معنى السعاده2

35

احمد قعد يضحك وقال وهو بيرفع اصبعو:
-"انا احمد واحد👆😃"
ابتسمت معاهو الباب دق جرى احمد الصغيروني وفتح الباب دخلت شابه وقالت:
-"السلام عليكم "
محمد كورك بفرح:"سوسو بقيتي كويسه"
-"اي يا حمودي اها اخوك كيف عاملك"
-"بيخلني استناهو في الشارع وقت طويل وما بيعرف يطبخ"
-"خلاص ما تزعل يلا اسوي ليك شي تاكلو ...اكرم عاوز"
-"ايوة وزيدي الاكل صحبي معاي "
مشيت معاهو لغرفتو وجاب الكتب وعاين لي سألتو:
-"دي منو ؟"
-"دي ام بديله لاحمد "
-"الشافعه دي"
-"الوحيده البقدر اثق فيها كانت بتحب امي وهي هسه بتحب احمد "
-"وقرييباتك المفروض يكونوا بدل الام البديله دي "
-"احمد خليك في حالك انت جاي تقريني بس"
-"اقريك؟؟ انت شافع عشان يقروك "
بدينا قرايه كدا وجابت سوسو الاكل ما عارف اسمها منو المهم سوسو جابت الاكل واكلنا كان طبخها حلو ورجعنا نقرا بعد خلصنا قال لي :
-"خلاص كدا"
-"اي طلعت بتحفظ سرعه"
-"طيب بتعرف تلعب بالPs2"
-"بتهظر اكيد كيف ما بعرف "
وشغلناهو ولعبنا كورة وشغالين نلعب جا حمودي وقال :
-"هوي المغرب اذن وانتو لسه بتلعبو "
اكرم عاين ليهو:
-"حمودي شوف ليك لعب وخلينا "
-"ومنو الحيذاكر معاي"
-"فاتت"
-"اي ضرب ليها زول ومشت "
-"ما كلمتني "
-"اي"
-"ليي ما كلمتني ياااخ مافيها فايده ما نافعه زاتا"
-"ما تبعدها مننا عليك الله"
-"حمودي دا شغلها هي "
-"شغل يعني انا شغلها وهي بتتهتم بي عشان القروش"
-"اي هي اصلا كل الناس كلاب مال"
ما قدرت امسك نفسي وقلت:
-"اكرم لأ "
-"انت مالك ؟؟"
-"ما يصح كدا خليهو الكلام دا كبير عليهو شافع"
-"انت جاي توريني كيف اربي اخوي"
-"ايوة لانك جايب ليهو واحده غريبه تربيهو"
سكت شويه وفجأه حمودي جاني ناطي:
-"هوووي سوسو صحبتي وعندنا سر"
-"سر؟؟"
-" ما بوريك هو سر"
اكرم كورك:"افتح خشمك واتكلم هسه قالت ليك شنو"
ودا انفتح فينا وبقى بيكي ومشا على غرفتو وقفل الباب اكرم عاين لي قلت ليهو:
-"فالح بكيت الولد ممكن تحكي لي عشان ما تدمر نفسيات الولد دا "
-"طيب ارح نصلي في الجامع"
-"واخوك"
-"خليهو عادي متعود"
-"لكن...."
-"ارح"
مشينا وصلينا واثناء ما نحن جايين طلع سيجارتو وولعها وانا ريحه السجاير براها بتقرفني مدا لي سجارة وقال:
-"اتفضل"
-"شكرا ما بسجر"
-"انت ليي مثالي كدا"
-"ما تهلك نفسك"
-"اهااا "
وبقى بسجر بمزاج نوع الناس البيغيظو لما يسجروا ديك عرفتوهم المهم قال لي:
-"امي اتوفتت زمان لما حمودي كان عمرو سنتين بس وانا كنت في اولى ثانوي امي ما كانت زوله ظريفه مع الناس وكدا ولا كانت بتمشي تزورهم وكدا فماف زول اشتغل بينا وكنت مفروض اعيش نفسي واخوي كويس انو الورثه كانت خياليه ودخلتها في استثمار وخسر للاسف وكان فضل شويه قريشات وعشت ايام ما بتتخيلها لما لميت قروش ولممت روحي تاني واخوي اصلا امي موصيا ليو خالتي على انها تربيه وتربيني بس كانت كريهه كانت بتضربو وعمرو يادوب تلاته سنه طردتها لما بقيت في تالته ثانوي وهسه ما عندي معاهم علاقه"
-"وحمودي"
-"هووي ما تقول ليهو حمودي بس انا بقول ليو"
-" 😂طيب احمد"
-"احمد قلت ليك كان عايش مع المره الكريهه دي لغايه ما بقى عمرو خمسه سنه وكان عندو نقص عاطفي شديد وانا ما بقدر اعوضو كانت مرة جيراننا ظريفه كان في اسبوع بختو عندها وبمشي المدرسه لكن عشان نفسي عزيزة شلتو منها وبقيت بخليهو في البيت وبيقعد يستناني بعد ما يرجع من الروضه كانت تكاليفها كتيرة وابو يحسبوني كولي امر فالمهم راجل المرة الطيبه ساعدنا بس ما قدر يصرف علي لانو حالتو تعبانه ولهسه عايشين كدا "
-"ممكن اسألك؟"
-"نعم"
-"ليي قاعد مع شله التافهين في الجامعه "
-"لاني تافه "
-"انت جادي "
-"هم اصحابي بالجت وساعدوني بس اتغيروا وانا ما بقدر اخليهم بسهوله "
-"كويس "
وصلنا بيتو قال لي:
-"لازم اعرف البت دي قالت ليهو شنو"
-"لحظه خليني انا اتصرف بعرف اتعامل مع الشفع عندنا شافع في البيت"
-"سامي"
-"اي الشفع ما بيرضو تكون انت العنيد لازم هم العنيدين "
-"طيب بس اذا هبشت اخوي بوريك ليهو"
-"خلاص يا مستر اكرم"
مشيت ودقيت الباب وبعد شويه فتحتو لقيتو منكمش على نفسو وبيمسح في دموعو وشو احمر من البكاء شكلو ظريف خلاص مشيت جنبو وقعدت اتلفت لي وكان ساكت قلت :
-"احمد تعال اوريك سري"
-"بالجت بس انا ما بعرفك كويس"
-"لكن انا احمد والاحمدات بيثقو في بعض 😉"
بدا يضحك قال :
-"احمدات ...طيب خلاص تعال قول لي"
قلت ليهو:"عندي اخو صغيروني زييك"
-"اها"
-"دا السر"
-"دا ما سر السر زي الورتني بيهو سوسو"
-"وسوسو دي قالت شنو"
-"ما بقدر اوريك دا سر"
-"طيب رايك شنو يكون سرانا انك توريني السر دا وانا اقول اني ما سمعتو وكدا يكونوا سرين"
اتعمدت الخبط ليو راسو بس هو فهم الجمله الاخيره قال :
-"ابوها عيان وقالت محتاجه قروش وانا اديتها من قروش احمد عشان هو ما بيمانع يساعدها وبقت بتشيل من قروشو كل مره ودا سري ما توري زول 😉 😉 "
-"طيب"
اتصدمت بتسرق طلعت البت ومستغلا براءه الصغيروني دا قال لي:
-"هوووي ما حتوري زول تمام"
-"تمام"
تلفوني ضرب وكانت امي رديت :
-"وين انت يا ولدي"
-"مع اكرم لسه"
-"تعال ليي ما جيت"
-"طيب بجي بس اديني وقت "
-"طيب في شنطتك ختيت حلاوة لاحمد اديها ليهو "
-"طيب"
مشيت برا واحمد ساكيني وجا اكرم علينا احمد ادسا وراي قال ليو:
-"بقى فيها خيانات يعني احمد بقى اخوك الجديد "
عاينت لاكرم وهزيت راسي قال لي:
-"شنو"
قاطعتو:"احمد تعال امي جابت ليك حلاوة"
فتحت جيب الشنطه القدام لقيت كميه كدا بتاعت حلاوة بتجيب سكري قال :
-"يااااي كنا متفقين تجيب لي حلاوة ممكن نزورها يا اكرم عليك الله"
-"طيب هسه الحلاوة دي كتيرة"
-"عارف قالت اكل منها كل يوم واحده"
-"تمام"
شال الحلاوة سرعه وجرا اوضتو سألت اكرم:
-"موفر قروش "
-"ايوة 😃ليي؟"
-"كم قروشك "
-"داير حاجه "
-"لا لا قروشك كم كلها "
-"يعني عشرين مليون كدا موفرها طول عمري لمستقبل حمودي"
-"وخاتيها وين "
-"داير بيها شنو"
-"وريني ضروري كان مخبيها في دولاب في اعلى رف خشينا ولقيناهو مفتوح ومافيو ولا جنيه هو خشا في حاله صدمه كورك :
-"دا منو الملعون الشالهم"
-"دي البت مربيه"
-"شت "
-"خليها لما تجي تاني ونمسكا "
-"طيب بس البجيبها شنو شالت القروش كلها "
-"انا متأخر في الدفع "
-" تمام تضرب ليها عشان تدفع ليها "
-"ما حنقدر نمسكا الا نجيب شرطي او شي بالشكل دا "
-"ليي؟"
-"لانو اذا مسكناها نحنا ممكن تفتح بلاغ فينا على اننا اتعدينا عليها لاننا شباب واخوك الصغيروني ممكن تطلعو برا القصه"
-"صاح طيب"
المهم ظبطنا الامور ومسكوها قال لي :
-"القى مربيه وين تاني"
-"ماف داعي شوف طريقه تانيه "
-"طيب ....ما عارف والله "
-"طيب انا ماشي ونفكر في حل يوم تاني"
-"تمام يا حمودي الكبير"
جا حمودي من جوا وكورك:
-"سوقنا معاك "
اضطروا يجو معاي وقعدوا معانا لغايه العشا واحمد ما عاوز يفارق امي ولما جوا يمشي قعد يبكي ويقول ليهو دي امي في النهايه استناهو لما نام بس شكلو اتأثر ووامي نادتني...........