معنى السعاده2

10

قاطعتو:"انا ما ولدك انت متبري مني"
-"ايوة معليش لاني قلت ليك كدا انت ولدي وحتكون ولدي طول ما انت عايش كدي بس لف وعاين لي لاني ما بتحمل اشوفك كدا يا ولدي انت بتأذي روحك كدا"
صرخت وانا ببكي:
-"ما بتأذى الا لما اتعامل معاكم بأدب "
-"سامي عاين لي بس وريني وشك "
ما اتلفت قلت ليه:
-"ليي قلت كدا عني ...وليي ما وريتني انو امي متزوجه قبلك ...وليي ما وريتني ان عندي اخوان من امي ....وليي وليي ؟؟"
-"سامي انا آسف والله لازم تصدقني كانت لحظه غضب ما اكتر سامي لوعملت كدا حتدمر وانا عارف اني سبب دمارك بس ممكن تديني فرصه "
-"انتهت الفرص"
-"سامي عليك الله ارحم ابوك المسكين عارف البيت هسه مليان مشاكل واتلخبطت"
-"يعني كل ماتتلخبط حترمي اللوم علي"
-"سامي انت ناجح وانا عارف اني ما بستحق ولد زييك بس لازم تفهم انو انت كدا بدمر مستقبلك وعمرك كلو لكن فكر هل الموضوع بيستحق انك تدمرنفسك بالشكل دا عشان  كنا بنكذب عليك "
-"انت عارف انك بتكذب علي "
-"وانا غلطان حقك علي يا ولدي ولو ما كنت عارف غلطي ما كنت جيت واتزليت عشان اعتذر منك"
لان قلبي للجمله دي رغم اني ما عاوز اصفح عنو فقلت ليه:
-"اطلع بره ما عاوز اشوف اشكالكم ولا عاوز اسامحكم كلكم "
-"خلاص يا سامي بكره اتجهز عشان نمشي السوق وتشتري لروحك هدوم "
هزيت رأسي لاني بالجد محتاج هددوم ومشا واليوم البعدو كان الجمعه طلعنا بعد الصلاه للسوق اخواني كلهم مشوا في التلات ايام الفاتو وابوي ما بيسوقنا كلنا لانو بيقول حيسحرونا كنت بارد شديد مع ابوي بشوف السعر وبوريه بس وطلعنا من السوق الساعه اتنين ونص قال لي:
-"شكلك تعبان "
-"........"
-"سامي ما عاوز ترد "
-"......."
-"لو ما عاوز ترد قول عشان ما اتعب نفسي في الكلام معاك "
-"........"
اتحركنا للبيت بسرعه وصلنا ختيت هدومي بالركن على الارض ورقدت على الارض ونمت صحيت الساعه خمسه ونص فجأه لقيت روحي بفكر في كلام ابوي هل انا بدمر فعلا؟؟ كلامو صح مستواي نزل شديد بس هو كلامو صح برضو من جهه الضغط مشكله نسايب حسان وخالي ولمياء وخطوبتها وحاجات كتيره غيرها وانا جيت اتفاصح وهو اليوم داك فعلا ما كان على طبيعتو وكانوا كلهم ضاغطين عليو وانا جيت واتجاوزت الحد والمشكله في دا كلو انا كذبت اصلا  عليهو لاني فعلا عضيت سمير وهو بعد دا بيجي يعتذر انا غلطان وبسبب غلطي هو غلط غلط اكبر منو ابوي المسكين ...بس من ناحيه تانيه منو القال ليهو يعرس اربعه
(😂💔سامي ما بتغيير...معليش على المقاطعه)
وكالعاده سمعت صوت دق الباب عشان اشيل الاكل فتحت الباب ولقيت باميه نفسي في باميه واكلت واكلت ليه جايبنها حبه لازم يجيبو لي اكتر انا لسه جعان طلعت براحه مشيت على المطبخ كانت حسنه ومها في المطبخ وانا اتسللت وفتحت الحله سمعت مها:"ما شاء الله وفي الشهر الكم"
-"يادوب الخامس"
-"يادوب شنو ما مشيتي لكن !! ان شاء الله تجيبي بنوته كدا كفايه اولاد "
قلت بصوت عالي:"هااااا خالتو حسنه انت حامل!!"
ياخ من لساني الطويل
عاينت لي وقالت :
-"سامي الجابك المطبخ شنو"
عاينت للحله ولقتني فتحتها قالت لي:
-"جعان يعني "
هزيت رأسي 😂وانا بضحك قالت :
-"خلاص شيل املا صحنك "
ابتسمت لضروسي وشلت قلت ليها :
-"شكرا وما دايرين ولد دايرين بت اللاولاد ديل كرهونا "
ضحكت وقالت:
-"طوالي نشوف بعدين بت ولا ولد "
ضحكت معاها لي اسبوعين ما ضحكت قالت :
-"هييي مالك قطعتنا معانا كدا قافل نفسك اربع وعشرين ساعه دمرت ابوك "
-"مافهمت"
كان في كرسي وتربيزه بيقعد فيهم وائل عشان بيخجل يآكل قدام الناس وانا الوحيد العارف قالت لي:
-"خير اقعد اكلمك حصل ليو شنو "
قعدت وبديت آكل براحه وهي وقفت عشان تحكي قلت ليها:
-"لا اقعدي عشان البيبي"
عاينت لمها وقالت :
-"وقت سامي عرف البيت كلو حيعرف "
رديت:"اصلا !!"
قعدت وقالت لي:
-"سامي ابوك في الاسبوعين الاخيرين تعب شديد قلقان عليك بقى ما بيآكل وبقى خايف عليك وما بنوم اول اليوم عيونو ما غمضت وكان شكلو متوتر وبيمشي لغرفتك وما بيدق الباب وبيجي راجع ويمشي ويجي ويمشي ويجي حنيت عليهو شديد لكن قال لينا نخليك اسبوعين تصفي ذهنك وتستوعب الكلام القالو ليك ما شايف وشو اكعب من وشي انا الحامل عارفه انو آذاك بس سامي حبيبي عليك الله سامح ابوك ريحو شويه من الجوطه الهو عايش فيها كويس"
-"بفكر"
ابتسمت وقالت :
-"عرفت انك ما حتخذلني يا سامي اصلا قلبك ابيض زي امك "
-"طيب انت عارفه عن اخواني من امي حاجه "
-"لا للاسف لاني حرفيا ما كنت بعرف حازم كويس الا بعد ما اتزوجنا "
-"اهااا طيب ما سمعتي ابوي قال اي شي عن دا "
جات مها وقالت :
-"انا حاحكي ليك لانو الشافعه دي آخر واحده جات للبيت "
واشرت على حسنه اللي قالت :
-"شافعه....بالغتي"
قلت :"اها وريني"
-"سمعت انو عندك اختين واخوين وما عرفت اسماءهم ولا اشكالهم بس في مشكله بين حازم و زول من جهه اخوانك وكدا "
-"اوه الموضوع معقد بس شكرا يا خالاتي الحلوات"
ابتسموا قلت وانا طالع :
-"ما تنسي يا خالتو حسنه بت ما ولد "
كان احمد قدامي وقال :
-"بتتكلم عن شنو "
-"ولا شي بس مامتك حامل "
-"هاااااا امييي ليي سامي عارف وانا لأ"
مشيت على غرفتي ولا قتني لما قالت لي :
-"سامي كيفيك "
-"طبيعي طبيعي!!"
ورجعت لغرفتي وراجعت دروس الرياضيات الغلطان فيها وحليت المسائل من جديد وراجعت الباقي والاسئله الصعبه كانت ساهله ليي غلطت فيها جا ابوي للغرفه قبل المغرب بشويه كدا لقاني بذاكر ابتسم وقال لي:
-"سامي ممكن اتكلم معاك "
قلت لنفسي ليي كنت بسوي في ابوي كدا من اول مره انا بزعل من اخواني وما بقدر اكورك فيهم عشان ما يدقوني وبجي اكورك في ابوي المسكين قلت لنفسي خلاص كفايه وعلى اي حال انا فرحان عشان خالتي فقلت :
-"طيب اتكلم عاوز تقول شنو "
-"اتلفت لي "
-"لأ ما حاتلفت انت وريني اول "
-"طيب سامي اول حاجه معليش بسبب اني قلت ليك ازي اتبريت منك كانت لحظه غضب بس وبالنسبه لكلام سمير هو الوحيد الكان عارف انو عندك اخوان اربعه من امك لانو الوحيد الكان حاضر الموضوع من الببدايه سمير ايام كان اخونك بيجو يزورو امك هنا ايام كنت متزوجها هي وعلياء بس لازم تفهم يا سامي اني لو كلمتك هسه ما حيكون في مصلحتك كنت عاوزك تكبر شويه يعني كدا تبقى عمرك خمستاشر ولا حاجه بالشكل دا لكن عمرك صغير لسه وما كنت عاوز ادخلك في عيله امك تاني "
-"ليي؟؟"
-"سامي ديل ناس ما كويسين "
-"طيب هي امي اتزوجت قبلك منو "
-"راجل اسمو مصعب .........