معنى السعاده2

38

-"عاوز اتكلم معاك ضروري"
-"اها "
-"انت راضيه بي "
-"ليي بتسأل"
-"قلت ممكن احنا اتلاقينا قريب وممكن تكوني متوترة مني وكدا فهل تقبلين الزواج بي على سنه الله ورسوله هل تقبلين ام هل تقبلين"
قالها بدراما لفتت ناس الممر والدكاترة المارين بس فجأه كدا نسيتهم كلهم وما اشتغلت بيهم وقلت :
-"اقبل"
-"الاولى ولا التانيه"
-"الاولى"
-"تمام "
اتفاجأنا بالمباركات الجاتنا من كل الحاضرين والدعوات قال لي:
-"يلا ارح تلاقي امي والمره دي ما فيها لأ "
طلعنا وركبنا عربيتو اتكلمت:
-"ممكن ترجعني بيتنا وبمشي معاك بعد صلاة الجمعه"
-"من عيوني"
وصلني بيتنا الجديد فتحت كل الغرف كان كبييير وحلو خلاص كان عندي تلاته ساعات لغايه ما يرجع ضبطت المنبه على ساعه بديت انضف الغبار وانتهيت منو ورتبت الكراسي في الاستقبال وحاولت ادخل السراير جو بس صعبت علي فخليتهم كدا معلقين استحميت حمام طويل ولبست فستان حلو وطويل وواسع وباكمام عشان استاذ نظريات وختيت الطرحه وفاتت النومه صحيت قبل خمس دقايق بالضبط من الموعد لفيت الطرحه وسمعت الباب دق دق دق مشيت سرعه وفتحت الباب بعدما لبست الشبط سرعه فتحت الباب لاقتني الجلابيه ماشاء الله رفعت ليو عيوني كدا وركزت في وشو قال لي:
-"بسم الله مالك"
-"عاوزة اتأكد انك آدم خطيبي الشين "
-"هبله وانا كنت قايل اني خشيت بيت غلط قلت خطيبتي الشينه وين "
-"😡"
-"خلاص والله معليش انت عسل وحلوة وبسبوسه وكلو "
-"😳"
-"يلا يا مرتي "
مشينا بيتهم وكنت متوترة اني الاقي حازم اكتر من اي زول لاني شفتو ومخيف وليله ما كانت غلطانه لما قالت اني خوافه سألتو:
-"ابوك قاعد؟؟"
لأ لا يا غبيه ليي قلت السؤال دا رد:
-"اي وعمي "
-"عمك؟؟"
-"مهند واحد كدا طولي وشبهي وحجمي وحتتعبي وانت بتسلمي على اخواني واخواتي الحداشر"
-"ماشاء الله "
وصلنا بيتهم وقلبي لسه دق دق دق😟كان بيتهم حاجه كدا رهيبه كان في بوابه وقدامها حديقه حلوة مسورة بشجر مشينا لما وصلنا باب البيت دق الباب وفتحوا الصغيروني الكيوت سامي بس وشو لهسه منفوخ وشاحب من اللاقاهو عاين لي وابتسم وقال:
-"اختي كيفيك "
-"تمام كيف رجلك"
-"كعبه ما بتمشي كويس"
آدم :"يا ولدي زح من الباب "
سامي مدا شفايفو بزعل وزح لي "
واتخلعت لما اسمع الزغاريد فجأه لقيت مره قدامي يا ربي دا امو اي شكلها كدا آدم ابتسم وقال:
-"دي امي 💓"
ابتسمت قالت:
-"ماشاء الله تبارك الله ما يسحروك يا بتي "
ومسكتني ليك سلام سلام وجا الاستاذ صاحب الهيبه حازم وااااي قربت ادسا ورا آدم عاين لي كدا وفي عيونو عدم رضا واضح ابتسم وسلم علي ورجع فجأه لقيت آدم بيطقطق اصابعينو :
-"هوي انتي سرحانه وين"
فجأه اكتشلت اني بتخيل ولسه امو بتسلم وحازم اصلا ما جا امو طوالي هجمت عليو:
-"هييي براحه عليها خوفتها "
آدم استسلم وسكت والمره دي جا بالجت بابا حازم المخيف بس كان واضح الفرح في عيونو طمني شويه وجا علي لا لا رجعت خفت تاني قال :
-"ماشاء الله حلاتا العروس اتفضلي"
قلبي خلاص وقع ورجع تاني لما اتأكدت اني سمعت الكلام صح وقعدنا كدا واتونست مع امو طلعت مره طيبه شديد حتى حازم ظريف..........
سامي (نفس اليوم ):
بعدما رحبوا باختي وقعدوا يتونسو معاها ويسألوها آدم جا الغرفه فوق مهند استلمو:
-"العريس number 2 "
-"السخيف number 1"
-"اها ممكن اسلم على خطيبتك ولا ممنوع "
حدر ليهو شويه كدا وبعدين مشا على دلاوبو وشال هدوم ومشا كنا انا ومهند وخالد بس والبقيه صايعين ورامي تتوقعو شنو نايم مهند عاين لي:
-"اها يا جذاب اختك سمحه"
-"امشي شوفها بصفتك عمو"
-"ما فكرت"
نطا ونزل تحت وجا راجع بعد زمن :
-"عندك اخت تانيه "
-"اي اكبر منها بشويه"
-"ايوااا خلاص لقيت لي خطيبه حلوة زي اختها "
-"استغفر الله "
-"سامي مالك ياخ هووي خالد"
خالد اتلفت :"خير"
-"بنات الحله سمحات"
-" 😀"
-"ما تتغابى علي "
-" 😀"
-"تمام "
خليتهم بيتهابلو ونزلت تحت ونادوني اقعد معاهم قعدت جمب ابوي وخلفت كراعي زيو وهم بيتونسو وهي فرحانه فرحت شديد عشانها وعشان آدم مع انو ما بيستحق اختي الحلوة 😂 المهم مرت الايام وكان اخو اكرم الصغيروني كل يوم بيجي يقعد مع حسنه لغايه بالليل وبعدين بيمشي بعد شهر من اليوم داك قمت بالصباح ومشيت تحت وكلو معتاد لما وصلت المدرسه ما لاقاني حسام ولا اثر ليو قبل اسبوعيين امو قابلت المدير وكنا قايلنها نقلتو بس فرحنا لما كانت بس بتراقب مستواه بس الليله ما جا وقلبي ما مطمن وكان الوقت بدري قبل الطابور جا فرحت بس ما كانت هدوم المدرسه اللابسها لاقيتو بالاحضان وفي النهايه قال :
-"انا مسافر معاهم وراجل امي الكريه ما حيخليني واصريت اني اودعك سامي 😭"
-"يعني ما حتجي تاني 😭 "
-"للاسف لأ ما مسموح لي وامي عندها عداوة معاي حتى الان "
-"وااي لكن ما كنت قايلك جادي "
-"المهم اننا اتلاقينا يلا تعال صورة للذكرى"
اتصورنا وقال لي:
-"ما تنساني 😭"
-"ما حنساك ما تنساني 😭"
-"مع السلاااامه 😭"
ومشا ما شفتو تاني رجعت البيت زعلان ودموعي في عيوني بكيت عشانو 😭 صديق وفي صاح اننا اتلاقينا السنه دي بس اتعلقت بيهو شديد ...بالنسبه لغاده واخوانها رجعو البيت السكنو فيهو في نفس شارعنا بزورهم من وقت للتاني مهند علاقتي معاهو قوت شديد بقى زي شقيقي من امي كان بمثابه اخوي الكبير زي ما كلهم عندهم اخوان آدم وحسان هم هم ولا اتغير فيهم شي البكر سمير لازال بايراً معتزا بنفسه 😂 أكرم لقا شغل في شركه كبيره وممكن يدير شغلو من البيت فبقا قاعد في البيت وشغال وعندو مدرس خاص عششان يشيل شهاده الجامعه ولسه بيدرس مع احمد في نفس اليوم الكنت زعلان فيهو عشان فارقت حسام زرت اخواني فجأه تلفون محمد ضرب اتكلم مع المتصل شويه وجانا وشو مخلوع شويه كدا قال :
-"ابوي انتحر 😨"
غاده:"نعم "
-"ابوي نتحر في السجن "
ليلى بقت بتضحك قالت:
-"مالكم بتتزاعلو اصلا نفسو محرقاو الى الجحيم يا مصعب "
كلنا بقينا مخلوعين فيها قالت:
-"مالكم حتبكوا عشانو كان عاوز يكتلنا كلنا "
ضحكت واتكلمت:"صح كلامها صح انا فرحان "
محمد:"لحظه آدم كان ما عاوز يطليك من ابوي صح يا غاده "
هزت راسها ب.اي فصرخ:
-"انا الولي حبيبتي خلاص مع السلامه يا استاذ مصعب"
وبقينا بنضحك زي المهسترين مبالغه مش المهم مرت الايام بسرعه ومع نهايه امتحاناتي حسنه ولدت وجابت بنوته عسل شديد ويوم قاعد بونسها جا احمد واتكلم:
-"هي زح منها بتعاديها بشانتك "
-"اصلا جايه حلوة عشان بتشبهني صح يا خالتي"
جا عواد من وين ناطي:
-"هوي يازول بتشبهني انا "
وقامت الشكله والكواريك جانا ابوي:
-"انتو كلكم لا ابوها لا امها اكيد جايه بتشبهني😉"
وغمز
خالد:"كدي يا ابوي اغمز تاني ما كنت قايلك بتعرف تشاغل "
-"يا ولد 😡"
خالد هرب وتاني ما لمينا فيو وهو الممتحن ولسه بيذاكر وكلنا اجزنا لكن جاب نسبه كويسه حتى الممتحن استاذ رامي ومهند لقا ليو شغل وقروشو ما قادر يصرفها لانو ابوي ما رضي يأجر ليو وخلاهو يسكن معانا في الغرفه وهو على اي حال بيسافر كتير اما غرفتي بمشي ليها لما تجيني نفسيات البقت ما بتجيني كتير ومجاهد تاب من كل افعالو وبقا زول كويس ورجع صاحب سمير بس مازي زمان لانو الانكسر ما بيتصلح الموهيم اني بقا عمري تلتاشر عجزت مش😟وكان الوضع هادي وحلو مع الكل وريان بقت بتجينا زيارات كتير وبقت صحبتي لما حسان بقى بيغار 😂😂 وعلياء اتصالحت مع ابوي لكن بعد صعوبه واعتذرت مني انا استاذ سامي حازم بس ما لاقيت حسام تاني والجو بقى احلى في البيت كتير رغم انو في اضطرابات الا انو حلو 😃♥
.  .   .   .   .   .
ساعات بتحس انو كل حاجه انتهت بس اتمسك بربك وبتتحلا ....
نهايه الجزء الثاني♥
اهااا رايكم العام في الشخصيات ؟
في نوع القصه ؟
في القصه زاتها؟
اتمنى اي وصلت ليكم الرساله....
دمتم سالمين!