معنى السعاده2

9

-"مستحيل الصايعه قليله الادب كانت خالطه معاهو اصلا "
-"كتمت!!"
-"كتمت ساي بس غريبه رفضتو "
-"وكيف عرفتي انتي"
-"شفتو معاها كم مره ويوم كانت طالعه مع صحباتها وكانت معاهو اصلا شفتها وانا راجعه البيت يوم كان  ابوي ماف"
-"صح اتذكرت ولكن دا ما دليل "
-"لكن ....خلاص انسى قصه الخلط شكلي ظلمتها"
-"لكن من جهه تانيه الموضوع يستحق التحقيق "
-"معاها لأ...انت بتهظر يا مجنون البت دي ما نافعه حتقطعنا "
-"ليي انت يعني ما مصاحبها واختها والكلامات دي"
-"لأ يا زول بتكرهني"
-"مستحيل"
-"لا صدقني انا افضل لي اني اعيش مع سمير بين اربعه حيطان وما اعيش معاها البت دي ..بكرهها"
-"خلاص بالراحه عليها "
-"لا يااخ انت على فكره عايش في جنه بالنسبه للانا عايشاهو معاها "
-"هممم .....ما بصدق "
-"براحتك "
فجأه سمعت صرخه ابوي:
-"سامييي!!!"
قلت :"الليله حيقتلني "
قالت:"اوف كشف اني كنت بكضب
الصوت:"سامييييي!!تعال قبل ما اجيك"
مشيت وقلبي في يدي لقيت معاهو سمير وعبدالله وحسان وكلهم بعاينو لي قلت لابوي بابتسامه مستفزه:
-"كنت بتناديني!!"
-"عارف ليي"
-"كيف اعرف انا ما بقرا الافكار"
-"بايخ"
-"شكرا!!"
-"سامي عندك فرصه تبرر لي البيحصل والحصل وان شاء الله حابرر ليك الحيحصل"
خفت شديد اعاند واطول لساني ولا اتراجع اففف  اعمل شنو اتهورت وقلت :
-"ما حابرر ولا شي"
-"ليي لازم كل مره تعمل مشكله .....اففف ياخ كرهتني انت دايما سبب المشكله البتحصل ما ممكن تكون اصغر واحد وتحاول تتملك حاجه ولو عاوز تنال احترامي ابدا ما حتنالوا واثبت لي هسه"
علا صوتوا وهو بيقول :
-"ما ممكن معاك طريقتك دي غيرا"
سكت شويه لاني بخاف بجد لما ابوي ينهرني بالطريقه دي خلاص حابكي بس لا حاولت اخفي صوتي الخلاص حيبكي وقلت :
-"ما حاغيرها عندك اعتراض"
شداني من فلينتي وصرخ:
-"ما تغيرها اصلا انت ما منك فايده وطول عمرك ما حيكون منك فايده ولو عاوز تقوى رأسك علي ما بتقدر.."
سكت للحظات وبعدها قال:
-"ذليل وطول عمرك حتظل ذليل وصدقني لو مفتكر انو اخوانك حيحترموك بالطريقه فما تحلم انو زول يحترمك وانا شخصيا ما حاحترمك ولآخر يوم في حياتك وآخر يوم حتعيشوا في البيت اعتبر اني اتبريت منك انت ما نافع ولا ولدي "
حسان اتصدم من كلام ابوي وحتى البقيه بس هو اتكلم:"ابوي لا ما تقول ليه كدا "
صرخ:"انت اسكت قبل ما تلحقوا "
وانا خلاص انتهيت اتصدمت صدمه لدرجه انو حاسي بقلبي بوجعني وبديت ابكي ورأسي لتحت قال لي:
-"فاهم!!"
رفعت رأسي ليهو نظرتو كانت قاسيه بس لما شافني حسيتو حن علي بقيت بشد يدو عشان يفكني وهو لسه بعاين لوشي بصدمه ...لييه بيتصدم كدا هو السبب فكاني واترميت على الارض وانا خايف منو اذا اتبرى مني حيوديني وين عاين لي واخواني كلهم مصدومين لانو الصراحه ابوي صح عصبي بس ما بيغضب كتير وبسرعه لكن انا اغضبتو لدرجه ما معقوله لدرجه انو .... يتبرى مني💔💔 انا كريه للدرجه لدرجه انو ابوي المفروض يكون اقرب زول لي اتبرى مني بقيت جالس على الارض...
حازم:
اففف جا في الوقت غلط وانا اتكلمت غلط غضبت اكتر من اللازم يتيم وعملت فيو كدا بس ما وعيت لنفسي غضبي شديد ولسه مصر اني ما اكسر كلمتي
سامي :
بقيت على الارض وبرجف ولسه هو بيصرخ فيني:
-"طير واتقفل في الغرفه وما تطلع تاني"
ما قددرت اقوم حسيت اني حاموت خوف بس مسكني من يدي وجراني وراه بس في الللحظه دي جات لمياء وقالت :
-"ابوي عاوزة اتكلم معاك "
-"ما فاضي هسه"
-"ياخ الاغبياء ديل العبيط دا عاوز يعرف قصه سمير اوريك شنو القصه....كلها انو سمير مشا يدي من دمو لجدي لانو الحفيد الوحيد الدمو من نفس الفصيله ولما طلع لاقوه عصابه في الشارع عاوزين يسرقوه ومسكتهم الشرطه وحققوا معاه وبعدين طلع برئ وخلوه وبعدين خالك قال جاي عشان نصيب اخوانك في ورثه امك و....."
ابوي:"كفى"
-"لا لمتين حيكون جاهل كدا عندك اخوان تانين من امك فهمت وعشان خالك اتدخل في موضوع سمير وتبرعوا بالدم لجدي وهو بدلوا وكدا وكل مافي الموضوع انو اهلك كلهم متبرين  ومن امك وقصتو مع جدي واخوانو اصلا عواد هو النقل الكلام غلط لانو خالد هو الشاغلها وما سمير والاهل الطيبين شابكينها  في سمير وبعدين الموضوع ما عدا على خيروانت سبب كل المشاكل فعليا واخوك الخاطب دا اصلا خطيبتو الهواله كانت قايلا حصل ليو حاجه وبقت بتبكي واهلها جو هنا وحصل الحصل وبسببك البت زعلانه واهلها مطربين من سمير  "
اتصدمت عندي اخوان غير اخواني ديل مستحيييل ما بصدق انو عندي اخوان تاني بقيت بعاين لابوي الما فكاني رجعت لغرفة امي وقفلت الباب ببكي ما عندي سند ولا زول اتكلم معاه انا منبوذ شديد اهل امي واصلا متبرين مني اخير لو كانوا ميتين وعندي اخوان من امي ..ابوهم منو...امي ما كلمتني بحاجه زي دي يعني اتزوجت غير ابوي قبلو الحاجه دي ما داخله رأسي لسه حسيت بالخذلان داسين مني كل شئ انا ما صغير بقيت ببكي بصوت عالي ورقدت على الارض واتكورت على نفسي وبقيت ببكي لما تعبت ونمت صحيت الصباح ومشيت لغرفتنا اتجهز للمدرسه ما مهتم حاطنش كل شي وكانو ما حصل اي شي في حياتي واخواني ما عاوز اشوفهم اصلا كفايه ديل المكرهني حياتي انا بكره كل واحد فيهم حتى لو ما بعرفهم بكرههم وحتى البعرفهم بقيت بكره كل زول في البيت دا شلت هدوم المدرسه وهم بعاينو لي كانت عيوني بس بتقول (انا بكرهكم) ولا اكتر ولا اقل لبست هدومي وشلت شنطتي الوقت بدري شديد  مشيت لغرفه امي واستنيت فيها حتى جا الوقت وطلعت للمدرسه وابوي قال لي:
-"تعال اشرب شاييك"
-"......"
عاينت لييه بطرف عيني وطلعت ما عاوز منهم ولا شي وصلت المدرسه رجعت من المدرسه واتقفلت في غرفه امي كتبت واجباتي وانا ما واعي بكتب في شنو قريت وحفظت حفظ بالفاصله عشان اطلع كلامهم من راسي تاني يوم لقيت شغلي كلو غلط في غلط واجباتي كلها غلط وكراس الرياضيات بقى شخابيط بأحمر التصحيح ومر اسبوع والاساتذه بيسألوني ليي مستواي اتدنى فما بجاوب وحسام كمان سالني وبقيت بطنشو وهو ما بيستسلم بسهوله الموضوع غايظني شديد لكن ما بقدر اقول ليه لأ فبقيت بأجل ليو كل مره لما استسلم وخلاني مر الاسبوع التاني على نفس الحال بيختو لي الاكل برا بآكل بس الاكل ما فيه طعم ابدا وفي اليوم الاخير جا ابوي ودق الباب وفتحو ما التفت ليهو وجا كنت بنام على الارض وكل حاجاتي على الارض قعد جنبي وقال لي:
-"سامي "
-"....."
-"سامي يا ولدي ..."
قاطعتو:"انا ما ولدك انت متبري مني"
-"ايوة معليش لاني قلت ليك كدا انت ولدي وحتكون ولدي طول ما انت عايش كدي بس لف وعاين لي لاني ما بتحمل اشوفك كدا....