معنى السعاده2

27

سامي :
رجعنا للبيت وكنت تعبان شديييد الساعه كانت اربعه كدا رقدت في السرير ونمت سرعه صحيت الساعه خمسه ومشيت اكلت واستحميت ومشيت المطبخ شلت منقه واي شي بلقاو بشيلو طلعت برا الصاله لقيت ريان واهلها جايين زياره وكدا كلهم اتلفتو لي وانا شايل بيديني الاتنين وبخشمي ولابس شورت وفنيله داخليه (اتخيلتو المنظر) رجعت لورا بهدوء ومشيت المطبخ اوووه يا ويلنا مع اهل العروس بقيت بتلفت ختيت الحاجات الشايلها كلها وغسلت وشي ماف طريقه امشي بيها الا امر بيهم ودي مشكله بقيت بفكر ارجع كيف جا رامي سالني:
-"حتطلع كدا قدامهم "
-"دي الحاجه المحيراني"
-"مشاكل!! حتسوي مشاكل "
-"عارف عشان كدا ما عاوز اطلع "
-"خلاص امشي انت وبعدين خلي حسان يكسرك "
-"لا لا انت مجنون عاوزني اضيع مستقبلي على يد حسان "
-"ايوة فيها شنو "
طلعت براحه وفررت اموت "
مشيت ونظره ابوي ومها ما مطمنه سلمت بس ريان قالت:
-"انت اكيد سامي صح "
هزيت راسي قالت:
-"حسان حكي لي عنك كتير شكلو بيحبك شديد وشكلك مستحق "
ابتسمت بسرعه ومشيت لغرفتي بالمناسبه غرفتي ابوي سمح لي ادرس فيها واقعد فيها بس انوم مع اخواني "
طلعت فوق لغرفتنا وشلت هدوم محترمه واستحميت سمير عاين لي بطرف عينو وقال:
-"بعد شنو بعد الشواف شاف والعواف عاف "
-"انت اسكت يا استاذ سمير"
وائل جا وكان شكلو تعبان سالتو:
-"انت كويس؟؟"
-"اي كويس"
-"شكلك تعبان "
-"لا ما تعبان "
سمير قام وقال ليه :
-"مما جيت من المستشفى شكلك تعبان "
-"لا ما تخافوا انا متأكد انها اعراض جانبيه بس عشان اول مره يسحبو مني دم "
-"خلاص "
طلع سمير قال لي:
-"الحقو ماشي زي السكران "
مشيت وهو قدمي بيترتح وصل السلم مسك في الدرابزين ومشا براحه براحه فك الدرابزين ووب وقع حاولت الحقوا بس وقع والسلم بتاعنا نصو في الطابق الفوق يعني ما بتشوف من تحت ابوي من تحت سأل:
-"يا اولاد دا شنو الوقع "
رفعتو كدا وما واعي  كوركت:
-"ابووووي وائل وقع"
جا ووديناهو الكنبه والضيوف لسه قاعدين ريان جات وشافتو لانها دكتورة حسنه جات ولما شافتنا متلمين وهي طبعا خواااافه وحامل يعني حتتأذى شديد من بعيد كدا قبل ما تشوف دا منو اصلا قالت:
-"وب علي حصل شنو ؟؟ دا منو؟؟"
جات وصرخت :"وائل !!"
ريان لما شافتها حامل قالت :
-"لا لا هو كويس ما تخافي هبوط بس ما جاتو شي"
-"كدي زحوا لي اشوفو"
زحينا ليها وجات ورفعت راسو في حجرها قالت:
-"مالو؟؟ حصل شنو"
ابوي :"خلاص خلاص اهدي ومعانا دكتوره هنا بتعالجو وقالت انو الموموضوع ما خطير "
قالت :"يلا كدي يا ماما حسنه اهدي عشان ما تحصل ليك حاجه "
-"والحل شنو؟؟"
-"ما تخافي معاي علاج "
فتحت شنطتها الصغيره وطلعت منها حبوب وشالت حبه منهم وجات قالت ليها:
-"حاولي تصحيهو"
اتلفتت لينا وقالت:
-"سامي امشي جيب مويه من الماسورة سمح"
-"طيب"
مشيت سرعه وجيت وحسنه بتصحصح فيو مرت دقايق كدا وما صحى وهي خافت زياده وصوتها بيرجف قالت:
-"ولدي عليك الله اصحى وفرح امك بس "
دموعها نزلت على وشو فكشر ابتسمت بفرح وقالت:
-"وائل وائل اصحى"
فتح عيونو كدا ريان رفعت راسو وبلعتو الحبه دي وككدا هو كان نص نص لا نايم لا صاحي حسنه بتمشي يدها في شعرو قالت:
-"ليي حصل ليو كدا"
سمير:"افتكر انو نقل مرض من المستشفى"
ريان:"لا ما من كدا"
قلت:"ممكن بسبب الدم الشالو منو"
-"شالو منو دم "
-"ايوة "
-"والدكتور الشالو"
-"هي دكتورة "
-"الدكتورة دي ما ادتو نصايح"
سمير:"لا لا "
فارت وصرخت:"دي هسه تستحق لقب دكتورة مافي منها فايده لازم نوريها هي قدر شنو سامي بتعرفها"
-"ايوة"
-"تعال نمشي نديها طقه كدا تعرف بيها الله كم "
جا حسان من بره اثناء ما هي بتكورك قال :
-"هوي في شنو ليي بتكوركي "
-"الدكتورة المدام دي كانت حتأذي اخوك شديد "
-"منو"
عاين لوائل:"وائل !!"
قالت:
-"اي يلا يا سامي "
حسان:"لحظه ماشاا وين "
-"المستشفى اتكلم مع المتخلفه دي"
-"وطلعتنا"
-"اطلع براك "
ومشت للباب بغضب حسان اتلفت علينا ....
ام ريان:"آسفين بس هي ما بتغير رايها بسهوله"
ابو ريان:"كدي امشي ممكن تخجل منك وترجع "
-"طيب "
جات راجعه:"سامي انا بتكلم معاك "
رديت:"حاضر حاضر خلاص "
مشيت حسان قام يتظارف:
-"اسوقك"
-"لا شكرا"(كوووووو 😂)
ابوها:"ريان"
-"ارح سرعه"
ابوها لحق جبهه حسان قبل ما تقع😂😂💔
وطلعنا وانا قعدت ورا وحسان فتح ليها الباب قدام فطنشتو وركبت معاي ورا والجبهه للاسف 😂خلاص ركب وحرك العربيه وهو متنرفز لانها كترتها (صح كترتها مش ولا ما مش) ركب وبقى سايق بسرعه خياليه قالت :
-"حسان هدي السرعه"
-"لا ما حاهديها عندك مشكله"
#حسان_ينتقم_لجبهته
قلت:"حسان براحه "
-"انت اسكت"
وقف في الاستوب اتلفت لينا وحمر ليها وبقى بيضرب بوري من غير سبب قالت:
-"انت مالك يا منفسن "
-"انا منفسن كويس يا ريان "
-"حسان انت زعلت"
-"لا لا فرحت "
-"حسان خلاص معليش ما تتهور كدا "
اتلفت ليها وصاري وشو قالت:
-"انا جاده معاك اذا كل مره بتغضب حتعمل كدا حتودينا في داهيه"
بدا يقتنع وسأل:"قصدك شنو "
-"حسان افهم المسئولييه الجايه عليك افهم انك لازم تبقى صابر لانو الحياه فيها مشاكل يا حسان ولازم تصبر عشاني وعشان اولادنا في المستقبل "
-"ممم"
-"حسان فكري في كلامي وهو صاح"
-"شكرا طلع لسانك السليط فيهو فايده"
-"حسان!!"
-"خلاص"
(سامي عاملين ليهو بلوك 😂 )
بقيت ساكت لما اتفقوا وبعدين عاينت لي وسالتني الاسئله المعتاده بتاعت الاهل وبعدين وصلنا مشينا للدكتورة قالت:
-"معليش عندكم موعد "
-"لا لا جينا نتكلم مع حضره سيادتك يا مقصره "
-"انتوا منو اصلا"
-"انا واحده حيوانه جات داخله من الباب جايه توريك الزفت البتسوي فيهو دا الليله جاك متبرع اسمو وائل حازم ..."
-"اي الجا للمريض محمد مصعب...ايوة في مشكله"
-"ايوة كبيره حضرة سيادتك عارفه عمرو كم"
-"١٦"
-"ايوة وانت اديتيهو جلكوز عشان يرفعو ويقدر يشيل روحو"
الدكتورة :"نسيتو "
-"ينسوك ميته ان شاء الله في زول بينسى دا "
-"اسمعي اتعاملي بادب"
مسكت يد حسان قال لي:
-"اي عارف خليها بتتصرف مع الزفته دي "
الدكتوره قالت :"يا ميرا نادي السكيورتي "(رفعت لي ضغطي😬☹😡)
ريان:"لا ما تناديهم اصلا ماشه للمدير نتفاهم "
مشت قلت لحسان اني حامشي اشوف محمد ومشيت ليهو لقيت غاده وآدم بيضحكو وآخر ونسه ومحمد في النسييان نطيت ليهم ..
آدم:"بسم الله دا جا طالع من وين"
-"محمد كيف"
غاده:"كويس شديد"
-"وليلى"
-"حتبيت الليله على الجهزه لانو قلبها تعبان شويه بس ......سامي "
-"نعم "
-"سامي ابوي قال اننا حنلحق حمزه مع نهايه اليوم وهسه ليلى ومحمد في العنايه احرص على نفسك كويس"
-"وانت ؟؟"
آدم جا ناطي:"انا قاعد ومستحيل يأذي مرتي "
كدي اخدوا نفس وفيقوا من الصدمه نرجع
غادهبقت طماطم قلت:
-"آدم"
-"خلاص دي مرتي وغسبا عن عينها موافقه اها تتزوجيني"
كانت لسه مصدومه قال:
-"خلاص خطبتها امشي خبر ابوي "
....................