معنى السعاده2

36

سامي:
بعد الطلعه الحلوه السويناها انا وفلان عمي 😂😂 رجعنا البيت ولقينا عمي عماد قدام الباب:
-"كنتو وين يا جوز اللوز"
مهند:"سرقنا عربيتك لو بتسمح هاك ياخونا "
ختا ليو المفتاح في جيبو وجراني وراهو سرعه ونسي رجلي وقعت على وشي بس كويس رجلي لسه في مكانها عمي عماد فار وكورك:
-"مزفت!"
-"اسمي مهند وليس مزفت وانت يا سامي قوم بطل تمثيل"
رفعت ليو رأسي بعد تعب رفعني وقال :
-"خلاص خلاص هو كويس وانت اطلع مشوارك يا عمو مزفت 😂😂"
وخشا بسرعع جوا بالجت منو الشافع فينا دخلت وجاري رجلي وراي ومشينا نمنا وصحيت قبل المغرب بشويه كدا تعبان شديد وقمت اخواني اكيد جو واكلو الاخضر واليابس ومهند لسه نايم مشيت المطبخ بهبش كدا وقعت صحن ابيض كبير كش اتكسر جات لما وعاينت لي وكوركت:
-" مالك بتندب كدا زي الحرامي ما تجي تقول عاوز اكل تتسممو ياخ استغفر الله منكم انتو الاولاد"
-"والله ما قاصد "
-"اترزع في الكرسي داك وانا بجيب ليك سم "
قعدت ولمت الصحن وخوفتني خويفه كدا بعدين جابت الاكل وختتوا لي وقالت :
-"اتسمم"
اكلت ومشت هي انا اكلت في كرسيي دا في المطبخ جا مهند وجرا كرسي وقعد يآكل معاي "
اكلنا كويس قال لي:
-"سامي نطلع نلعب كورة"
-"كورة ؟؟ والمصيبه التحت دي"
عاين لرجلي وقال:
-"اخوانك كلهم عاوزين يذاكروا "
ابوي جا ومافك الزهجه والكشيرة لسه كورك:
-"سامي بعد ما تآكل القاك مع كتابك فاهم امسك ماده وحاسمعها ليك بالفاصله فاهم"
هزيت راسي واتكلمت:
-"حاضر"
-"مهند امشي شوف شغل غيرو سامي ان باريتو ما بتضوق النجاح "
هزيت راسي وابوي طلع مهند قال لي:
-"القنبله الموقوته تتحرك "
-"ايوة "
مشيت ذاكرت بعد الاكل قريت سرعه سرعه ولاني اصلا حافظ كويس فمراجعه خفيف كفتني ومشيت لابوي جري ورصيت ليو الكتاب (ربنا يحفظو ويبقينا زيو كدا😭) بعد خلصت قال لي:
-"ماشاء الله ربنا يحفظك لي "
ابتسمت وقلت :
-"ممكن بعد دا العب مع مهند"
-"انت مهند دا يوم تصاحبو يوم تقلب عليو "
-"بالضبط "
عمو عماد عاين لي وقال:
-"كلمو ممكن يفهم"
-"بشنو؟؟"
ابوي:"عماد!!"
-"ااا...خلاص انسى"
كان الوقت تقريبا الساعه تمنيه ونص مشيت برا ولقيت صاحب احمد داك جا ومعاهو اخوهو الصغيروني داك بقا قاعد مع حسنه وبيناديها امي وانا مشيت لمهند ولقيتو شايل تلفون سألتو:
-"دا حق منو "
-"حبوبتي"
-"مهند"
-"تلفوني الجديد بس ما تكسروا لي تمام "
-"يا شرير المهم ارح اقعد برا واتفرج علي بفوز على اولاد حلتكم "
-"طوالي"
-"اتأكدت من انو حازم في مكان آمن"
-"لا خلصت قرايه ارح"
مشينا برا وجاب لي كرسي ونادى اولاد الحله وخلو اي حاجه عشان يلعبو معاو كانوا كلهم بيعرفوا وهو بيعرفهم اكتر مني انا الساكن هنا وبقوا كلهم بيسألوا عن حالو ومتين جا ومشتاقين وانا راجيهم يلعبو وبدو اللعبه مهند كان هدافهم وطلع لعاب بشكل از فريقو بتمنيه سته كانت لعبه حلوة خلاص وانا كنت مندمج معاهم شديد جاني وقال لي :
-"عشرة ونص جات "
واحد من الشباب:"مهند تعال نلعب تاني"
-"لا ما بقدر ود اخوي الصغيروني دا كفاو"
كلهم عاينو لي:"سامي!!!"
متذكرين لما كنت صغير وانا بشبعهم شتايم عشان يلعبوني ديل هم زاتهم اصحاب اخواني الكبار مهند ضحك وقال:
-"اكيد عامل مصيبه صح"
وهم قبلو علي :
-"دا الولد اب لسان سليط "
-"اي بتاع الشتايم دا كان ببيعرف شتايم انا ما بعرفا"
-"كيف تكون انت قريب واحد زي دا ما تتشرف ابدا"
-"اي شافع قليل ادب "
مهند:"خلاص هو قريبي في النهايه "
-"كان كدا ياحليلك"
-"افصلا ما عاوز مشاكل معاكم "
-"لا لا خليو مشاكلو معانا ما معاك..."
اداو بنيه كدا لحقتو الارض واتكلم بضجر:
-"مشاكلو ومشاكلي واحده وكان راجل اهبشوا عشان ما ترجع لامك تاني وانتو في واحد عندو اعتراض"
-"........"
-"كوييس "
ساقني من يدي ولا اتلفت ليهم ورجعنا البيت جاني احساس حلو شديد انو عندي زول كدا ادسا وراو ايوة ابوي واخواني ما مقصرين بس ما شغالين بي للدرجه دي مسكت يدو قوي عاين لي وابتسم واتكلم:
-"اذا ضايقك واحد كلمني واصلا جاي اعيش معاكم هنا 😉"
-"مهند شكراا دافعت عني♥"
-"قول لي انو اخوانك ما كانو بيدافعو عنك "
-"زمان كانوا بيدقوني وبيرجعوني البيت عشان ما اعمل ليهم مشاكل "
-"خلاص لقيت ليك اخو كبير احسن من سميرو"
-" 😉ما توريهو"
-"طيب "
لقيت نصهم اتخمدوا ومشيت نمت حسيت بشعور حلو شديد ايوة كلهم مدافعين عني بس اابوي كابوي مدافع عننا كلنا واخواني الكبار مدافعين عن كل اخو صغير ليهم بس احساس اني مميز عندواحساس حلو وذكرني حمزه وبكيت لما نمت ومر الاسبوع على خير علاقتي اتحسنت ميه مرة مع مهند واخواني بعد خطفوني التوأم المرح رجعو وآدم وسمير شبه اخوان وبقوا بيتكلمو مع بعض وابوي صالح نسوانو وجا اليوم الحامشي فيهو المدرسه مشيت وحسام كان مكتئب جدا بس كأنو بيحاول يخبي مني ساعه الفطور لكا قعدنا سوا حكيت ليو بالحصل كلو من الالف للياء قال لي:
-"لحظه يعني اخوك آدم حيمشي يطلبها من ابوها في السجن 😟"
-"ما فكرت كدا "
-"بيكونوا فكروا في حل "
-"ايوة وانت اخبارك شنو"
-"ولا شي"
-"طيب لي شكلك زعلان كدا "
-"امي !!"
-"مالا"
-"اتزوجت 💔"
-"اوه..."
-"ما اخدت رأيي اصلا"
-"وراجلها الجديد ظريف معاك "
-"ما اتعاملت معاهو ولا عاوز ولا حاتعامل معاو "
-"طيب هو بيدخل في حياتك "
-"لأ "
-"طيب ليي زعلان وقت هو اصلا ما فارق معاك "
-"انا ما زعلان"
-"ياااخ عليك الله !! عاوز تلعبها علي عارفك زعلان وريني ليي؟"
-"حتسافر معاو"
-"؟؟زي شهر عسل ولا حاجه بالشكل دا"
-"لا لاهلو كانت عايزاهو يسوقني لكن رفض وقال ليها تخليني مع جدي"
عيونو دمعت 😟قلت :
-"خلاص ما تزعل ممكن زيارة قصيرة"
-"ما قصيرة قالت لي انها حتغيب طويل ومشيت وقلت ليهو يخليها ويمشي واتشاكات معاهو بس امي شاكلتني انا 😭 "
-"حسام 💔"
-"الزفت دا عاوز يسرق مني امييي"
-"خلاص معليش ما تزعل "
ما كان في بالي حل ليهو بعد شويه قال :
-"امي قالت لي انو حيكون زي ابوي بس مستحيل ماف زول زي ابوي "
-"عارف انو ابوك ما بتعوض بالنسبه ليك بس حاول تتقبلو لانو لو ما عملت كدا حتخسر امك "
-"سامي ما تتكلم كدا"
-"لكن بالجت افهمني هل فعلا عاوز تخسر امك عشان هيي اتزوجت واحد تاني"
-"بس هو عاوز يتملكها ويوديها تسكن عند امو وامو ساكنه في بحري وانا ما عاوز امشي من هنا"
-"كدي اهدا انت منو القال ليك حتسكنو هناك "
-"هو قال لامي كدا وهي فرحت وحنمشي من هنا 😟 وحاتنقل من المدرسه وما حنتلاقى تاني😭"
-"حاول تفهمو وخليو يحبك كدا ويعاملك زي ولدو عشان يلبي طلبك وما تمشي مني ما عندي زول مصاحبو اكتر منك"
-"انا زاتي بس بعد الشكل والنبذ دا ما اظن امي تاخد رأيي "
-"ما حالقى زول يتبايخ معاي😭"
-"وما حالقى صاحب تافه زييك 😭"
نهايه اليوم قال لي:
-"حاقعد اسبوع لقدام "
رجعت البيت زعلاااان بس مهند قلب مزاجي ومضى اليوم على خير........