معنى السعاده2

28

كانت لسه مصدومه قال:
-"خلاص خطبتها امشي خبر ابوي "
غاده:"أ...أ.."
-"اها"
-"بالسرعه دي يا آدم"
-"انت رافضه"
-"عاوزة افكر"
-"خلاص فكري وعندك الوقت كلو وانا حاستناك توافقي"
دنقرت للارض:"........"
-"لكن اوعديني بس توافقي والخيار ليك اما توافقي او توافقي"
ابتسمت ورفعت راسها وبقت بتضحك قال :
-"شنو مالك ممكن تفكري بس توافقي"
-"طيب يا آدم اسكت مني حتكتلني ياخ"
-"هااا "
-"ماممكن تكون ما جادي للدرجه دي"
-"نتجاوز انو الموضوع حيربطك بالاهبل القدامك طول عمرك وانو الموضوع عندو تاثير للمستقبل بس وافقي حيحصل شنو "
-"آدم"
-"عيونو"
-"......."
-"قلبت طماطم مالك خجلانه مني يعني ؟"
-"آدم"
مسك يدها وبقى بقول بصوت طفولي:"عليك الله.... ......عليك الله!!"
بقت بتضحك تاني وقالت:
-"آدم انت ظريف خلاص بس خليني استخير اطمن قلبي واوعدك حاوافق قبل ما تقتلني بالضحك"
اببتسم وقال:
-"ودا الدايرو انا "
اتلفت لي وقال:
-"هوي انت الموقفك هنا شنو"
-"جيت اشوف اختي الفي المستشفى الراجيه اخوها يطلع كويس لكن طلع عندك جانب ظريف"
-"انا اصلا ظريف "
طلعت برا على اساس انو حسان وريان طلعو بس لاقني........
مجاهد:
مرت خمسه ساعات وخلاص ما قدرت مشيت لمكتب جدي ولقيتو قاعد(جدو برضو شغال في شركه العيله كلها اتبنت على الشركه دي) اتلفت لي وقال بتوتر :
-"غير هدومك وتعال سرعه "
-"ليي"
-"امشي بس"
غيرت وركبنا العربيه سالتو:
-"لوين "
-"المستشفى"
-"جدي لا عليك الله "
-"مجاهد عشان مصلحتك حتمشي برضاك ولا غيرو"
-"جدي انا خايف"
-"لا ما تخاف وكلو بيعدي بس صحتك متدهورة ولونك شاحب شديد لازم يكشف عليك دكتور "
-"لا لا رجعني البيت"
-"لا حنمشي"
-"جدي طلعني من العربيه دي"
-"......."
-"جدي اقيف"
-"........"
-"جدييييييي"
وصلنا المستشفى نزل وقال لي:
-"جتنزل ولاا انزلك بالقوة"
-"لا لا لا "
قفلت العربيه وامنتها من جوا فتحا بالمفتاح وقال:
-"ان ما نزلت بجرك جر لجوا انزل "
-"ما داير"
-"ماشي خمسه دقايق وجاي القاك نزلت"
ومشا.....
...الراويه....
داخل المستشفى كان في شاب وبت بتتكلم مع المدير وبتتنرفز دخل الجد للمدير وسالو وحكى ليو الموقف البت سكتت لانو الموضوع جادي ...
المدير:"حاولت تقنعوا"
-"ما اظنو يقتنع"
البت جات ناطه :"ممكن اساعد"
طلهت بطاقتها الطبيه وقالت:
-"انا حاتكلم معاه "
عرفتوها ريان ام لسان سليط
حسان:"ريان كفايه مشاكل"
-"لكن المريض لو نفسياتو سيئه ما حينفعو العلاج "
-"اهاا"
-"ايوة خليك فاهم"
-"لا ما فهمت بس عارفك مصره وما حتتراجعي يا عنيده"
-"ايوة بالضبط خليك هنا كدا حتخوفوا"
-"دايره تمشي ليهو براك"
-"اي 😃 وجدو معاي"
(الجد قريب علياء من بعيد عشان كدا حسان ما بعرفوا)
وطلعت..
مجاهد:
اففف مشا يسوي شنو يجيب زول يجرني معاو خفت جات بت طالعه بت سمحه كدا وسمره مع جدي جات بالشباك وشافتني قالت :
-"انت مجاهد"
هزيت راسي قالت:
-"ممكن تطلع نتكلم بس من غير اي ادويه كلام بس"
-"انتتي بتكذبي علي؟"
-"لا تعال نقعد في المصطبه دي"
-"خ...خلاص"
طلعت وقعدنا قالت:
-"جدك قال لي انك مدمن مخدرات"
-"........."
-"انا ريان ومافيها عيب انك تعترف والله كدا انت بتحسن في حياتك ممكن تتجاوب معاي عشان اعرف حالتك"
كان عندي صداع شديد قالت:
-"مجاهد كدا انت ما مساعد نفسك بحاجه لو عاوز تسعد الحواليك وتساعد نفسك اول وريني ....اتكلم معاي"
-"حتدخليني المستشفى صح؟؟"
-"لا لأ ما حادخلك بس عاوزاك تفهم انو العلاج في مصلحتك ماف حاجه بتضرك"
-"ما عاوز امشي"
-"كدي انت وريني المخوفك  شنو"
-"انا ما خايف"
-"خايف لانك بتبلع مخدرات في غيرك كتير اتعالجو وفي وحدين بسطلو ووصلوا لمراحل بعيده ما منها رجو لكن وقت انت لسه فيك امل وكبير اظن العلاج المنزلي حينفعك"
-"منزلي؟"
-"ايوة منزلي بس لازم المره الاولى تخش المستشفى"
-"طيب انا حاخش "
-"وحتتخطى المرحله دي من غير رجعه"
-"ايوة وحاصلح حياتي واربي اختي"
-"اختك؟؟"
-"اختي ربى صغيرة وامي وابوي اتوفوا قبل وقت وعايش مع جدي"
-"اهااا في ناس محتاجك طلع الزول الكويس الجواك"
ودخلنا المستشفى شفت غاده عاينت ليها باستعجاب وآدم ماسك يدها وهي بتضحك كان بيقول في شي بس ما سامعو كويس وسامي برضو معاهم اتذكرت المشاكل الزمان وليي ماسك يدها كدا لفتتني ريان مشيت معاها وجا حسان بقينا بنعاين جوا عيون بعض قال :
-"ريان دا المدمن"
-"ايوة مالو"
-"ابعدي منو!"
-"حسان مالم"
-"قلت ليك ابعدي منو"
زحت مني بحرص نزلت راسي بانكسار ومشيت للدكتور بقا بيسالني اسئله زي كييف ادمنت والمصدر وكدا في النهايه طلع حقنه اتخلعت وابيت جا جدي وقال :
-"وانت خايف من شنو"
-"داير يديني حقنه"
-"مالك؟؟"
-"حقنه ما داير حقنه"
-"لا والجوطه الفي البيت كلها من الحقنه"
هزيت راسي عندي ذكريات ما حلوه مع الحقن والموضوع كلو فوبيا من الحقن جا الدكتور وجاب الحقنه صرخت:
-"لأ زحها مني "
-"بيهلوس بسبب الحبوب ولا اصلا عندو خوف"
-"لا ما وصل مرحاه الهلوسه"
-"تلاته شهور وما وصلها معناه كان متردد  في البدايه "
-"ايوه هو اصلا كدا للاسف "
-"طيب يا مجاهد يا حلو اديك مصاصه "
-" انا ما شافع"
-"بتتصرف زي الشفع ليي؟؟"
-"انا بس ما عاوز حقنه "
-"يا ولدي عليك الله"
اداني ليها وجدي بصبر فيني😭 وبعدين غشوني وخدروني ...
حسان:
بعدين ودوهو وانا متوتر بس مستحيل اثق في واحد زي دا ريان سالتني:
-"سامي مشى يشوف اخوانو ياتم"
-"اخوانه من امو عندو اخوين واختين لكن اخوهو الكبير فيهم اتوفى الله يرحمو الليله واخوه التاني في العنايه والاخوات واحده منهم في العنايه "
-"ياحليلو سامي مسكين امهم وينا"
-"اتوفت بدايه السنه "
-"وااي ياحليلو"
فجأه كدا القاها ليك بتبكي قلت ليها :
-"هوي يا بت مالك"
-"مسكيين! 😭ياحليو يايمه! 😭 كر عليو الولد صغيير!!😭وااااي لكن ما قادرة اصدق !!😭 😭 😭 😭 😭"
-"اها يأم دميعه هسه ما كنا قويين وبنشاكل في الدكتوره "
-"لكن الموضوع بيختلف الود ياحليو قطع قلبي "
-"خلاص ما تبكي يلا ارح ليو طلعوا اصحاب اللسان السليط بيحنو علي بعض"
-"اسكت"
ضحكت ومشيت وصلنا العربيه افتكرتوا جا قبل ما نجي قلت ليها:
-"خليك في العربيه وانا بمشي اشوفوا جوا"
خفت خلاص بقلبي قلت اكيد واحد فيهم مات ولا حصل ليو شي وصلت لقيت آدم وواحده من اخوات سامي آدم عاين لي:
-"حسان؟؟"
-"آدم!!"
-"اها مالك متوتر كدا؟؟"
-"سامي مشا وين "
-"سامي اخونا"
-"ايوة"
-"طلع قال بيستناك في العربيه "
-"ما لقيتو !"
-"ك...كيف يعني "
-"يعني ...مالقيتو حيكون راح المستشفى دي كبيره"
لفينا المستشفى ريان ضربت سالتني:
-"ساعه عشان تجيب سامي"
-"ما لقيناهو انزلي فتشي معانا "
جات هي واخت سامي الكويسه وبقينا مدورين وما لقيناهو للاسف طلعت الشارع واتلفت ماف اثر ليو ضربت لابوي ...
-"ألو"
-"ابوي"
-"حسان مالكم في شنو ما جيتو لهسه"
-"سامي ضاع مننا "
-"سامي "
-"اها مالقيناو"
-"ياخ مامعقوله خلاص بتحرك عليكم "
..................