-"لا ما بيجي ارح"
قلت:"حتخليهو براو هنا"
-"حيجيو شنو يعني"
-"حرام عليك الولد صغيروني "
-"ايوة عارف ما محتاج منك نصايح اطلع يلا "
-"طيب خلينا نسوقو لبيتنا يقعد فيهو لما ننتهي "
-"طيب احمد البس هدوم كويسه وتعال"
كان فرحان شديد وطلعنا رجعت البيت ودخلت مشيت لامي كان معاها لما قلت ليهم:
-"اتغطوا صحبي جاي "
ودخلتو سلم عليهم وقال :
-"دا احمد ممكن يقعد معاكم لما نخلص من مشوارنا"
لما :"تمام"
-"شكرا"
وطلع لما قالت :"حلاتووو♥"
وبقت بتجضم فيو قعد يبكي قالت :
-"مالك مالك ...خلاص معليش "
-"شينه ....أكرم"
وجرى ليهو برا طلعت معاهو قال لي:
-"اها يا احمد ما تكون لصقه كدا"
-"عاوز تخليني وتمشي"
-"بجي بعد شويه "
-"طيب حاستناك شويه بس"
-"طيب اسمع الكلام وما تعذبهم سمح"
-"طيب 😃"
مشينا وخليناهو وصلنا لواحد صاحب واحد صحب ابوهو وبعدين استفسرنا عن الموضوع وفي النهايه مشا اتكلم مع واحد وجا طلعنا منو  زي واحده بالليل خلصنا تحقيقات قال :
-"الملخص انو خطفو واحد اسمو مصعب عشان ينتقم والمهم في النهايه حيبيع اعضائه "
-"الليله!"
-"ايوة والعقد الموقعو بيوم بكره الساعه خمسه مسا عندنا وبت ضئيل عشان نلحقو 💔"
-"لازم نلقى مصعب لو ما لقيناه حنروح فيها "
-"طيب هسه نرجع البيت  "
-"اي"
رجعنا البيت ولقيت حسان طلع ووائل وعواد بس القاعدين ومعاهم غريب كدا جيت قعدت معاهم قال:
-"شوف لي اخوي"
مشيت لقيتو راقد جنب امي ونايم وامي نايمه ما صحيتهم طلعت وقلت ليهو:
-"خليو نايم "
-"طيب "
قعدنا معاهم وطلع الغريب دا خال سامي أيهم المهم قاعدين كدا ابوي جا خاشي وواضح عليو الارهاق والقلق عللى سامي قلق شدييييد ياحليلو سامي كان مونس ابوي ان شاء الله نلحقو قعد معانا وسأل بتوتر:
-"اها ولدي وين؟؟"
أيهم:"حازم"
-"أيهم عارف سامي وين"
-"لا والله لكن حاساعد "
-"الحمدلله وانتو لقيتو حاجه"
حلقي جف ما عاوز اوريهو هو هسه حالتو تكسر القلب حيحصل ليو شنو لما يعرف 💔 في النهايه اتكلمت:
-"ابوي مصعب خطفوا وعاوز يبيع اعضائو"
-"..........."
دنقر كدا وشال نفس بعد صعوبه ورفع راسو وقال :
-"عندكم دليل عشان نبلغ"
هزيت راسي بالرفض
وائل :"خلاص احنا بنلقاهو "
ابوي:"ماف فايده كدا لازم نلقى طريقه نعرف بيها حنفتش وين ؟؟ خلينا نستناهم "
جو آدم وسمير بيضحكو بقينا بنعاين ليهم آدم اتكلم:
-"لقينا في بيت مصعب قروش مسروقه من البنك وهسه عرفوا مكانو وحيتقبض"
ابوي:"وسامي؟؟"
-"سامي؟؟ ما رجع معاكم "
-"لأ"
-"قالوا انو في رهينه ورجعت لبيتها وفي واحد تاني للاسف ما لحقوهو "
-"سامي! 💔"
-"لأ ما سامي دا واحد شاب كدا اما سامي فلسه ما لقيناهو "
-"لازم نلقاهو💔"
.....
محمد:
فتحت عيوني شويه شويه وسمعت صوت مره بتتكلم :
-"ايوة سامي حازم انا حاشيل نص المبلغ على الاقل"
-"..."
-"اسكت انت خلصو عليهو سرعه وانا بتصرف "
-"...."
-"ايوة لازم تنتهوا منو الليله لانو بكره ماف طريقه اسرعوا "
-"......"
-"مصعب !!خلاص بكره الساعه سبعه صباحا بجي استلم القروش "
-"....."
-"بجيكم في مكانكم الولد وين"
-"........."
-"بعد شارعين بس من المستشفى البيت المضروب اسود صح"
-"..."
-"طيب نتلاقى"
قفلت التلفون وجات علي غمضت عيوني سرعه رجعت وشالت حقنه ما عرفتها شنو دايره تسوي لي شنو دي اكيد حتضر سامي قربت مني ورفعت يدي وكانت حتحقني اذا ما مسكت يدها عاينت لي بخلعه لما شافتني مفتح قالت بتدعي البراءه:
-"حمدلله على السلامه"
حتكتلني اذا عرفت اني سمعتها فسألتها:
-"انا وين "
-"المستشفى"
-"الجابني منو"
-"......لحظه انادي ليك المرافقه"
طلعت برا وجات وراها غاده ولما شافتني بقت بتبكي قربت ومسكت يدي قالت :
-"محمد انت صاحي"
رفعت قناع الاكسجين من وشي واستجمعت قوتي عشان انطق:"س...سام.."
-"سامي! "
-"شارع ..."
-"عرفت مكانو "
-"ا...ابو..."
قاطعتني:"ايوة ابوي خطفو صح اتكلم وين"
كان حلقي بيوجعني لما اتكلم بس اتحملت الالم ونطقت:
-"امشي ...بعد شارعين...بيت اسود "
-"ايوة ايوة فهمتك"
-"اسرعي!!"
دمعت عيوني من الوجع قالت :
-"خلاص خلاص حاكلمهم"
ضربت واتكلمت مع واحد كدا وبعدين جات قريب انا غمضت عيوني وهديت سقتني مويه وجات قعدت جنبي بعد المويه قدرت اتكلم احسن سألتها:
-"وين ليلى"
-"في العنايه هي كمان حالتها صعبه"
-"وحمزه؟؟"
-"......"
-"غاده اتكلمي حمزه وين"
بدت تبكي وتبكي قلت :
-"غاده وريني حمزه حصل ليهو شنو"
بقت بتبكي زياده قالت :
-"حمزه مات💔💔"
-"كذابه"
.........