معنى السعاده2

21

خليت احترامي ورديت بصراخ:"انا ما بتاع مشاكل "
-"ابرد ابرد "
حسان:"سامي اهدا يا زول"
مهند:"فاييير !"
عاينت ليههو بغضب قعد يضحك وبقى بيصفق ويقول:
-"سخن سخن لمن دخن"
حسيت بانو مستصغرني شديد دي شنو االمهزله دي غضبت وصرخت :"اسكت "
-"زعلت "
-"...."
-"طرشق 😂"
ابوي :"مهند بطل حركات الشفع "
قرب مني وقال بغباء:
-"وليي هو متوتر كدا "
دا عباره عن زول ليس جادي بشكل😂😂
خت يدو على راسي وسالني:
-"اها كيف شعورك انو عندك اخوان من ابوك "
-"........"
-"اممم ساكت ساي مالك "
دموعي ملت عيوني حاسي بالخوف من غير سبب فقلت :
-"ابوي عن اذنك "
ومشيت لغرفتي قريت شويه اشغل نفسي وقت النوم جا والبيت هادئ شديد مشيت مليت كوز المويه عشان بشرب بالليل جيت لغرفتنا ولقيتو راقد في سريري عاين لي :
-"داير شنو ؟؟"
-"سريري "
-"دا سريري "
-"من متين قوم لي"
-"انت عارف اني قاعد في البيت دا من قبل ما يفكروا فيك "
-"دا سريري"
-"لا هو سريري انا "
طلعت طوالي لابوي وشكيتو قال :
-"آآ كان سريرو زمان "
-"متين "
-"قبل ما تجي البيت دا"
-"ابوي حلو مني "
-"طيب انت اقعد مع واحد من اخوانك ....رامي"
-"لا داير سرير برااااي"
-"طيب طيب"
مشا ليهو ...
مهند:"حازم ....حبيب بابا "
-"قوم ليه "
-"امممم لكن دا سريري"
-"وهو سريرو كمان "
-"وانا؟؟"
-"مهند يا شافع عليك الله ياخ كون احسن منو"
-"طيب يا حبيب بابا اتفضل "
قام لي وطلع من الغرفه رقدت وشخخخخ نمت
الجمعه :
ما صحيت بدري شديد كالعاده وطلعت لقيتو صاحي هو ذاتو لكن وين الباقيين قال:
-"سامي عاوز اتكلم معاك "
-"انا!!"
-"اي"
-"طيب"
قعدت جنبو قال لي:
-"سامي امبارح انا ما كان قصدي شي والله بس انت بتذكرني بروحي انا الصراحه ما شقيق ابوك "
-"؟؟"
-"انا امي براي زيك بس كنت عاوز اتعرف عليك وانا سئ في التعرف على الناس عشان كدا يلا اعتبرني جيت هسه نتعرف"
ابتسمت لانو بيتكلم بطريقه عفويه بتوحي ليك انو زول مرح ومتفائل قلت :
-"طيب "
طلع من البيت وجا خاشي اتلفت كانو بيشوف في ناس وقال :
-"كيفكم ...اخباركم ...مشتاقيين والله... كبرتو ما شاء الله "
انفقعت من الضحك جا وقال لي:
-"مالك بتتضحك كدا كأني بسلم على ناس خياليين "
-"وانت كنت بتعمل في شنو"
ضحك وقال:
-"عارف؟؟ حازم الخيالي زي الحقيقي صاري وشو كدا زي الجنيه ...والعجب سمير الخيالي دا شعرو التفه وبيقعد ساعه يسرحو ....واما خالد بتاع المشاغلات دا يا زول ان داير رقم بت في الحله التانيه بيجيبو وعواد الشيخ من جوه دا من برا بتشوطن كدا وعامل روحو حاجه كبيره كدا لكن... اه مسيكين ساي وآدم ياهو آدم كدا وشو الصغيروني وماسك تلفونو اربعه وعشرين ساعه وحسان الابتسامه للضرس وعوير عواره لما يدور ليهو حاجه وهسه كمان ماعطنا بريان دي ...وعبدالله دا تقول مريض توحد عندو ابتسامه كدا لما تشوفها بتتعوذ واحمد الحفار بيتسوك وهو بيدرس بياكل وهو بيدرس بيتنفس وهو بيدرس باختصار دراسه دراسه التقول النجاح دا حقو براو ووائل دا عباره عن زول عفوي بشكل وطيباان لكن لما تقوم كديستو عليو بيجن ويتقلب ميه وتمنين درجه ورامي الممتحن ما شفت ليو شي سافرت وهو صغنوني كدا"
ضحكت ضحك علي كلامو قال لي:
-"مش ياهم اخوانك وابوك "
ابوي من وراهو :
-"انا صاري وشيي زي الجنيه مش؟"
رديت:"ايوة امش شوف المرايه "
-"لا بالله ...ايوااا عرفت سامي جايب العواره من وين سبحان الله الطيور على اشكالها تقع "
ومشا ابتسم مهند وقال لي:
-"اها اصحاب"
مدا يدو فرديت وانا بصافحو:
-"اصحاب "
-"كدي تعال وريني الملح وين مطبخكم دا غريب "
-"طيب تعال"
مشينا وعلياء كانت قاعده تسوي الشاي اشر لي اني اسكت شلت الملح علياء وهي بتعاين لينا:
-"مهند ارحمنا من مقالب الشفع دي "
-"ما عاوز اعمل حاجه جيت اشرب مويه "
-"وانت يا سامي داير الملح لي "
-"لا ما دايرو"
ختيتو وطلعت طلع وراي وهمس :
-"محتاجين ملح "
فتحت يدي المليتها ملح لما كان بيتكلم معاها قال لي:
-"رهيييب لكن تعال "
مشينا كبينا الملح لابوي في شايو ضحك وقال :
-"هاك تلفوني صور فيديو"
-"طيب "
شلتو وادسيت وابوي جا ........
حمزه:
عرفت انو البنات ابوي عرف محلهم ...اففف الخسيس مشيت للبيت لاقتني خالي ايهم الجابو شنو هنا بس كنت فرحان لشوفتو لما شافتني قال :
-"كيفيك يا ولدي ...وين باقي اخوانك "
-"ما عارف اظنهم جوا بشوفهم "
دخلت وابوي جا طالع سالني :
-"الجابك شنو مش هربت "
-"اخواتي وينهم ومحمد عارف ومتاكد انو عندك يد في اختفائو وديتو وين"
-"اول حاجه اخواتك ما تورطهم معاك اذا عاوز تهرب اهرب براك ومحمد ... امشي شوف ليك درب"
-"كتلتو !"
-"لا ما كتلتو لقيتو ميت  "
-"يا حقير "
-"حقيره امك "
-"اخواتي؟؟"
-"ما لقيتهم هربوا مني اطلع من البيت دا لانو وشك ما عاوز اشوفو "
-"كأني مشتاق لوشك يا حقير"
طلعت يا ربي اخواتي حيكونوا وين ومحمد بالجت مات ليي كدا يااخ اه انا هنا وما لاقي ولا واحد من اخواني يا ربي ساعدني طلعت من البيت وكلمت خالي قال لي:
-"تعال اسكن معانا "
-"انت عارف انو جدو ما بحبني فخليني لو سمحت "
-"طيب "
مشيت وقررت بكره استشير حازم قبل ما اسافر ...
مجاهد :
الخميس الساعه سبعه مساء :
قمت بعدما زعلت شديد ترفضني لي فيني شنو غلط اففف خخلاص لازم انساها نزلت تحت لجدي وحبوبتي حبوبتي جات جنبي وقالت :
-"كيفيك "
-"كويس"
جات ربى من برا كانت في اولى ابتدائي جات لي فرحانه شديد قالت :
-"ليي ما طلعت زعلتني شديد كدا احنا ما حنكون اصحاب "
-"لا معليش خلينا اصحاب "
-"لا انا زعلانه حوريب"
(حركات زمان حوريب وصوليح متذكرين )
قمت عشان اطلع اجيب ليها حلاوة وانا ماشي بظهر واحد من البيوت سمعت صوت بت بتكورك :
-"الحقوني "
خفت ومشيت افتكرت في حرامي في البيت او حاجه كدا كسرت الباب وكان ضلام دخلت جوا وولعت الانوار ومشيت لبابها قلت :
-"خير مالك؟؟"
-"طلعني من هنا "
-"زحي من ورا الباب حاكسروا "
كسرتو وكانت ما لابسه طرحه او شي يغطيها طلعت بسرعه قلت من برا:
-"مشكلتك شنو مالك بتصرخي"
-"اخوي في الحوش عليك الله شوفو "
طلعت الحوش وكانت عليهو حاله كنت قايلو انتهى بس لسه قلبو نابض وبيتنفس بس تنفسو ضعيف لقيت روحي نسيت التلفون كوركت للبت:
-"اضربي للاسعاف سرعه "
اتصلت ومسافه ما يصل لبست عبايتها واختها كمان مع انو شكلها تعبانه يحليلهم جات الاسعاف وشالو الشاب ومشينا معاهو دخلوه العنايه طوالي وبقينا مستنينو سالت بت قبيل:
-"حصل ليكم شنو"
اختها بقت بتبكي بس اما هي عاينت لي بنظره فاضيه شديد وقالت :
-"شكرا ليك "
الشرطه كانت امنو البيت وبيفتشو في الادله قلت :
-"استهدي بالله وكلميني مالكم "
-"طيب ...اخوي لقيتو كدا "
-"وانتو الحبسكم جوا  الغرفه شنو"
-"ممكن توقف اسئله "
-"خلاص اسمك منو"
-"ليلى....ليلى مصعب"
-"واخوك عشان اسجل بياناتو"
-"محمد مصعب"
-"طيب"
جو الشرطه وحققوو معاها وابت تتكلم بس اختها بقت بتصيح وهي بتبكي:
-"دا ابوي وماف غيرو "
اتهجمت منها كيف ابوها مستحيل استمروا بالتحقيق ومحمد دخل غيبوبه ما معروف يصحى منها متين ولسه الوضع ما مستقر ........