5

27 1 0

بواسطة Tsoooky

بقلم Tsoooky

-"الحقوا سمير ولدي في الحراسه"
آدم اتنفض (ما لقيت لفظ مناسب 😂 ) ومشا وسالها:
-"قصدك شنو يا خاله "
-"ضرب لي قبل شويه من المركز "
-"اففففف وابوي"
-"ما لقيتو شكلو طلع "
قمت انا وعواد واحمد والباقين نايمين طلعوا برا يتكلمو واحمد قال لي انا وعواد نقعد هنا قال لي:
-"سمير سجنوه ؟؟!!"
-"انا زاتي سمعت كدا"
-"حيكون عمل شنو"
-"ما عارف ياريت يكون كويس "
-"ان شاء الله يضربوه ويأدبوه في المركز "
-"لا عواد!! عيب عليك "
-"شفتو بقل ادبو كيف وشايف روحو بشكل خليهو هناك يعرف حجمو"
-"عواد ما ظريف منك كدا "
حسان صحى وسالنا:
-"حصل شنو سمعت صوت مزعج دخل لي في نومي"
عواد:"سمير في السجن"
-"هااااه كيف وليي ومتين ؟؟؟"
-"ما عارف "
طلع برا وخالد اصلا كان نص نايم ونص صاحي لما شافوه قام وراه وانتهزت الفرصه وراه دق الباب وكان ابوي اتكلم:
-"ما لقيتو في المستشفى وكلموني انو اتبرع بالدم لواحد وما وروني منو "
خالد:"فصيله دمو O تعتقدوا انو المريض كمان فصيله دمو O"
حسان:"قصدك ؟؟"
-"دمو ممكن يتماشي مع اي فصيله تانيه يعني ممكن تنقل دم من فصيلهO لزول دمو من فصيلهA مثلا لكن ما ممكن تعمل العكس "
-"دي مشكله يعني ممكن يكون اي مريض في المستشفى شال الدم "
-"في احتماليه تانيه انو المريض فصيله دمو O وما لقوا زول فصيله دمو زيو عشان يتبرع الا سمير"
-"هاااااه كدا اسهل بس لازم نعرف الحصل شنو "
ابوي :"انا حامشي اتفاهم مع الشرطه وبعدين نشوف البيحصل "
عواد:"والجريمه العملها تفتكروا شنو "
-"ما عارف حامشي اشوف "
خالد:"عواد تلقاهو شارب"
عواد بيضحك :"فعلا"
ابوي:"ما وقت البياخه انت وهو "
سكتوا وابوي طلع يشوف سمير والمصيبه السواها اخواني البقيه صحو الا رامي كان نااايم ولا هاميهو فجأه سمير جا راجع مع ابوي ومبهدل بشكل شكلو اتضرب مشا طوالي يغسل وشو علياء :
-"لقيتو وين "
-"قدام باب البيت وما نطق معاي "
جا راجع والجميع مستني اجابه عاين لينا بتفحص
ابوي :"سمير الحاصل عليك شنو"
-"ممكن اتكلم معاك "
-"اتكلم "
-"اول حاجه انت "
اشر على عواد
-"وانت"
واشر على خالد
-"وانت"
اشر علي
-"ما في داعي تعرفوا "
عواد :"ما هاميني اصلا"
خالد:"اصلا قلتها براك ماف داعي"
بقيت بعاين ليهو بحزن وانا ما فاهم حاجه ليي انا هم اخوانو وعاملين معاهو مشكله انا مشكلتي شنو مشو الاتنين وبقا بعاين لي قلت ليهو:
-"عاوز اعرف"
-"خش جوا"
-"سمير....."
-"هش ولا كلمه خش جوا"
-"ابوي.."
-"اسمع كلامو وخش جوا يا سامي"
خشيت جوا بسرعه وانا قربت ابكي شعور فظيع انك تحس نفسك منبوذ سمير كان بيكرهني بس هو بقى يحبني ليي هسه بيرجع لورا حتى ابوي حرام عليهم انا ما غلطت قمت واستسلمت طلعت وكلهم التفتوا علي والكل كان منجذب مع كلام سمير ابوي بغضب:
-"سامي!!"
-"المشي للحمام حرام"
-"طير"
مشيت ورجعت سرعه من غير ما احاول اسمع اي شي ونمت صحيت تاني يوم واستعديت للمدرسه ونزلت وابوي كان قاعد قعدت من غير ما اقول اي شي جا حسان وقعد جنبي وجا سمير جنبي وقال لي:
-"اخبارك يا سامي؟؟"
ما رديت
-"زعلت "
-"........"
-"سامي الموضوع عدا على خير ما تزعل كدا"
-"........."
-"وبعدين ...حتفضل زعلان"
-"......."
-" مفتكرني حاحنسك بجازك يا زول"
-"........"
ما اشتغل بي وجا باقي اخواني ورامي قال :
-"في زول كان بيتكلم بالليل صوتوا خشا لي في حلمي "
ماف زول رد عليه قال :
-"هاااااا سمير وشك منفوخ مالك في زول دقاك"
-"رامي اخلص "
-"انتو كل يوم بتحصل حاجه وانا ما عارف "
-"رامي كفايه"
-"لا يا ابوي حاصل شنو وسمير مضروب وسامي زعلان من الصباح والباقين زي الشحمه والنار"
-"ياااه رامي قلت ليك خلاص"
-"افففف طنشوني زي كل مره "
احمد:"رامي انت ما سامع كلام ابوي قال ليك اسكت يعني خلاص اسكت "
-"انت كمان مالك زهجت منكم اخيرا حامشي المدرسه وارتاح ارح يا سامي "
قمت وراه وابوي اخيرا انتبه لي:
-"سامي الشاي"
-"ما داير"
مشينا سالني :
-"حصل شنو"
-"ما عاوز اتكلم في الحصل امبارح "
-"ليي يا ولد انت زاتك مطنشني"
-"انا ما كنت حاطنشك اذا ما هم طنشوني انا "
-"انت زاتك طنشوك سامي انا زعلان خلاص "
-"ليي"
-"انت ما بحالتك الطبيعيه انت مكتئب "
-"هاااه "
-"انت كنت الطاقه الايجابيه في البيت انت وحسان لكن هسه لا انت لا حسان حتى وائل شكلو منزعج "
-"حاولت تسال امك "
-"اه نسيت ياخ انا غبي بشكل "
-"تعترف "
-"الاعتراف بالذنب فضيله"
-"بس تتوقع شنو الحصل "
-"ولا شي ولا متوقع اي شي ما كنت قايل اذا نمت بدري بتحصل حاجات كتيره بس اول امبارح صحبي الله يرحمو ...ما قدرت افتح عيوني وجعتني واما امبارح استاذ ابراهيم معطنا معط بالمعاصر وكنت تعبان شديد تخيل خلانا نحفظ تلاته مقالات ونسمعها في نفس اليوم آه وجع لي راسي"
-"يا مسكين وبيدرسنا تاريخ حصتو بتكون نوم "
-"اصبر هسه بتصل تامن يشتغلو ليك الممتحن الممتحن"
بدا يحاكي الاشاتذه ويقول:
-"رامي حازم شنو الدرجات الكعبه دي حسن ممستواك عشان تلقى ثانويه كويسه اخوك بيقرا احسن منك "
-"انا اصلا احسن منك "
-"ياااا شين اسكت ساي كرهتني جايب اعلى درجه في المدرسه وانا الاساتذه كلهم رامي حازم رامي حازم كرهوني خاصه انو اسمائنا بتتشابه "
-"صح ما افتكرت للحاجه دي "
-"المهم يا زول المره الجايه خليني افوتك "
-"بالله تحلم تفوت سامي حازم "
-"اها حتحكي لي حصل شنو "
-"رامي!!"
-"عليك الله في المدرسه اصلا ماف زول شايفنا وفي البيت ما حيخلوك تكلمني"
-"طيب لاقني فسحه الفطور في الميدان "
-"بعد الجرس فورا "
-"طوالي "
وصلنا المدرسه ولاقيت حسام وقعدنا سالني:
-"شكلك زعلان الليله"
كان مخبأ اسراري وبيعرف اي شي عني كان طيب شديد معاي وهو كمان حكى لي عن عيلتو وكيف معاملينو بقهر باختصار عايش نفس حالتي قلت ليه:
-"تفتكر اخواني لهسه بيكرهوني"
-"سامي مش قلت انهم اتجاوزو الموضوع وبقيت صاحبهم "
-"ايوة بس امبارح سمير وابوي نهروني "
-"سامي ما كل زول ينهرك معناها بيكرهك "
-"لكن انت ما عارف الموقف من بين كل اخواني سمير اختارني انا "
-"آهااا لكن ليي"
-"ما عارف بس كلهم قلبو على "
-"ما كلهم ابوك وسمير بس اما رامي اخوك طيب شديد "
-"ايوة انت عارف رامي دا احلى واحد فيهم "
-"فعلا هو ظريف "
-"حاقعد معاه ساعه الفطور "
-"ايوة كلمو انا متاكد انو حيساعدك "
-"ما بقدر هو عايش معاي في نفس البيت حيحصل لي شنو اذا اتكلم عن القلتو "
-"ما تتوتر"
-"حاضر"
مشينا للطابور.. الفصل ...ساعه الفطور اشتغلت تمرين الرياضيات ونسيت رامي تماما جاني في الفصل ودق الباب وقال بصوتو الجاهر:
-"السلام عليكم يا سامي حازم "
رفعت رأسي وشفتو اتذكرت قلت ليهو:
-"اهااا نسيت "
جا وقعد قدامي قال :
-"بتكتب في شنو؟؟"
-"تمرين "
-"اهااا وقربت تخلص "
-"ايوة اديني لحظه "
أكل فطورو وهو راجيني وشال فطوري من الشنطه قال :
-"داير ؟؟"
-"رامي انا جعان "
-"عارف انا زاتي "
-"يا زول لأ"
-"طيب حل حل...."
..............
   هل الفكره حلوه؟؟
   خلاص نقيف هنا!!
   رايكم +تعليقكم+انتقادكم
   صوتوا♥♥