معنى السعاده2

24

طلع الدكتور من غرفه محمد غاده سالتو:
-"يا دكتور؟؟ هو حي"
-"بنسبه ضئيله جدا"
-"بس حيعيش اكيد مش"
هز راسو بالرفض ومشا رجعت تبكي تاني بألم
غاده:
"ليي مشيت وخليتنا في نص الدرب ليي يا حمزه  كنت الوحيد المتحمل ابوي المتحملنا كلنا اتحملت محمد وهو بيتذمر واتحملت ليلى وهي بتشتم اتحملتني وانا ضعيفه حمزه انت الوحيد فينا القادر يشوف الخير في الجاي الوحيد القادر يكون سند للورا والقدام .....انت الامل الرديت لقلبونا الروح ... اشتقت وربي اشتقت لصوتك وسويعات ما قادره اتحمل ما عارفه اعيش باقي العمر كيف من دونك يا السند يالضل في عين الشمس يا فرحتنا لما نشوفك من زمان ما كنا صغار ..
...زمن كنا بنستناك جنب الباب زمن الطفولة زمن الطيبه والود ...انت الوحيد العذبو ابوي اكتر من غيرو بس كنت متماسك عشاننا عشان تقدر تسندنا الحمدلله ربنا ريحك من العيشه الضنك دي ربننا ريحك من هموم الدنيا المافيها خير بس سبتنا كدا ومشيت من غير وداع ما كنت قايلاها آخر لحظات لو كنت عارفه كنت ما خليتك تطلع ...وهسه بتمنى ترجع ولو لحظات اشبع نظري بيك بس 💔اشتقت لشوفتك 💔"
سامي:
بقينا مستنين وانا متكل على آدم وهو بيطبطب على ظهري بس دموعي ما قدرت اوقفها وبعد ثواني جا نفس الدكتور راجع وهو ماشي بخذلان بفقدان امل دخل ومرت دقايق وطلع بهدوء قال :
-"المريض في غيبوبه وممكن تشوفهو بس اتوقعو اي شي "
دخلنا بسرعه كان عليه اجهزه كتيره ومؤشر النبض ..
بيضرب.....بيضرب فجأه بقى بيضرب اسرع واسرع نادينا الدكتور جا و جهزوه لعميله وعاجله مرت الساعات ليلى صحت بس كانت تعبانه شديد مشينا ليها وكانت بتبكي همست :
-"حمزه "
غاده :"ليلى انت كويسه"
قامت وقالت بهيستريه:
-"حمزه ما مات صح ؟؟ا..انا كنت بحلم بس "
غاده سكتت ورجعت تبكي ليلى اتلفتت لي وقالت :
-"سامي اتكلم! حمزه حي صاح حمزه حي وبفتش فينا"
هزتني وقالت :
-"اتكلم كلهم كلمتين حمزه حي انطق"
خفت عليها شكلها مصدوم شديد وصدمني شكلها وزاد انهياري
ليلى:
"حمزه!!لو بس بتعرف الحزن الصابني لما سمعت بموتك ما ناقصين والله ما ناقصين موتك يالسند يالقدوة يالروح ......ارجع بس واحلف تاني ما حاعارضك وما حاقول ليك شي بس ارجع ..
....حمزه 💔"
غاده مسحت دموعها وهمست :
-"ما تبكي هو مات ....مات بس ربنا رحمو من العيشه دي رحمو من ابوي "
غاده غضبت شديد واتحولت كتير ما بقت الخجوله الصوتها واطي صرخت:
-"كلو من مصعب دا حاقتلو ولو بيديني يموت الله ينعلو ...ربنا ينتقم منو ومن العملو فينا "
قلت بتلقائيه:"آميين "
ليلى بقت ضايعه كنت حاسي بغضب شديد على مصعب وفي نفس الوقت حزن على حمزه وقلق على محمد ...
وائل:
رجعنا البيت الساعه تمنيه صباحا كدا لقيت في سمير ومجاهد في البيت ومهند وعمي عماد ابوي ماف وسامي ماف وآدم والبقيه ياهم سلمت وقعدت جا في بالي اسأل عنهم بس سالني مجاهد:
-"ياااه التوأم المرح مالكم"
عواد عاين لي وعاينت ليهو من غير ما واحد ينطق بشي احمد اتدخل:
-"اتشاكلو يوم ما متذكر وهسه قالبين على بعض "
خالد جا من بره
سمير:"اوبااا بتاع المشاغلات كبس "
خالد بطرف عينو عاين لسمير وقعد مهند اتكلم بشقاوة:"انت طالع لعمك مهند "
خالد:"..... 💔"
-"اها البت سمحه ولا شنو "
مجاهد :"اعوذ بالله منكم "
سمير اتكلم باستهزاء:"كدي عاين لنفسك "
سكت من غير رضا مهند اتكلم :
-"اها اخوكم دا شكلو لاحس مخ حازم "
سكتو كلهم قال :
-"مالكم سكتو ما كلامي صح "
سمير:"قاصد منو ...القاضي"
حسان فار:"سمير"
مهند :"لا لا الصغيروني"
كانو ناسينهو مره واحده لانو لما نقعد كدا بنتذكر الايام قبل ما يجينا سامي قلت باستدراك:
-"قاصد سامي"
سمير:"آآ..تخيلو نسيتو تماما "
حسان :"ما براك "
مهند :"ما لاحظتو شبيهي كمان ماف"
-"شبيهك منو؟؟"
-"آدم"
-"ااااا عندي زهايمر"
-"واضح "
احمد وهو بيشبك اصابعو:
-"يا جماعه عن اذنكم بس عندي شيت لازم اراجعو.. "
مهند:"ياااه جايكم من قطر عشان تمشي تقرا "
-"ان باريتك ما بنجح "
-"الليله الجمعه "
-"ما تكترها بدقك "
وطلع فوق ...
مهند:"هوي دا مالو فايير انتو شنو الحصل ليكم شنو سمير عارفنك اخلاقك في مناخيرك بس الباقيين ... مبالغه بالذات انت وائل"
سمير:"وراثه من ابوي"
رديت:"لا انا كويس بس حاسي بانو في حاجه غلط ابوي وسامي وآدم لهسه ما رجعو"
مجاهد:"ثواني ...يعني البت الاسمها غاده دي اخت سامي "
سمير:"ايوة"
-"حلاة الدنيا عليها "
-" مجاهد😒"
-"ياخ خلاص انت مالك معاي "
سمير فار :"ما انت هو الامبارح كنت بتشرب"
-"سمير!! 💔😨 "
-"خلاص كفايه ما بقيت قادر اطيقك كدا وانت بتشرب ودا اقل شي"
-"سمير قلت ليك كانت هفوه "
-" هفوة😒،لا بالله"
مهند:"بتشرب ؟؟ وسمير انت مصاحبو ....حازم لو عرف حيكسرك"
-"لا لا خلينا من صحوبيتنا دي "
مجاهد بصدمه:"سمير 💔"
-"مالك انا لو صاحبتك اقل شي حيحصل انو مستقبلي حيضيع "
-"خلاص احتفظ بمستقبلك وانساني"
وطلع من البيت بهدوء وهو بيتمتم مع نفسو كملنا ونستنا عادي لغايه صلاه الجمعه جا عمي عماد وقال :
-"هووي يا شباب صلاة الجمعه اقاموها بعد دا بطلوا الونسه الفارغه يلا يلا عواد مش عامل امامهم وشيخهم يلا اتخارج "
قمنا نتجهز للصلاه ومر اليوم حلو لانو جونا قرايبنا وكانت لمه كدا كلنا شبابحلوة القعده معاهم ابوي جا بعد الصلاه
بساعه كدا كان شكلو كدا زعلان ...
سمير:"ابوي مالك ...اها لقيتوهو كيف"
-"اتوفى"
-"محمد"
-"لا لا حمزه "
-"حمزه"
سمير جاتو صدمه قال:
-"كيف ...كان يستنى شويه نودعو 💔"
-"الموت ما برجي زول خدوها عبره ليكم كلكم الموت قريب "
عواد:"الله يرحمو...ومحمد"
-"والله دخل غيبوبه وهسه في غرفه العمليات "
مهند:"وآدمووو معاهم "
-"ايوة هو وسامي .....يا جماعه خلو بالكم من سامي موت حمزه ما هين عليو "
-"شاكلتو قبل ما يطلع "
-"اه منك انت "
مشا ينوم وبالعصر كدا الجماعه ودعونا وبقيت
نا ناس البيت مشيت لامي في غرفتها لقيتها بتسرح في شعرها قعدت جنبها قالت :
-"مالك يا ولدي"
-"ما عارف ...امي"
-"مالك قلقتني"
-"امي "
-"...."
-"امبارح..."
-"امبارح حصل شنو ؟؟"
-"شفت....شفتها "
-"شفت منو"
بديت ارجف لاني اتذكرت قالت:
-"وائل حبيبي مالك ؟ شفت منو؟"
لساني اتعقد ما قدرت اتكلم من الخوف قالت:
-"وائل قول بسم الله واتكلم حبه حبه "
-"امي"
بديت ابكي من الخوف ضمتني وانا بس برجف من غير كلام جا ابوي وبيقول:
-"حسنه ...وائل "
جا قريب وسألني :
-"مالك؟؟"
امي رفعت رأسي وعاينت لي بشفقه وضمتني تاني همست لابوي:
-"بيبكي"
ابوي :"ليي؟؟"
-"والعرفني شنو اطلع ممكن يوريني "
-"اففف وانا "
-"حازم ما بهظر"
-"ياااه"
طلع بتذمر امي ختت يدها في راسي وبدت تقرا لي زي ما كانت بتعمل وانا صغير قبل ما امشي الروضه هديت شويه وشلت نفسي قالت :
-"وائل "
-"امي"
رجعت اتذكرت وبديت ابكي تاني لكن قدرت تخفف عليي لما قالت :
-"قول اي شي وبراحتك وانا بستنى"
-"امي امبارح شفتها شفت....."
.....