معنى السعاده2

2

احتد الموقف وسمير نط من سريرو وجا على عواد اللي صرخ :
-"شوف ليك زول غيري تكورك فيهو كان ما انت الغلطان "
-"غلطان بحق ابوك "
نزل فيه ضرب قلت :
-"سمير ما يصح تضربوا زح واتفاهم معاه "
جا خالد وعاين ليهم وزح سمير قال ليه :
-"انت سبب المشاكل ما ترميه فينا "
-"ومشكلتي شنو غير جدكم الحيوان يا معفنين كدي القو ليكم اخو تاني "
طلع برا وقعد على الارض في الحديقه مشيت لعلياء وقلت :
-"خالتي لييه اولادك جايطين "
-"انسى وما تتدخل "
-"طيب "
مشيت للمياء :
-"لمو !!لييه سمير والاتنين فايرين "
-"كب على رأسك مويه بارده وانسى "
-"طيب "
مشيت للما هي البتتفاهم معاي عاده لانها بتدرس معاي قالت :
-"مالك سامي"
-"ليي اخوانك معصبين "
-"خلافات قديمه انساها "
-"عليك الله "
-"سامي انا نفسي ما عارفه ما وروني"
-"طيب"
رجعت للغرفه ولقيت باقي اخواني بيحاولوا يفهموا بس لا جا احمد قال لي:
-"سامي اتكلم مع سمير بيحبك وممكن يحكي ليك "
مشيت لجنبو وقعدت قلت :
-"سمير "
-"شنو؟"
-"ممكن نتكلم "
-"ماف شئ يتكلمو عنو الموضوع منتهي "
-"سمير اخوي وريني المشكله شنو عشان اقدر اساعدك "
بلع ريقو وقال لي:
-"بلوموني لاني اكبر حفيد عند جدي واي شي يلحق العيله بكون انا السويتو وان بقى طقيت راسي مع الحيطه ما بشتغلو بي"
-"سمير؟؟"
-"نعم"
-"لاموك على شنو "
-"طيب في بت ساكنه جيران ناس جدي وبعدين جا اخوها اثناء ما انا برا وقال :
-"ولدكم الحيوان بتاع المشاغلات كان راجل يقرب من اختي"
سكت وبعدين قال :
-"ولاموني عليها "
-"و..انت شاغلتها "
هز راسه وقال :
-"انا ما تافه للدرجه دي وبخاف ربنا"
-"والدخل اخوانك شنو "
-".................اتخارج ياخ انا براي زهجان "
جا ابوي وقعد بهدوء وشكلو غضبان ومليان على الآخر قال :
-"سمير"
-"شنو"
-"عملت شنو واهلك متنرفزين منك كدا "
-"ما عملت حاجه "
-"لا بالله والقومه والقعده عشان حضره سيادتك تقول ماف حاجه "
-"ابوي كلمتك انا ما سويت شي"
-"سامي خش جوا "
-"انا عاوز اعرف"
-"خش جوا يا حيوان "
قمت وخشيت من غير نفس ولاقاني خالد في وشي ولصق لي كف (سبحان الله هو وسمير ..تقول الكف دا وراثه 💔😂) ختيت يدي على خدي وصرخت :
-"انت مجنون "
-"انا المجنون صح !!...طير من قدامي"
اتراجعت وخليتو ما ناقص مشاكل دخلت جوا ورامي في سابع نومه الساعه 8 يا حليلو المسكين عواد كان جالس على درجه بيكتب مشيت جنبو :
-"بتكتب في شنو"
-"خليك في حالك "
-"براحتك "
كانت نار الفضول بتآكلني لازم لازم اعرف شنو البيحصل 😡مشيت لعلياء وقلت :
-"خالتي "
-"شنو"
-"حصل شنو لسمير "
-"سامي ممكن ما تتدخل"
-"وررينيييي 😭"
-"لا "
مشت رجعت لعواد قلت ليه :
-"ياخ مشكلتك شنو انت واخوانك المجانين "
-"خليك في حالك يا سامي"
-"هاااه كلكم ما فيكم فايده"
رامي كان نايم ورامي يدو برا السرير وانا طالع وائل قال لي:
-"ارفع يدو معاك "
-" 😂😂"
انفقعت ضحك عليهو رفعت يدو وغطيتو وبقينا جالسين وعواد رافض يفتح خشمو قلت ليه:
-"شين شين لييه ما عاوز تورينا "
-"لانكم ما عندكم دخل "
حسان بقله حيله:
-"خلاص خلوه احسن لينا "
وفعلا خليناه مشيت لحسان وقلت :
-"حسان!!"
-"خبرك؟؟"
-"آها كيف قابلوك هناك يا العريس"
-"ياخ  كلكم ما عندكم شغله قلت ليك ما حأعرس الا بعد سنتين "
-"يا حرام والعروسه تنتظر كل الوقت دا"
-"وبعدين يعني حتسوي شنو انا اتفقت مع ريان على كدا "
-"ريونه المكرهنا بيها دي.....وبعد دا ما عاوز تعرس يالخايب "
-"خايب براك "
-"اها وبعدين متين حتمشي تزورهم"
-"ما عندك شغله بي !!"
-" 😈"
-"مالك بتعاين لي كدا"
كنت شفت تلفونو في الشاحن قلت :
-"ارجع اقرا قرايتك "
مشيت براحه وسحبتو ومشيت لاخواني برا آدم عاين لي بتوتر وقال:
-"دا تلفون حسان"
-"ايوة "
آدم :"ماف داعي للمشاكل رجع التلفون "
-"ابييييت "
-"سامي جيبو"
-"ابيت حتسوي شنو"
-"سامي خت التلفون"
-"تعال شيلو"
بقيت جاري وهو ساكيني وبنادي فيني و بيكورك:
-"حتكسروا "
قلت بتصنع :
-"يا امي خفتا التلفون حق القاضي حسان "
عبدالله بيتمسخر:"ايوة القاضي لا يريد ان يرى احد هاتفه "
-"يا عيني"
آدم:"وااه انا من سخافتك انت وهو انا زاتي مالي معاكم..... حسان بيجي يتصرف"
مشا لحسان وجبت التلفون وقال :
-"يلا افتحوا"
عبدالله جا علي وقال بصوته الهادئ:
-"وريني من غير ما تورطني تمام"
رديت:"لا ما حتتورط حنرجعو قبل ما القاضي يلاحظ"
-"والرمز يا باشا "
-"ببساطه Hasaan"
-"هو ما غبي للدرجه دي"
-"لحظه وبتشوف"
كتبتو بكل فخر والتلفون:
❌❌ وصورني آدم قعد يضحك وقال :
-"شفت قمه التطور والدلع الشايلو حسان"
عبدالله:"فعلا شايل احسن تلفون"
-"يلا حتسوي شنو يا سوبر سامي وصورتك في التلفون"
ضحك وكمل:"انا مستغرب ليه ما اتكسرت شاشه التلفون من شناتك"
قلت ليهو وبتزاعل:"خلينا ليك السماحه يا حلو"
جا احمد وماشي بكسل قعد جنب آدم وراه الموضوع وبقى بيتمسخر علي معاو قلت :
-"حسان ما حيسوي لي حاجه "
-"لا لحظه متذكر لما شال السيد الكريم الجنبك تلفونو سوا ليهو شنو"
اتلفتت لعبدالله حك راسو وقال:
-"خلاني اغسل ليهو هدومو ❌_❌ "
-"انا اصلا ما بعرف"
-"حيرميك في الغساله مع الهدوم عشان تشوف الغساله بتغسل كيف وتعمل زييها ❌_❌"
-"ما حيقدر"
-"ايوة بس ممكن يوكلك الصابونه ❌_❌"
-"لأ دا خطير واذا مرضت"
-"عادي جدا ما حتقدر تثبت انو هو عمل كدا ناهيك انو ابوي بحبو وانت ما عندك ام "
-"ياااخ دي مصيبه ولييه ما وريتني"
-"نسيت"
-"هاااا غبي"
-"زييك "
احمد:"لأ ومتذكر السيد الكريم في المرة التانيه "
عاينت لعبدالله تاني :"ما عارف يا اخوي بس حسان لما يعصب ممكن يعمل اي فكرة شيطانيه في راسو "
-"شيطانيه😨"
-"ما تخاف يا سامي حازور قبرك وحادعي ليك الله يرحمك واذكرك بالخير"
-" 😨😨😨"
-"يلا مع السلامه "
ومشا عبدالله وقعدت مع آدم واحمد
آدم :"يلا يا سامي اديني التلفون"
-"لأ"
-"جيب التلفون"
كنت زهجان فحبيت اخليه يسكني فقلت :
-"تعال بديك ليهو"
وجريت علي برا بس كان سمير داخل وابوي وراهو فلفيت ورجعت وانا جاري اتزلقت زلقه وحسان طالع يشوف تلفونو راح وين الزلقه كانت شديد والتلفون طار في الهوا واتخبط مع الارض بقوة شاشتو اتشقت لكن لسه انا كنت جاري شديد فاتصدم المرة الاولي زي ما قلت والمره التانيه وفي التالته اتهشم حرفيا بقى بودرة باختصار وانا ما شفتو اوووو الضربه حاره ابوي خاف علي واتكلم :
-"سامي يا ولد انت كويس"
رفعت رأسي واتصدمت التلفون راح فيها
آدم:"الليله !!"
احمد:"لأ التلفون "
حسان كان مصدوم اتنفخ ووشو انقلب احمر من الصدمه واتلفت لي ابوي كان خايف علي
ابوي:"الحمدلله انك كويس"
حسان بانفعال:"بلا كويس بلا كلام فارغ ياريت لو اتكسرت انت ولا اتكسر تلفوني ليي بتتجاري في البيت يا كلب وشايل تلفوني كمان منو السمح ليك تشيلو يا زفت "
قرب مني قلت :
-"اتزلقت ..ما كنت عاوز اكسروا"
-"لا يا حبيبي انت كسرتو وانتهيت "
ابوي:"حسان خلاص"
-"خلاص ؟؟....لا ما خلاص في بيناتنا فهم تاني يابن الكلب!!"
انقذني لانو قال "ابن الكلب"
............................
              صدمه 😨حسان المؤدب
                    عموما رايكم 
                  +صوتوا ♥♥