معنى السعاده2

12

دخلنا وجلسنا وابوي واضح انو قرف من الوضع جا شابين وشابتين الشاب الاول عاين لابوي اول وبعدها عاين لي ورجعويعاين لابوي ابتسم ومد يدو لابوي وقال :
-"كيفيك يا حازم"
سلم عليه وقال بضجر:
-"الحمدلله "
-"انا حمزه يا سامي واكبر اخوانك "
ابتسمت وقلت :
-"اهلا "
الولد التاني عاين لابوي بلامباله وعاين لي بلا مباله اكبر ومشا
حمزه:"محمد تعال "
-"انت عاوزني اسلم على ابن الكلب دا....آسف لكن مستواي اعلى من كدا "
ابوي قام وعاين لي قال:
-"ارح قلت ليك ما يستحقوا تجي عشانهم "
حمزه:"لا يا حازم ما قصدنا محمد ارجع هنا سرعه عشان ما اوريك "
-"ما عاوز ولا شي من واحد زيو "
ابوي طلع وبقيت واقف بعاين ليو اتلفت لي وقال لي:
-"ما حتجي "
-"انا جيت اتعرف عليهم وبس"
-"اها اتعرفنا وشفتهم ارح "
حمزه :"حازم ..."
-"ما تتعب نفسك لاني ما حاسمع سامي اطلع "
كنت عاوز اتعرف اكتر على حمزه لانو شكلو طيب واحده من الشابتين قالت :
-"يااه ومنادينا ليي يا حمزه عشان واحد ذلانا وذل امنا "
وطلعت والتانيه كان شكلها خجوله وكدا
حمزه فقد الامل وقال :
-"كويس اذا كلكم كدا غاده ارح "
ودخل لجوا قالت بصوت شبه مسموع :
-"لا حمزه "
التفت لابوي واشر لي على ساعتو قصدو الزمن قالت غاده:
-"ح...حازم معليش وشكرا لانك جبت سامي ..... ....اتشرفت "
ابوي:"سامي اسرع "
-"خلاص جيت "
مشيت معاه وعند الباب لاقنا راجل وشو شاحب وبادل ابوي نظرات كدا ما فهمتها عاين لي قام ابوي دساني وراه وقال لي:
-"اسرع"
طلعنا من البيت والراجل داك لسه بعاين لي بنظرات خوفتني "
ركبنا العربيه ابوي قال لي :
-"انت كويس"
-"ايوة "
اتحركنا للبيت قلت :
-"ابووي منو الراجل دا "
-"دا مصعب "
-"ليي هو مخيف كدا "
-"انا زاتي متوتر منو ومن اعمالو ...استغفر الله "
-"ابوي حمزه شكلو ظريف "
-"سامي ما تفاتحني في الموضوع دا تاني "
-"خلاص خلاص سكتت "
رجعنا البيت وكان الوقت قريب المغرب لاقيت سمير زعلان شديد قلت ليه :
-"مالك سموري"
-"ما تقول لي سموري "
-"المهم مالك "
-"زهجان بس "
-"ليي "
مشا وطنشني وجا العشا ولما مشيت للسفره حسيت راسي لف وبقيت بشوف طشاش طشاش قعدنا وما قدرت أكل كويس ورجعت لغرفتتي كالعاده وجلست عالارض حسيت بانو جسمي بيبرد وبديت ارجف جا ابوي للغررفه وقال :
-"سامي الليله ما اكلت كويس شكلك تعبان "
لما ركز اتصدم وجا قريب مني وهو بيسألني وانا ما برد من التعب قال لي:
-"سامي رد مالك؟"
تنفسي كان طبيعي والمشكله هنا ما فاهم ليي بيحصل لي كدا "
بقيت بس برجف وبعد شويه دفوني وهديت ابوي قال لي:
-"حصل ليك شنو يا سامي "
-"ابوي"
-"اها انت كويس"
كنت خايف خوفه وصوتي راح من الخوف في النهايه نطقت :"ابوي .."
-"مالك "
-"انا خايف "
ضماني ...صدقوا او لأ دي كانت اول مره يضمني بكل الخوف علي والفرح لاني كويس هنا انا خلاص هديت ورجعت لطبيعتي همست :
-"ابوي"
-"اها كلمني حاسي بشنو "
-"انا كويس....الحصل لي شنو؟؟"
-"جعان؟؟"
-"ايوة شديد"
اخذني لقسمو ووكلني وكان بيراقبني بتوتر كأنو عارف الحصل لي شنو سألتو تاني:
-"الحصل لي شنو يا ابوي "
-"ماف حاجه ما تخاف حتكون كويس "
بعد ما اتعيشت وخلصت قلت :
-"ابوي ما عاوز انوم براي"
-"مالك"
رديت بخجل:"بخاف"
-"ما مشكله تعال قبل ما تنام اقعد هنا "
قعدت وقرا لي قرآن وحصني قلت ليه :
-"ليي كل دا ؟؟"
-"خفت عليك يسحروك "
-"لا ما تخاف ربنا حيحفظني"
ابتسم لي وقال :
-"امشي لي اخوانك "
مشيت للغرفه ولقيتهم بيتعاملو من بعيد مع رامي وخالد ووائل فجأه ههفت لي واتذكرت انو للمياء قالت انو خالد هو الشاغل البت وكان ماف واحد فيهم عارف قلت:
-"هووووي بتاع المشاغلات جاتو حصبه "
سمير اتعجب:"قصدك منو"
-"خالد مش هو الشاغل بت الجيران "
خالد :"!!"
سمير:"كويس يا خالد وراميها فيني بكل دم بارد استنى لما اوري ليك جدي"
خالد اتوتر فقطعت التوتر و
قلت:"صحي جدك في المستشفى"
-"ايوة كل مره بشيل من دمي وينبذني تقول مآكل حلالو"
-"يا ولد سمير عيب عليك "
-"اها يا سامي خبرنا عن اخوانك التانين هم احلى مننا"
لما اتذكرت خفت شويه بس دسيت خوفي وقلت :
-"ماف احلى منك يا سموري "
عواد:"كسر تلج ...كسر ساي"
-"مالكم سمير اصلا ظريف"
سمير:"شوفو شغلتكم الشينين ديل سامي كمان احلى واحد فيكم "
رديت :"انا!!"
-"تفتكر منو "
-"انا اصلا عارف نفسي احلى واحد فيهم "
عواد بزعل:"يعني خالد شاغلها وسمير لاموه وانا دقيتوني لشنو؟؟"
سمير:"لا تخاف يا اخوي حاعوضك وخالد عقابو معاي وابوي قاعد يا بتاع المشاغلات والفارغه "
خالد اكتفى بالسكوت رامي بصوت ميت:
-"ساميي"
-"نعم"
-"جبت لي دروسي"
-"بشوفهم بكره "
-" خلاص تمام "
سألت سمير:
-"وانت يا البتعاقب في الناس البت الضربت ليها قبل ما تطلع دي منو "
-"زميلتي في المستشفى"
-"زميلللللتك عديل كدا 😈 "
-"مخك اصلا عفن "
-"ولي ابت توري ابوي"
-"عبيطه بتاعت مشاغلات ..استغفر الله وزعونا في نفس المستشفى ما عارف كيف حامتحن "
-"بتاعت مشاغلااات 😈"
-"خليك في حالك "
-"زوانا املت تعرس مع القاضي"
حسان :"اففف كرهي للبقول لي القاضي"
رديت:"ما هو انت قاضي ....ولا حتشتغل محامي"
-"لأ ....اكيد قاضي بس ما خلصت دراسه "
-"وانت قاضي "
-"ايوة"
-"تراها بسيطه انت قاضي القاضي حسوني حازم"
-"ياااه انتو ناس كدا الله اعلم انا عشت معاكم كيف "
-"انا جيت قبل سته سنوات بس يعني انت لسه ما عشت معاي "
-"ست سنوات ولسه ما عشت معاك ياااخ "
-"طيب حسان خطيبتك الحلوة رضت "
-"احترم نفسك ولسانك السليط دا بقطعو ليك .... ...وايوه ريونتي راضيه اصلا "
-"ريونتي؟؟"
هنا انتبه على نفسه وخت يدو بخشنمو وقال :
-"قصدي ريان "
-"ايوة يا ريونتيييييي "
-"سامي"
-"ريونتييييييي عايش في الغرام ايها القاضي حسان "
-"انت بتكاوي فيني ؟؟"
-"ايوة ...يا ريونتييييي"
-"سامي بكسرك "
-"تعال يا ريونتييييي"
آدم:"الرد على السفيه مذله ...استغفر الله ما تسكتوا ياخ "
رديت :"اخوك بقى اسمو ريونتي رايك شنو في الاسم الحلو دا"
-"ياخ خلاص مرتو بطل مشاغلات "
-"مرتو ...لا لسه ما عقدوا انت متذكر"
-"المهم خطيبتو احترم شويه وانطمى "
-"خلاص ابرد يا اخونا خلاص حاسكت  "
-"كويس"
-"وانت شغال مدافع مالك اليوم داك نفخت ليه وشو ودممتو "
-"سامي ماف داعي نتذكروا"
-"اها بالمناسبه سمير كراعك كيف "
-"شوفها "
كان حالتها صعبه قلت :
-"ياااع انا ما مصدق كيف عضيت رجلك الوسخانه دي مقرف "
-"رجلي دي انضف من وشك الشين دا "
-"كويس انتو بقيتو عاوزين تخلوني الشين فيكم انت وآدم خلاص انا زعلان "
آدم :"كفايه خلاص قلنا اسفين انسى الفات "
مر الوقت وكنت راقد بحاول انوم بس ما قدرت وفي النهايه كانو كلهم مهبدين ونصهم نايمين مشيت لسمير وسألتو:
-"ممكن نتكلم؟؟"
-"ايوة "
-"خالي الدخلو في موضوع دمك شنو"
-"هو الدكتور الشال الدم مني ولما شاف الاسم سمير حازم كأنو الدنيا سودت في وشو وبقى بهمس بشتم ابوي"
-"في مشكله بيناتهم؟؟"
-"...........