معنى السعاده2

11

-"ما كنت عاوز ادخلك في عيله امك تاني "
-"ليي؟؟"
-"سامي ديل ناس ما كويسين "
-"طيب هي امي اتزوجت قبلك منو "
-"راجل اسمو مصعب واخوانك الاولاد حمزه ومحمد والبنات ليلى وغاده "
-"هااا وليي امي انفصلت من راجلا الاول "
-"طيب اسمع القصه اصلا انو راجلها دا كان اتزوجها وعمرها امم ممكن العشرين او اقل يعني كانت لسه صغيره واصلا هو كان مدير ابوها وهددو بالديون فقام زوجوا رانيه وهي ما راضيه وكدا "
-"ابوها برضو ما كويس"
-"ايوة كلهم ما كويسيين بعد ما جابت اولادها ديل منو وبقى بيصرف عليهم وهو اصلا في البدايه كان وعد ابوها انو زواجهم ما يكون زواج يعني يرهنها بس ويعاملها كأنها خدامتو بس هو ما كان قدر الوعد وبعد ما ابوها سدد ديونوا بقت مربوطه بأولادها وكدا وما قدرت تجي راجعه لابوها وحتى راجلها قال ليها تقعد ويربو الاولاد ويعاملها باحترام وكلمت ابوها وقعدت معاهو زي ثمانيه سنوات وبعد دا ما كان بيعاملها كويس "
سكت لمده عاينت ليهو وقلت :
-"حتوريني باقي القصه "
-"بكره "
-"لا لا هسه "
طلعت من الشنطه مصاصه لي وليو وقلت:
-"بديك مصاصه اذا كملت القصه"
-"واذا قلت لأ"
-"كدا بزعل منك يا ابوي وريني"
-"بس وبعدين انفصلت واتزوجتها وبعدين جبنا المصيبه دي"
واشر علي قلت ليهو:
-"هوووي سامي حازم وماف زول احسن مني حتى اولادك ديل "
-"انا قلت الحق انت الوحيد المسوي مشاكل"
-"ابوي بزعل وانفسن تاني"
-"لا خلاص طيب بحكي ليك باقي القصه لكن ما هنا لانو لما بتتنصت علينا"
مشيت سرعه وفتحت الباب ولقيتها هي وسمير قلت:
-"زحوا الشينين ديل "
سمير:"هااا انا جيت اتكلم مع ابوي لقيت العبيطه دي بتتنصت قلت اشوف موضوعها الخطير "
جا ابوي وقال لي :
-"ارح البس هدوم حلوه عشان طالعين بعد المغرب "
-"ياااي"
بقيت زي الشفع وسرعه لبست هدومي ونزلت وما لقيت زول غير ابوي والحريم سلمت وقعدت قلت ليهو:
-"اممم......مش قلت طالعين "
-"ايوة طالعين "
-"وين الباقين "
-"منو طالعين انا وانت بس"
-"انا براي يااااي "
بقيت بنطط زي الشفع وادور علياء:
-"شافع انت متأكد انو كمل عشره سنه "
ابوي:"الله اعلم انا زاتي شكيت .....هوي سامي عارف ماشين وين "
هنا اتلخبطت:"وين؟؟.... السجن 😨"
-"لا لا ماشين مطعم داير اوكلك بس عندك مانع "
-"طوالي ما عندي مانع ...طيب ارح قوم يا ابوي "
بقيت شغال زي الشفع قوم قوم لما خالتي حسنه ختت يددها على بطنها انا اتخلعت وابوي اكتر وبقينا بنقول:
-"مالك"
قالت :
-"مالكم اتخلعتو كدا البيبي بيتحرك بس "
قلت :"الحمدلله "
ضحكت علينا قالت :
-"على الاقل عرفنا سامي جايب تصرفات الاطفال من وين "
ابوي بيغير الموضوع:"يلا يا سامي اسرع "
طلعنا في العربيه وقال لي :
-"خليك هنا وانا بجيب ليك الاكل"
-"والفايده شنو ..."
قاطعني:"انت مالك اسكت بس"
وجاب لي سندوتش وبقيت بآكل وهو بيقول:
-"سامي امك زهجت منو وقالت ليهو يخليها ترجع بيت ابوها وفعلا رجعت بأولادها لانو ما كان بيعاملهم برحمه كانو عايشين في خوف شديد من ابوهم.... المهم رجعها لبيتها امها وابوها احترموها شديد لانو ابوها اصلا هو الرماها في مصعب اول وكانت شغاله معاي في الشركه وكانت بتتأخر شديد وكان كل مره بمشي بلقاها بتبكي والمدير في يوم قال لي خلاص اطردها لانها  مقصره في الشغل لما مشيت وكلمتها بقت بتبكي وتبكي وتقول لي من وين اوكل اولادي سالتها لكن ما ردت وقالت لي شكرا ومشت رجعت بيتها من غير ما يشيل اوراقها ورسلوني اوصلهم ليها ولما مشيت لبيت ابوها قال لي ماف زول بالاسم دا في الببت واتهمني بانو بيناتنا شي ودافعت عن نفسي وذليتها ولما اتلفت لقيتها في وشي حتى ولدها الكبير حمزه كورك فيني قلت ليها جبت الاوراق عشان اشيل توقيعها ابت وقالت لي ما بقدر اعمل كدا في اولادي وفي النهايه خليتها ولما رجعت هو زاتو شاكلني وقال ما عاوز يتعامل معاها تاني ولو ما وقعت حيطردني انا مشيت وقلت ليها توقع وقالت انها ما حتلقى شغل غيرو وقالت لي اساعدها ساعدتها وفتشت ليها شغل وكنت اتعلقت باطفالها شديد وفي النهايه اتزوجنا "
-"هممم وليي قلت انهم ناس ما كويسين "
-"راجلا كان بيشرب عشان كدا ما كنت عاوزك تتعرف عليهم ولا تقرب منهم للنك ولدي انا يا سامي وما عاوزهم يخربوك "
-"لا ما حاتخرب "
-"سامي..."
-"نعم"
-"عاوز تشوف اخوانك "
-"ما عارف بس نفسي الاقيهم والاقي اهلي "
-"طيب انا حاوديك بكره تتعرف عليهم "
-"طيب "
في صباح اليوم التاني طلعت من الصباح لاخواني وكانوا على حالتهم قلت بصوت عالي:
-"اهلا انا جييت ....اشتقتوا ليي ؟؟"
عبدالله بابتسامه :
-"نورت يا سامي "
-"اصلا انا منور وما اكتشفتوا كدا الا لما ضلمتكم "
سمير:"كيفك "
-"تمام وانت يا كبيرهم !!"
-"ما شاء الله بقيت معترف بي انا كبيرهم "
-"هووي ما تكبر راسك وصل السما "
نزلت من السلم (دا كلو من فوق 😂) وقلت :
-"وين رامي وخالد ووين وائل "
سمير:"ججاتهم حصبه "
-"اووه الليله سلامتهم ليي ما وريتونني "
-"لانك كنت مافيش"
-"انا قاعد هسه وروني "
-"في الغرفه امشي شوفهم "
مشيت ليهم وكانوا عباره عن بقع حمراء وحمى وحالتهم صعبه شديد قلت ليهم:
-"هوووي يالمرضانين ...ان شاء الله تبقوا كويسين وما تعادوني"
طلعت سرعه منسحب منهم وبره قعدت معاهم مشاكلهم زي ماهي ولا شي متغيير قلت :
-"يا حليليو رامي كان بيمشي معاي المدرسه "
مشيت المدرسه ولاقيت حسام وحكيت ليهو كل شي وقلت :
-"انا متوتر ما عارف كيف اقابل اخواني وخايف يقابلوني زي ما قابلوني اولاد ابوي "
-"لا يا سامي ما تخاف لانهم اخوانك في النهايه هاااا انا عاوز اخون كبار بس "
-"معليش "
-"لا ما مشكله ورامي اختفى وين"
-"جاتو حصبه "
-"المسكين ...سلامتو "
-"الله يسلمك "
-"طيب خليني انا احكي ليك "
-"شنو ؟؟"
-"امي حتتزوج !!"
-"هاااه "
-"ايوة انا زعلان شديد لييه تتزوج بعد ابوي "
-"ممكن هي  محتاجه كدا وضروري تعمل كدا لانها عايزاه يعوضك عن ابوك "
غضب وقال لي:
-"ماف زول بيعوض عن ابوي الا ابوي "
-"حسام "
-"لا ما تقول حاجه لاني ما حارضى انو ياخذ مكان ابوي "
-"براحتك ما تقتلني "
-"سامي انا ما بهظر انا جادي ابوي ماف زول حيعوض عنو وانا قلت كدا "
-"خلاص خلاص اهدأ "
بعد نهايه الدوام مشيت مع ابوي ليهم دقيت الباب ففتح راجل ملامحو حاده بس فيهو شويه شبه من امي عاين لابوي وقال بغضب :
-"حازم الجابك شنو ...ودا شنو الشافع المعاك "
-"انا بجي هنا على راحتي واصلا لو ما سامي نا كنت جيت وسخت رجلي "
-"دا سامي ولد رانيه "
-"ايوة ممكن تنادي حمزه واخوانو يسلمو علي اخوهم من امهم "
دخلنا وجلسنا وابوي واضح انو قرف من الوضع جا شابين وشابتين الشاب الاول عاين لابوي اول وبعدها عاين لي ورجعويعاين لابوي ابتسم ومد يدو لابوي وقال :
-"كيفيك يا حازم"
سلم عليه وقال بضجر:
-"الحمدلله "
-"انا حمزه ......."
...