معنى السعاده2

18

طلعت من غرفه البنات ولقيت خالد في وشي حمر لي ودخل مشيت لاقاني ابوي غضبان قال لي:
-"نادي الزفت خالد"
-"طيب"
مشيت اشوفو وقفت قدامو هرشني:
-"داير شنو؟؟"
-"ا...ابوي بناديك "
-"افففف"
مشى ليهو الله يستر مشييت لغرفتهم ولقيت سمير سالني:
-"صحي حمزه دا طيب"
-"ايوة هو بس كان عاوز تكون امو بتحبو وابوه بيهتم بيه زي باقي الناس"
اتأثرت شديد وعيوني اتملت دموع وكملت كلامي:
-"كلامو صح ليي يعيشوا ايتام وامهم حيه وابوهم حي مساكين اخواني"
-"سامي معليش ما تبكي"
مسحت دموعي قال :
-"خالد مشا لابوي"
-"ايوة "
-"وهههه...وههههه 😈 "
-"ليي بتضحك كدا "
-"ابوي حيوريهو .....انت عارف يد ابوي حاره "
-"ايوة صح ...لكن انا ما حصل ضربني "
-"انت ما الصغيروني الدلوع لاحس مخ ابوي ساي"
-"انت براك مخك الملحوس"
-"يا ولد احترم الاكبر منك "
-"بالمناسبه مجاهد صحبك 💔"
-"ايوة صحبي مما كنا صغار كنا بنمشي بيت حبوبه نجيب الحطب كان طيب شديد "
-"كان؟؟"
-"المسكين امو وابوهو حصل ليهم حادث كان يومها يوم نتيجه الشهاده السودانيه كان فرحان بدرجتو وطلب منهم يسوقوهو عشان يكرموهو لانو من اوائل المدرسه بس للاسف عملو حادث ماتت امو في ساعتها وابوهو دخل غيبوبه وبعد اسبوع مات اتغير ميه وتمنين درجه بدا بالسجاير والمشاغلات وبقى بحشش وبلاوي تانيه "
-"ممكن هو منهار بس"
-"لا هو شخصيتو بقت كدا وانا مصاحبو لانو جدي قال لي انو ما عندو اصحاب واذا خليتو حينهار شديد "
-"مسكين "
خالد جا اتلفتنا ليهو واضح انو كفتوهو 😂💔 ما عاين لينا مشا على سريرو واترزع...
سمير:"دا مالو كمان "
رديت:"خليهو يفك الزعله "
-"لا انا حازعلو تاني "
-"سمير"
جراهو من السرير فصرخ بغضب:
-"مالك ياخ "
-"اريتو كان عندي مال يا يمه ...بالمناسبه اني ما حتجاوز الموضوع دا "
-"وحتسوي شنو تضبحني "
-"لا لا الضبح هيين "
لفا يدو ورا ضهرو وقال:
-"لكن ما اهون من تأديبك يا عديم التربيه "
-"....فكني"
-"حركاتك التافه خليها وانا حادقك هسه ..."
قاطعنا مناداه ابوي من برا :
-"سامي!!"
مشيت ليهو وخليتهم يتكفتو لقيتو في المطبخ قاعد ومعاه جك عصير ابتسم :
-"تعال اشرب"
-"طيب "
شربت كبايتين ابوي كب التالته ومداها قلت :
-"بطني ما حتستحمل "
-"خلاص انا حاخليهو في التلاجه كل ما تعطش اشرب منو عشان صحتك في الايام الاخيره اتدهورت "
-"حاضر "
رجعت ولقيتهم شغالين مصارعه زي المصارعين الفي التلفزيون بقيت بعاين ليهم وفاتح خشمي وخالد في النهايه بقى بين الحياه والموت...بهظر طبعا بقى مدقوك مرتين وسمير طلع برا طلعت ولقيت ليك ابوي مبسوط الضحكه من الضرس للضرس سالتو:
-"خير!"
-"ايوة اعمامك جايين يقعدوا معانا اسبوع "
-"اعمامي؟؟ طيب "
-"عارف هم غريبين عليك بس دي فرصه عشان تتعرف عليهم "
-"جايين براهم "
-"ايوة مهند وعماد جايين "
-"مهند دا اول مره اسمع بيو ؟؟"
-"طيب دا العزابي فينا مصاحب اخوانك الكبار "
-"ايوااا بس حمزه قال لي انو اخوانك كلهم اتزوجوا وانت كنت الباير فيهم "
-"بايرة امك!!"
-"ابوي 💔"
-"ما قصدي حسان علمني الردح استغفر الله ...المهم دا كان صغير شديد لما انا اتزوجت يعني ممكن يكون قدر حمزه "
-"ايوا"
-"هم جايين "
-"متين؟؟"
-"بكره "
-"بكره !!"
كنت متوتر برضو نفس التوتر القبل ما الاقي اولاد ابوي وكمان اولاد امي كان اليوم ماشي براحه لغايه ما جو اخواني المتخلفين البحبهم 😍 قعدت معاهم عبدالله :
-"احمد مالك زهجان كدا "
اتنهد وهو بعاين للارض بحسره
عواد:"خير في شنو"
آدم:"عشان سميرو ماف"
احمد بزعل:"لا "
رامي:"جود خلتك "
-"جود منو؟؟"
-"حبيبتك 😃"
-"انعل مخك العفن دا ! "
-"براحه علي والباقيات اسمهم منو جود ووعد والتالته نسيتها "
-"يا ود انت نصيح"
-"لا لا شارب 😃"
-"هوي ها الساطل دا دي الاسماء الاخترتها لاختنا الصغيره ...سبحان الله مخك عفن "
-"ممكن تنضفو 😃"
-"انت شربت جرعه من قله ادب سامي ولا شنو"
آدم :"على الاقل طلعك من حالتك "
-"يااه خلوني"
قلت :"ارح نحكي ليو نكته "
آدم :"نكته !!"
-"ايوة "
وائل :"في واحد كتلو مات "
-"قديمه "
-"في واحد  اتزلق وقع "
-"قديمه "
-"في كبايه وقعت اتكسرت"
-"قديمه "
-"في واحد سوى شاي تقيل ما قدر يشيلو"
...طيب نخليهم مع وائل والنكت البايخه ونرجع للجانب الاخر من القصه
محمد(اخو حمزه الصغير):
حسيت بالذل وطول حياتي حاسي بيهو بكره الناس كلها في حياتي قبل ايام حمزه واساني لانو ابوي ضربني حسيت بالامل وانو لسه في زول حاسي بي بس الليله يضربني ويرعفني ويمشي من غير اعتذار بعد ما طلع غاده جات علي وليلى..
غاده بخوف:"دم ...انت رعفان"
ليلى:"قوم عشان الدم ما يأذيك "
قلت :"ما تهبشوني"
غاده:"محمد"
قمت وطلعت برا الحوش الاحنا عايشين فيهو مشيت وغسلت وشي بعد الرعاف وقف ودخلت جوا وطنشت اخواتي ومشيت على المطبخ شلت اكل وطنشت اي زول حذرني اكلت فوق في السطوح ودفنت حزني بالاكل وطلعت من السطوح نازل للطابق التاني فجأه لقيت ليك ابوي في وشي خلاص يومي قفل ما قادر استحمل اكتفيت من الضرب قال لي:
-"طلعت واكلت وانا قلت محرومين من العشا تلاته يوم"
-"وبعدين !! ابوي حمزه الغلطان ما احنا عشان تجي تجووعنا وتاني حاجه انت دايما بتضربني بسبب وبلا سبب ليي اسمع كلامك "
-"لاحق اخوك "
-"اخوي منو هو انا في الحاله العايشها دي بكون عندي اخو ليي بتعاملنا تقول ما انت الجايبنا "
-"يجيب راسك حبل المشنقه!!"
-"آمين "
-"مصر تقل ادبك "
-"حتسوي شنو"
ابوي فاض بيهو وانا عاوز كدا اصلا شغال استفزاز وحرق دم بس مسك يدي بس جريتها منو وقلت:
-"حاهرب وحتتمنى تاني لو تلاقي ولد زيي"
-"والله بس لو ما حرام كان قتلتك انت واخوانك زمان"
-"يعني ...كان بقى حرام الحرام انت مسويهو "
اداني كف وخلاص بدينا برنامجي اليومي ضربني على بطني في نفس المكان الضربني فيهو حمزه خلاص انا حاموت 😃 ومبسوط اموت على يد ابوي على الاقل حيشنقوهو واخواني حيتحرروا من العذاب الهم فيهو بس الليله ما جراني للغرفه المنزويه البقطع فيها السوط فيني خفت ..دا ناوي على شنو الليله شاتني وتاني ما لقيت الا نفسي بدردق في السلم وبقع ولسه في سلم تاني جسمي كلو   وجعني من الوقعه السلم الجاي طويل يارب ابوي تجيهو ذره انسانيه ويخليني..بس لاحياه لمن تنادني شاتني تاني ولقيت روحي عديت الدرب لتحت خلاص بقيت بشهق  من الالم جا علي وابوي لما يضرب ما بيتكلم ولا كلمه بس بيضرب وبيمشي جا علي ورفعني من ياقه قميصي واداني بنيه في بطني خلاص هنا انا........... ..انتهيييييييييييت بقيت ما شايف قدامي جراني وراهو وانا ماشايل حيلي ورماني برا في حوش جدي الما فتحوه مما جدي مات وقفلني قرب مني وهمس:
-"يلا القا ليك زول يحلك يا وسخ "
وطلع اتكورت على نفسي من الوجع وبقيت ببزق دم دم بس ما عرفت انادي على زول وبقيت بتأوه بس ما بصدق دا ابوي المفروض يكون سندي....
....